هل تفرقين بين المزح والرزح ؟!!!

الأسرة والمجتمع

السلام عليكم ورحمة الله وبركاته
صباح / ومساءالخير

المزح

كلمه يعرفها الصغير والكبير ونستخدمها في الغالب

سؤالي

كيف تفرقين بين المزحه والرزحه ؟ وهل تتقبلين المزح من الكل او اشخاص معينين ؟

انتظر ارائكم :)
6
10K

يلزم عليك تسجيل الدخول أولًا لكتابة تعليق.

تسجيل دخول

همس الآنين
همس الآنين
انا بصراحه ماأفرق وأوقات استوعب بعدين ان الشغله رزح مو مزح وبصراحه مو كل شخص أتقبل مزحه حتى لو ماقلتله بس فيه ناس تحسين هم يزودونها حبتين وهالاشخاص بالذات لو مزحتي معاهم بنفس أسلوبهم ما يتقبلون بس الحمدالله قليل أقابل في حياتي كذا
ودعت بنتي
ودعت بنتي
ايش معنى الرزح؟

المزح احيان يكون لطيف وبطريقه مهذبه هنا اقبله من اي شخص
واحيان يكون ثقيل فيه اذيه جسديه او جرح مشاعر مااتقبله من اي شخص مهما كان

الله يعطيك العافيه على الموضوع
الهنوف اختكم
الهنوف اختكم
والله فيه فررررق تحسين المزح يعني اشياء ماحد يقصد انك تزعلين منها
والرزح ضحكه على تعليق او شي يضايقك مثلا وحده اعرفها تمزح مع ولدي دايم انه بخيل وانا عارفه تقصد بهالكلام خوالي لانهم معروفين فيه >> طيب انا وش ذنبي وش ذنب عيالي بخوالي ؟؟؟ والله حرام عليهم
وغير هالمثال كثييييييييييييير
تحسين اللي يرزحزن يدورون شي يضايقونك ويقولون باسلوب ضحكه وهم قصدهم يضايقونك وبسسس
أنسام الصباح
أنسام الصباح
انا بصراحه ماأفرق وأوقات استوعب بعدين ان الشغله رزح مو مزح وبصراحه مو كل شخص أتقبل مزحه حتى لو ماقلتله بس فيه ناس تحسين هم يزودونها حبتين وهالاشخاص بالذات لو مزحتي معاهم بنفس أسلوبهم ما يتقبلون بس الحمدالله قليل أقابل في حياتي كذا
انا بصراحه ماأفرق وأوقات استوعب بعدين ان الشغله رزح مو مزح وبصراحه مو كل شخص أتقبل مزحه حتى لو...
يسلمك ربي على رايك ومرورك
مدري وش ابي
مدري وش ابي
في ناس تدس السم بالعسل عن خبث وكيد
وبالمقابل في ناس ماتثمن الكلمة وتطلع كنها رزحة وهي عالنية و ماتقصد

بالحالتين بيكون رزح لكن الفرق واضح
ان احسنتي الظن فيهم غلبك الخبيث
وان اسأتي الظن ظلمتي اللي مو قاصد

الحل انك تردين بمزحة لها معنى و تقولينها بضحك واستهبال بدون زعل
ان كان قاصد بيفهم مزحتك انها رد له
واذا مو قاصد ماراح يفهمها وتمشي عادي
بتكونين اخذتي حقك بدون مشاكل و زعل وسوء ظن