افضل الوحده ما تحمل على طول اذا كانت تقدر

اولا عشان تستانس شوي قبل الوحم والثقل

ثانيا عشان تشوف حالها مع هالرجال ماشي والا مو ماشي ، لأن الطلعه بدون عيال اسهل من الطلعه بطفل !

افضل بعد الزواج بسنة تقريبا

حتى لو تزوجت و عمرها 26 او 28 او 29 .... كل وحدة و ظروفها و كل وحدة لها حق انها تستانس مع زوجها

كذلك اهي ما راح تييب درزن يهال 3 او 4 كافي علشان تربيهم تربية صالحة

مع العلم اني مو متزوجة

اناافضل انها ماتحمل على طول لكن اذاالله اراد مانقدر نمنع
انا عني حملت بعدزواجي بشهرين بس ماكان ودي لكن زوجي طار من الفرحه
وهذاانا نااادر مااطلع عشان بنتي تبهذلني
يعني حلو لوتجلس سنه اوسنتين تستانس بعدين تفكر بالحمل والوحم والقلق

الموضوع حلو
اكيد لو الوحده تجلس 6 او 7شهور أفضل تستانس وتنبسط.. حملت بعد زواجي بشهرين ووحام وتعب ونفسيه تعبانه
الله لايوريكم...

الحمل نعمه من رب العالمين
الوحدة لازم ماتقول انا ما ابي احمل احينه
تقول الحمد لله ان شاء الله متى ما الله كتب
لكن ما تقول انا ماابي احمل
لعل وعسى رب العالمين يجيب لك هذا الطلب وما تحملين عقبها
انا اعرف بنات تزوجوا وهم في سن حلوة وكل شوي يولون لا ما نبي نحمل ويكررون هذي الجملة
واخينه صار لهم سنزات على الزواج وما حملن والفحوصات الطبية تقول مافي اي من الزوجين عيب لكن ارادة رب العالمين

بعد هذي المقدمة الطويلة
قولوا اول ماشاء الله تبارك الرحمن وبسم الله

انا تزوجت وعمري 19 سنه واحب العيال بس ماستانست واايد بزواجي لأني كنت سنه ثانية جامعة..
وريلي سافر عني 6 شهور .. ثلاث ويرجع اسبوعين وثلاث وبعدين قعد خلاص
فأنا حملت بالاجازة يعني بعد ماكملت 10 شهور
صراحة الكل فرح وانا بعد
بس حسيت اني مااستانست بعدني بالعرس ولا الطلعات.. وبعدين الجامعة ووحام ولوعة جبد
بس قلت الحمد لله
انا حسبتها وقلت ياربي راح اربي على امتحانات آخر السنه وقعدت احاتي
وانا بعد امتياز يعني كل شيء راح يخرب
بس الحمد لله
ربي وفقني
ربيتي قبل الامتحانات وخذيت 20 يوم اجازة طبعاً ماغبت الفصل هذاك ولايوم من جي
ورجعت قدمت امتحاناتي وقعدت بعدها مع ولدي 4 شهور
وحملت بالثاني بسرعة مع اني كنت آخذ حبوب والعب رياضة
ورب العالمين لو كتب شيء يصير.. كنت حامل شهرين وما ادري
بس الحمد لله
ربيت بعد ماتخرجت بشهرين
فكان حبيبي الثاني هدية تخرجي :17:
ماشاء الله وتبارك الرحمن وبسم الله