هل تقبلين أن تكوني زوجه ثانيه000 ليش؟؟؟........عفوا مكرر

اشوف المواضيع اللي من هالنوع زادت هاليومين من بعد موضوع ام عبدالله...
عالعموم مافيه وحدة تقبل بهالشي الا اذا هي مقتنعة بالعكس

انا عن نفسي لاااا طبعا لا والف لا

لواقعد طول عمري بدون زواج ......مااقبل اكون زوجه ثانيه

ابني سعادتي على تعاسه اخرى.....لا مستحيل



مستحيل تلاقي رجل يعدل.......غير المشاكل اللي تصير

وأول الضحايا هم الابناء....والاغلب الزوجه الاولى

وشكرا

ليااان
حنين للوطن الغالي
شاكره مروركم

والله يا إختي لو اطلعت على الغيب وشفت إني ضامنه إني باكون زوجه أولى دائماً وأبداً.. كنت جاوبتج بكل ثقه إني مستحيل أكون زوجه ثانيه.. لكني لا أعلم ما كتب لي .. فكيف أتكلم بما لا علم لي به؟!!

أكيد ما في وحده تتمنى تكون زوجه ثانيه.. بس فيه أشياء تخليها ترضى تكون زوجه ثانيه.. أهمها النصيب

بتقولون كيف النصيب وهي اللي اختارته؟.. لأن اختيارها جا ليوافق هذا النصيب وينفذ أمر الله عليها

بعدين في شغله من جد أنا مب فاهمتها وفيها تناقض كبير .. لا جت وحده تشتكي إنها بعدها ما تزوجت قالوا لها صبري نصيبج ما جا .. حبيبتي الزواج قسمه ونصيب وتأكدي اللي الله كاتبه لج بتاخذينه.. يا عيوني هذا قدر ومكتوب .. وكلام كثير يصب في نفس المعنى

بس لا صارت زوجه ثانيه.. ينسون كل الكلام اللي كانوا يقولونه .. ويصير الكلام الجديد.. إنتي ظالمه.. كيف تبنين سعادتج على تعاسة بيت ثاني.. خطافة رجال.. تحملي ما جاج وتستاهلين أكثر .. يا عسى الله يفكنا من كل زوجه ثانية ويمحيهن من الوجود وكلام أكثر وتجريح أكبر

طيب وين راح الكلام عن النصيب.. إذا الزواج مب نصيب.. ليش فيه بنات لين أحين ما تزوجن مع إن مب ناقصنهن شيئ.. وليش واحد يبي وحده وما يقدر ياخذها ووحده تبي واحد وما تقدر تاخذه .. وليش فيه بنات ينغصبن على رجال ما يبونهم ورجال يضطرون ياخذون حريم ما يبونهم.. وليش تقولون الزواج قسمه ونصيب؟ وليش وليش وليش؟؟

مره شفت محاضره لعمرو خالد قال فيها الأم اللي تقول ليش بنتي ما تزوجت والبنت اللي تقول ليش ما تزوجت للحين... قال هذا سخط على رب العالمين.. إنتي تشوفين هالجمله عاديه لكنها سخط وعدم رضا والعياذ بالله.. وكل شيئ رزق ومقسوم.. قال والله قطرة الماي اللي تشربينها هذي ما شربتيها إلا لأنها نزلت من السماء مكتوبه لج وومشت في الوادي أو النهر أو البحر وهي مكتوبه لج ووصلت عندج وهي مكتوبه لج.. يعني مستحيل أحد يشربها غيرج مهما حصل.. وتنصب في الكاس مكتوبه لج وبتشربين القطرات اللي مكتوبه لج بدون زياده أو نقصان ولو الكاس في قطرات مب مكتوبه لج راح تبقى في الكاس وما بتشربينها

وعليه صرت أقيس كل رزقي.. وبما أن الزواج رزق لو رزقي مع متزوج شو أقدر أسوي؟؟!!!

خلاصة القول... أتمنى أن اكون الزوجه الأولى والوحيده لزوج محب مخلص يتقي الله ولكني لا أضمن شيئ على الإطلاق وأهم شيئ الرضا

حنا كلنا نقول حنا فاهمين مفهوم القضاء والقدر والقسمه والنصيب ولكن من منا فعلاً يفهم هذه الأمور فهم حقيقي ويرضى بما كتبه الله له!!!!

والسموحه على الإطاله

يا بنات ليش تفتحون مثل هالمواضيع ؟
وانتوا عارفين ان معظم اللى يدخل من النساء؟؟؟؟؟؟؟؟؟؟؟؟؟؟؟؟
وهم بطبيعتهم وبالفطرة لا يرضوون الا لظروف معينة :

لكن بجاوب على سؤالك :

العانس
المطلقة
اللى ماكو احد خطبها وودها تطفش من اهلها ؟؟؟
الجيكره اللى سوقها مو ماشى
اللى تعانى من عاهة
هذى الفئات اللى ترضى تكون زوجة ثانية فى الاغلب