استيل :

ايوه لي تجربة ساابقه مسكت الاداره سنه وبعدها اعتذرت المسؤليه كبيره وكل شيء في وجه المديره من ضمنها اخطاء وتقصير المعلمات والاداريات اعمال النظافه والصيانه للمدرسه المديره المسؤوله عنها .. تعطل الة التصوير الاحبار والورق المديره تشتريه والمشكله ماتقدرين تتصرفين لوحدك لازم زوجك معك واللي زوجها تارك لها العنان تاخذ وتعطي مع السواق رح اشتر هذا وجيب هذا ووصل هذا اللي خلاني اترك الاداره هو بسبب المكالمااات المديره تكلم رئيس الصيانه وتكلم المراسل بشكل شبه يومي وتكلم شؤون الموظفين وتكلم مدير المستودع اذا احتاجت كتب ناقصه او ضاع ريموت السبوره وزوجي محلفني مااكلم ولا رجال ايضا المديره مسؤوله عن مراقبة المعلمات وتقييم ادائهم كل الدرجات بيدها وهذي مسؤوليه عظيمه وتعرفين كيف البعض والله مايستحق اكثر من جيد جدا لكن لان المديره السابقه عودتها على الامتياز صدقت حالها واذا قيمتها على النقاط نفذت او لا يعني كل شيء محسووب وتطلع درجاتها جيد جدا تعالي شوفي التحسب والدعااوي ؟؟؟ هذا غير السجلات اللي تعبيها المديره واذا جات المشرفات كل وحده تطلب سجل ولازم بعض السجلات تتعبا بشكل يومي مثل سجل الوقائع اليوميه مع انه من مسؤلية المساعده لكن اذا قصرت من اللي في الوجه ؟؟؟ الاداره تكليف مو سهل ومو كل واحد يقدر عليها اعصابي تعبت ونفسيتي صارت دماار وشهيتي للاكل انسدت راحت الوناسه وسعة الصدر والفلة مع المعلمات والقهوه والحلا والحركات اذا تقيدتي بالنظام قالوا عنك شديده واذا ارخيتي معهم شوي فلتوااا حريم ماينعطن وجه الكلام اصبح رسمي والادارة كشفت لي وجووه وسخه وكل القذاره في النفس البشريه صارت تطفح على السطح يجوني معلمات بالدس والنميمه واقفل الباب في وجيههم اقول لهم ماابي نميمه تقول لي هذا لصالحك ؟ بشر غريبه كانت تجربه في حياتي ماانساها وماافضل اني ارجع لها ماره ثاانيه خليك معلمه مسؤوله عن دروسك وطالباتك اشياء انتي تسوينها وتبدعين افضل من الاداره ومشاكلها

ايوه لي تجربة ساابقه مسكت الاداره سنه وبعدها اعتذرت المسؤليه كبيره وكل شيء في وجه المديره من...