حبيبتي انا اتكلم من واقع نعيشه هل ترضين تاخذين واحد اجمل منك بكثير ويشوف نفسه عليك وتلاقين البنات لافين حوله وهاتك يامقارنات هو احلا منها وهي شيفه ومن هالحكي اللي يجرح ونفس الشي بعض الحريم اذا كان قمة فالجمال صارت تعاير زوجها مع اني اشوف ان الحرمه اهون يعني حتى لو صارت احلى من الرجال لكن العكس اذا كان هو جميل هنا المصيبه اذكر مره رحنا زواج صديقة اختي وزفو المعرس قبل العروس وتشوفين البنات يوه يجننن يشبه الممثل فلان اذا هو كذا اكيد العروس احلا ولما طلعت العروس صارت عاديه جداا قسم بالله جمبي ثنتين ماعرفهم كل وحده تقول وع وع مالقى الا ذي يعني تشوفين علامات الاستغراب من الناس وهذا الشي يجرح قسم بالله تخيلت نفسي مكانها صح ان كل شي نصيب ويمكن هي عايشه احلى حياة وعيشتها اطلق من مليون بنت حلوه وهذا مجرد موضوع نطرح فيه اراء لكن مو شرط يكون ردي منطقي لكن انا اتكلم بقناعتي الشخصيه فقط

موضوع غريب وحلو
بس كل شي قسمه ونصيب
فيه وحده تحلف ماتاخذ الى ملك جمال وفي الخير تزوجت واحد شكله اقل من عادي
واحد عذب اهله بمواصفات عروسة يبغاها طويلة شعرها طويل وناعم وبيضاء
تزوج مرتين وطلق وكلهم عكس المواصفات الي طلبها
وياما حريم تزوجو ناس بشعين يعني بشعين بس عايشين عيشة الامراء ويحبون بعض وكذلك العكس
اهم شي الاخلاق بعدين الخلقة

مادري
عن نفسي صراحه مااتقبل

يابنات فيه فرق بين اللي مرررره مو حلو وهذا هو اللي تقصده صاحية الموضوع ...
اما اللي عادي واللي مقبول ما اعتقدر هذا قصدها ...
لكن الوحده مثل ماقالت سمو العزيزه يكون زوجها جمييييييل طبعا فيه فرق بين اللي حلو والجميييل .....الجميل ماتفكين عينك منه من جماله ...اما الحلو لو دققتي بتطلعين فيه شي مو حلو لكن مع الهندام والكشخه والترتيب والاهتمام يطلع حلو فااعتقد الوحده تقدر تواافق عليه وهذا انا اللي ممكن اوافق عليه وع العادي ...
لكن ارجع لكلام سمو العزيزه صادقه بكل كلمه حتى لو البنت حلوه يعني جمال متوسط لكن بمجرد تتزوج احد جمييييل بتطلع مو حلوه مررره ...لان الناس بتقارن وبكره بيجيهم عيال والناس بيقارنون والله هالولد حلو من طالع له وووالخ وبكره الزوج يكون مغرور وشابف نفسه اذا تقدم فيه العمر ورجعت له المراهقه ييقول بااخذ لي وحده حلوه مثلي ...

اذ ربي كتبه من نصيبي ليش مارضى فيه
وبعدين الحلاوه ماتجي الا بالطبع
يعني انسان جميل وطبعه سيئ مع الايام ينبهت جماله
هالكلام مو مثاليه بس يوم عشنا وشفنا