هل تقبلين ان تتزوجي رجل متزوج؟؟

السلام عليكم
أبغى استشيركم لاعز صديقاتي تقدم لخطبتها شخص متزوج ولديه اطفال وماعليه هذا الرجل خلوق الحمدلله ..ولكنها متردده كثيرا هل تقبل بشخص متزوج ولديه أولاد أم ترفض على الرغم أن اهلها ينصحونها بالقبول ..
وصديقتي هذي مطلقه ولديها طفل بس ماشاء تبارك الله حبوبه وحلوه وهي بالعشرينات .. المشكله تقول أن اهلها يصرون عليها ويقول ترى يمكن الفرصه هذي ماتتكرر وحسافه واحنا ادرى بمصلحتك اخاف بكر تتندمين اذا رفضتي وهي من جانبها رافضه شخص متزوج وعنده أولاد وفوق كذا مشكلتها كانت تحب طليقها السابق ما ادري على ايش على الرغم أنها عاشت معه بااهانه وظلم من قبله وقبل اهله بشكل كبير وتحملت اشياء كثيره من ضرب واهانه وسب وشتم لأنها كانت تحبه إلى أن تم الانفصال لظروف كثيرة وما صدقوا اهلها ينفصل عنها..واهلها حاسين بهذا الشيء ويقولون لها تزوجي وافرحي بعمرك وانسى طليقك ماكان يستاهلك (: الظاهر كان ساحرها استغفر الله

وش رأيكم ياأخواتي والا ترفض وتخاف الفرصه ماتتكرر وهل الشخص المتزوج سيء والا يفرح بالزوجه الثانية ويقدرها من اللي جربت انها تكون زوجه ثانية مارايها ؟؟؟ افضل من الاعزب او المطلق ؟؟ هي مره خايفه تقول اخاف مايفرح فيني اخاف يكون اسوأ من الاول اخاف اخاف اشياء كثيره ترددها علي ..تقول ان احلم بااستقرار وزوج يحبني بمعنى الحب والتقدير واطفال وحياة مريحه هادئة ..

وجزاكم الله الف خيرا وسهل لكم كل اموركم