akakakak :

في رأيي اسباب الطلاق يمكن تكون غير معروفة عند الناس دايما ، يعني في ناس يتطلقون وتكون اسباب الطلاق سر ، يعني الواحد يمكن ما يبا يفضح الشخص اللي عاش معاه حتى لو كان مدة بسيطة، فالمفروض من كل وحدة تسال عدل عنه وعن اخلاقه قبل وتحاول تدور اسباب الطلاق ، اعرف وحدة تطلقت وما في حد يعرف اسباب طلاقها ، طلعت بعداسبوعين من زواجها من بيت زوجها ، وكل اللي يسألها ليش تقول الطلاق احسن والحمدلله اني تطلقت منه . بس أنا الوحيدة اللي اعرف أسباب طلاقها وهو ان زوجها كان طماع في فلوسها لدرجة انه طلب منها تشتريله سيارة في ثاني يوم بقيمة 300 ألف . لا وبخيل لأقصى درجة مع انه فلوسه توصل زيادة عن المليون هذيل اللي تأكدت انه عنده غير الفلوس اللي طبعا ما لحقت تشوفه خلال هذيل الاسبوعين ، وتصوروا اغراض بيته ( الأكل واغراض المطبخ ) ما طاع يشتريهم وقالها إذا تبين تشترين دفعي من عندج .وهي يا دوب على قد راتبها واضطرت تشتريهم لأنها خلال هذي الفترة حتى الجوع حست فيه . كل هذا الموضوع ما حد يعرفه غيرها وغيري .فضلت تستر عليه . بس هي كانت ذكية ما طلبت الطلاق راحت بيت اهلها ، ورفضت ترجعله إلا بشروطها وجدام المحكمة , وتعرف انه من النوع العنيد فقعد يعاند فيها وكل شوي يقول بطلق وخلاها معلقة 6 شهور الين الناس ما كلوا وجهه وخصوصا انه صاحب مركز ، وهي بالمرة ما يابت سالفة الطلاق مع انها تتمناه بس وكلت امرها لله وفوضت امرها له ، فسبحان الله الله يسر الها الطلاق. وما تخانقت معاه ولا شيء حتى في المحكمة يوم قالها القاضي لازم يدفعلج نفقة عن الشهور اللي قعدتيها في بيت اهلج ، قالت ما محتاجة شيء من عنده ، حتى ابوه كان موجود , والكل شاف دموعه . تخلصت منه وتصرفت وياه بنبل فمستحيل ما يكون حاس بالندم . تقول في المحكمة شفته وهومنزل عيونه ما قادر يرفعها ، وحتى اخوها انتقل للمكان اللي يشتغل فيه ، ما كمل كم يوم إلا وهو منتقل ، يعني اكيد ما قادر يواجه حد باللي سواه . وكل اللي يعرفه الناس سالفة السهر برع البيت . ومب قد المسؤولية . فالوحدة لازم تتأكد عدل من شخصية المطلق قبل ما تفكر ترتبط فيه نصيحة مني .

في رأيي اسباب الطلاق يمكن تكون غير معروفة عند الناس دايما ، يعني في ناس يتطلقون وتكون اسباب...