هل تقبلين بمعدد ان كانت هذه ظروفك ؟

السلام عليكم

صبحتو بالخير

يااخواتي العزيزات اعتبروني اختكم او كل وحده تحط نفسها مكاني وجاوبوني بصراحه
لكن قبل السؤال بعلمكم بظروفي وطبيعتي وشخصيتي

انا مطلقة من 3 سنوات تقريبا بدون اطفال اخواني واخواتي كلهم متزوجين ولاهين بحياتهم مافيه الا انا وامي وابوي بالبيت المهم بعد طلاقي كنسلت فكرة الزواج نهاائي ولهيت بوظيفتي واعمالي وغيره لكن اتمنى يصير عندي اطفال وبنفس الوقت مالي خلق للزواج والمشاكل وتحمل مسئولية طفل كبير من طبخ ونفخ وحقوق واصلا تغيرت نظرتي للزواج بعد طلاقي فكنت اتمنى زواج غير دائم يعني مثلا اتزوج واحد عنده 3 زوجات ومشغول جدا بحيث انه مايجي عندي الا كم يوم بالشهر والله من جد هذا الي أتمناه لا تقولون مانتي صاحية لكن انا ابي الزواج اطفال فقط غير اني احب الهدوء احب امشي حياتي مثل ماابي مااحب التنكيد بأي شي وأهلي الحمدلله تاركيني على راحتي ابي اذا تزوجت اصير مثل حياتي الحين واربي عيالي على كيفي واعيش حياتي بكيفي والحمدلله عندي دخل ماني محتاجة مصروف ولا شي وعندي سواق وعندي شغاله

ان شاء الله وصلت لكم شخصيتي وطبعي


نجي للمهم خطبني شخص متزوج ومشغول بأعماله وقال انه راح ياتي لي كم يوم بالشهر طبعا ليس مسيار زواج عادي فيه اشهار وفيه سكن مستقل وغيره وزوجته واهله موافقين وراضين

انا بصراحه هذا الي ابيه مثل ماقلت لكم وعارفه نفسي لكن اهلي كانهم ماودهم واحس ترددهم جاب لي التردد

انصحوني تكفون هل اقبل ؟ علما ان اخلاقه ودينه تمام الحمدلله حسب ماسألنا عنه


والزوجات الثانيات ماهي اهم المشاكل الي واجهتك ؟
والزوجات الاوليات هل تقبلين بزوجه تشاركك زوجك وكل الشهر هو عندك ماغير ايام قليله لها ؟ خصوصا اذا عرفتي انها مستقله بحياتها بس تبي اطفال ؟



انصحووووني ووجهوني احس اني ضايعه كنت اتمنى هالشئ ولما صار مثل ماابي خفت و مالي الا الله ثم انتم