السلام عليكم ورحمة الله وبركاته

في البداية أشكر كل الأخوات اللي شاركوني مشكلتي بآرآئهم ونصايحهم اللي أكيد اني حاخذها بعين الاعتبار.

وبالنسبة لخطيبي فهو اتصل علي اليوم وهو متأثر بسبب الموضوع لدرجة انه مريض في البيت من يوم صار اللي صار وحاول انه يعتذر عن اللي صدر منه وحلف لي انه حيبطل هذا البلاء الي هو بلسانه قال انه بلاء , سألته ايش اللي يخليك تسوي كذا قال والله ماادري يمكن الموضوع فيه لذة بس ولله لذة زائلة وأنا لو كنت مدمن كان بان علي من زمان ووعدني انه مايحطها في فمه مرة ثانية.
جلست أفكر في كلامكم اني أسيبه وفي نفس الوقت خفت أظلمه فقلت أعطيه فرصة وأشوف إذا انعدل حاله تمام واذا لا لا سمح الله يصير كل واحد في طريق!! (ايش رأيكم) بس ياريت تدلوني كيف أعرف اذا بطلها والا لا , لانه طول الثلاث سنوات اللي راحت مابان عليه أي شيء أبدا رغم انه احنا دايم سوا يا اما في البيت أو على التليفون يعني تقريبا 24 ساعة, يعني لو كان مدمنها أكيد لازم في غلطة تبين انه في شيئ غلط.
أنا عارفة انكم بتقولون اني متعلقة فيه مرة بس أنا اقولكم اني متعلقة فيه مووووت ومو متخيلة ان الملاك الحنون يتحول لوحش قاسي ومستحيل ارضى انه يخرب حياته بسبب لذة زائلة. وفي نفس الوقت ما أبغى أظلمه فيكون صادق معايا وأنا أعطيه ظهري ,

أرجوكم دلوني :44:

عزيزتي
انت قلتيها
خلال الثلاث سنوات و لم تلاحظي شئ
اجل كيف الحين بتراقبيه؟
و كيف بتعرفي اذا يشرب او لا؟ و خلي ببالك انه سوف ياخذ احتياطاته علشان تلاحظي انه وقف
و بعدين هو مالك من ثلاث سنوات..لو بده كان ترك من وقتها بس هذا معناه انه لم يقدر
ارجع اذكر بنقطه قلتها و عادتها العضوه ::Sweety::
هو خلى مصارحته لك بصالحه
يعني يوريك انا كويس بدليل اني خبرتك لان واحد غيري كان ممكن يخبي عليك
و بعدين هو بس يشرب؟
معروفه اش هي اجواء الشرب و اش يصاحبها!!
حاولي انك لا تفكري بطريقه اني سوف اظلمه و ممكن يكون هو مظلوم ووو
انت هذا الوضع امامك و باين ان العقل يقولك اتركيه
ولاحظي ان جميع العضوات تقولك اتركيه رغم انه معروفين العضوات انهن دائما يوصون الصبر و الدعاء وو و لكن موقفك غيرررر
يا بنت الحلال هذا خمر :(
كم عمرك؟ و كم عمره؟

حبيبتي

مثل ما قالت دموع

يعني اللي 3 سنوات ومو مبين عليه.. مهما راقبتيه الحين ما بتتاكدين!!

بعدين مهما كان هالملاك حنون.. بس تخيلي انك بيوم روحتي على بيتك ولقيتيه سكران.. ولقيتي بغرفة النوم وحده! واللا حتى الشغاله <<<<< مهو سكران ومو صاحي.. وتخيلي انك احتديتي معاه فقام ضربك على وجهك واللا جرك من شعرك وهو سكران يدافع عنها!! ايش بيكون موقفك؟؟

السكران يسوي اي شي.. هاذي النقطه قالوها البنات مية مرة بس انتي مو حابه تصدقيها لانج تحبينه.. بس تخيلي هالحب ايش ممكن يسوي فيج بعدين؟


الله يكتب لج الخير

اختي صحيح لو يبي يتركه جان اتركه من يوم قرر يرتبط ويستقرويكون اسرة لاتقولين انه من فترة قصيرة بدأ يشرب

انتي ماتدرين عنه يمكن هذا نوع من انواع الاساليب للتخفيف من قوة الصدمة وشنو نوع المساعدة اللي طلبها منج
تدرين شنو المساعدة اعتقد ما يبي الانفصال وانج ترضين بوضعه لان حط في باله ما دام انتي عرفتي عيبه وتركتيه

خلاص مستحيل وحدة ثانية بترضى فيه هو يفكر بهذي الطريقة خايف اذا عفتيه وتركتيه خلاص ما احد يبيه بعدج.

اقولج احمدي ربج ويمكنه من زمان على هذا الشي والعياذ بالله بس يبي يعلقج فيه عدل بحيث انج ما تقدرين تتخلين عنه ويوم تعلقتي فيه وحبيتيه ولا تقدرين تستغنين عنه و3سنين تعتبرعشرة فأخذها فرصةو تأكد من عواطفج تجاهه وكبر راسه وبعدين من تالي تذكراحترامج وتقديرج و صارحج؛ بس خلي عواطفج على جنب وحكمي عقلج باجر وراج عيال وبيت والله تتبهذ لين معاه. انتبهي لا يخدعج ويذرف دموع التماسيح ويقولج ساعديني والمفروض توقفين بجنبي واذا ما وقفتي انتي بجنبي من بيوقف ومن هالكلام اللي لا يودي ولا ييب خلاص انهي موضوعج واستري عليه.
ولا تحاولين انتي تنهين الموضوع وياه خلي اخوانج او ابوج .ولا يبينون له انهم عرفوا شي بالامر

لان لا قدرالله يوسوس له الشيطان ويسوي شي ويضرج لأنه بيعتبرج فضحتيه و ما دام انه يشرب توقعي اي شي يصدر منه.
خلي اهلج ينهون معه بالهداوة ولا يحسسونه انهم عارفين خليهم ولا كأنهم يدرون عن شي يدبرون اي سالفة له ولا يعلمونه بالصراحة.يعني لا يقولون له انج علمتيهم انه يشرب انتبهي.
فهمتي علي.
وانتي قبل كل شي استخيري الله والله يوفقج. وهو الله يهديه ان شاء الله ويستر عليه.

( ومن ترك شيئاً لله عوضه الله خيراً منه).

ياختي اتركييييييييييييييييييه.. الخمر ماوراه الا خراب بيوت ..صدقيني..والله بيعوضك من هو اخير منه..

واذا بتخلينه يترك الشرب لااااااااااااااااااااااازم يترك اصحابه.. تقدرين تغنينه عنهم؟؟؟؟؟؟؟؟؟؟؟