والله فرحتوني بردودكم يابنات...
بصراحه أنا ما طرحت الموضوع وأهتميت فيه إلا لأني أحس حلاة الإتيكيت والذوق يبدأ من أنفسنا في بيوتنا مش تصنع قدام الناس... والإتكيت اللي أتكلم عنه ماهو شي تمثله يوم يومين ونتعب ..لااا حلو الوحده تكون كذا على طول وتربي عيالها عليه ..
والله أشوف ناس ماشاء الله عيالهم مؤدبين وقمــه في الترتيب وهذا مايدل إللا على تربية راقيه من الاساس...مو تهاوشين بنتك ليش تسوي كذا قدام الناس وهي تشوفك تسوينه بالبيت عاادي

والله تراكم حطيتو ايدكم على الجرح فعلا كل كلامكم صحيح بس تراه حرام الي قاعدين انسوية في نفسنا من ناحية عدم الاهتمام بللاتيكيت بس الوحدة من زود التعب والقهر يعني انا بصراحة كل يوم مع عيالي انظف وراهم وانضف البيت واهتم بكل التفاصيل وبحكم اني مغتربة وزوجي يدرس يعني مو فاضي ابدا لاي شي انا اسوي كل شي الطبخ التنظيف مدارس الاولاد اكل البيت والشرب وحتى الفسح انا امشي اولادي تبوني بعد كل هاذي المعانه يكون الي نفس اهتم في نفسي والله كله مادة بوزي شبرين معصبة من زود التعب
والله احيانا انقهر من نفسي واكره نفسي كثير لما اتكلم مع زوجي بصوت عالي وبالذات اذا شفت ايدة ترتفع وياشرلي اخفض صوتي اموت من الفشلة والقهر حتى لما اكل اكل بسرعة لانه حضراتتهم الي يبي ماي الي يبي عصير وهذا يكب الماي على الطاولة وهذا ينثر الاكل حوسة ما تنتهي بس والله غصب عني اليهال مجنيني لا حطو فيني لا رومانسية ولا اتيكيت ولا شي اخر اليل لما ينامو احس براحة وهدو واقعد انا وحدي في الصالة مع اضواء هادية وبدون تلفزيون عشان استمتع بشوية هدوء والله تعبت
زوجي انسان يحب الدلع والرومانسية بس من صوبي اما اهو لا يدلعني ولا شي اذا ليش يطالبني اكون رقيقة ليش اهو بعد ما يعاملني مثل ما يحب اني اعاملة يعني يتهرب من اي مناسبة لا عيد ميلادي ولا عيد زواج ولاحتى هدية بدون مناسبة نفسي في مرة يدخل علي بهدية انشاء الله بريال بس هدية ولا مرة سواها وانا كنت اهتم بعدي ميلادة وعيد زواجنا واهدية من غير مناسبة وادلعة بس لما شفت اهماله ولا كانه شي صاير صرت اعامله بالمثل بس اكتفي اقوله كل عام وانت بخير
ليش احنا الحريم مطالبين بكل شي بس الرجل ما يهتم الا بنفسة
وفي النهاية اذا حب الرجال يتزوج على زوجتة قال ماتهتم فيني وما يخلي عيب الا وحطة فيها طيب ليش الرجل ما يهتم في الزوجة ليش احنا نركض ورا ء كل شي وفي النهاية لا تقدير ولا احترام ولا ونطلع احنا الغلطانين بعد والله قهر
تراه هالموضوع وايد مهم انا بصراحة احاول اني على الاقل اكون ناعمة والله نسيت اني انثى من شغل البيت والمسؤولية الي على راسي
بس انشاء الله احاول اغير من نفسي للاحسن
والله يعينا على الحياة والاولاد ولازواج

الله يسعدك ياعسل ........................
والله انك دقيتي علي الوتر الحساس ..انا كنت اول الزواج ياسلام اللبس والكشخة وكل لبسه معاها شراب ولا خف وذحين قسم بالله اني البس اللبس حتى ماهو طقم لبعض اخذ اي شي في طريقي والاكل اقعد ازط وابلع الين ماانكسف من نفسي ........وتحضير الاكل الله لاويريكم علي قولك لوناكل من القدر ماهو مشكلة والحلويات والكيكات نسيت والله كيف تتصلح
بس بصراااااااااااااااااااااااااااااحة احس اني ماني راضية عن نفس ابداااااااااااا
يعني كل يوم اتعذب احس زوجي مرة هذا الشي ماهو عاجبه .............
بس يااخت عسل لا زم نبحث في الاسباب ........لا تقولين من العيال انا ماعندي عيال ...........
بس احس وجود الشغالة ضروري يعني الوحدة تكون متفرغة لنفسها وكمان مع الدوام احس اني ارجع تعباااااااااااااااانه واذا نمت وصحيت المغرب اقوم جسمي مكسر ما ابغا اصلح شي يادوب اسوي عشاءمن غير نفس ..............
يعني لازم نعدل في انفسنا يابنات واهم شي نبحث الاسباب عشان نتجنبها.

هههههههههه والله انج عسل على اسمج ضحكتيني يوم قلتي يصرفنا ناكل من الجدر


طيب بالنسبه لي انا تغيرت كثير عن اول الزواج .. وخصوصا في سالفة الستيان الطقم .. الحين نفس حالتك اللي قدامي البسه .. ترقيع هههههههه

الرجال ما يخلون فيها أتكيت أبد ...
مااااااااادري أش أقول بس حاسه أشياء كثير فيني تغيرت
وأهم شي اللسان
دآآآئما يقولي لسانك طايل زياده ..
من الي نشوفه يابو الشباب!!!!!!!!!!