مشتبة تسبدي
يعني ما أدري ايش أقول ... والله العظيم اني فرحت كثير بردك و تعليقاتك و دعائك ... يا أختي حبيتك سبحان الله ... فيك خفة دم ما تمنيتك الا جارتي أزورك و تزوريني خخخخ:42:

شوفي يالغالية ... انا عندي كتب أنجليزية اذا تحبين قولي لي اكتب لك أسمها ... و عندي هالكتاب بالعربي والله حلو عنوانه شوي طويل اللي اعجبني فيه , فيه رسم كاريكاتوري يشرح بعض المواقف مع الطفل اسمه :
كيف تتحدث فيصغي الصغار أليك و تصغي أليهم عندما يتحدثون؟

تأليف :
اديل فابر
الين مازليش

تعريب :
فاطمة عصام صبري

متوفر في مكتبة العبيكان

بيع منه أكثر من مليوني نسخة في أمريكا :icon28:

لا تنسين يا الحلوة , ترى مش بس انتي اللي بتحاول اليوم كثير ان شاء الله انا كل يوم احاول و أكثري من ( أستغفر الله ) .
ومش معناته انك لما تحاولين تضغطين على نفسك وتكونين ثلج ...
لان كذا انتي بتتعبين لان هذه مش طبيعتك ... المهم انك تسيطرين عليها, لا تعودين نفسك ترتاح لما تصارخين من قمة راسك لان خلاص بيتعود جهازك العصبي على تفريغ الشحنات العصبية بهذه الطريقة .
العبي رياضة او امشي ( المشي عجييب بس داومي عليه )
تهدئة الأعصاب و القدرة على التركيز انتي تعلمي تتحكمين بها مثل ما دركسون السيارة مسيطر على السيارة من خلال السواق , انتي السواق<---- شرايك بالتشبيه ؟ خخخخ
بالنسبة للحضن و البوس و المسح ع الرأس و لمس الخد, اغصبي نفسك وشوي شوي والله بتحسين ان ذاك الجمود اللي كان ( خبرك مش متعودين كثير من اهلنا على هالحركات الله يعطيهم الصحة و العافية و يرزقهم الجنة بغير حساب امين ) بس اغصبي نفسك , والله ثم والله ان بعدين انتي بتحسين ان الله سبحانه احيا شئ في قلبك ... أول أسويه تمثيل عشان ما احسس عيالي بأي نقص من حبي و حناني و لا كنت احسه شئ متعودة عليه و أستثقله بس اسويه , سبحااااااااااااااااااااااااان الله , الحين وهم نايمين الله يخليهم لي , أروح أحببهم و أحضنهم و أشفق عليهم ...
مرة نصحت وحدة من الاهل هالنصيحة , تقول كيف استغربن ان لمس خد بنتها و هي تكلم أمها كان لحظة عجيبة للأم و للبنت , تقول كلللللللللللله أمسح على الراس و امسح الخد و أبوسه و ادعي لك على هالنصيحة :42: <----- يعني ان نصايحها ذهب , تمدح كثير في نفسها ما تلاحظين ؟ خخخ بس الصراحة الكتب نورتني كثيييير و حابة أفيد غيري زي ما استفدت والله .

الله يخلي لك ما اعطاك و يبارك فيهم و يجعلهم قرة اعين لك و لابوهم دنيا و اخرة امين ...
قول لي اذا أشتريتي الكتاب و أعجبك ... و بشرينا بولادتك و قيامك بالسلامة ان شاء الله

تسلمين يابعد روحي انت ..... القلوب شواهد يا حياتي ... ويشهد الله اني حبيتك وحبيت اسلوبك الله يسعدك دووووووووووم .... ياليتنا جيران ولا صار هالضحوية تواسعنا الصدور وكل وحدة تقول للثانية اركدي بلا عصبية ههههههه :42:





بالعكس انا اتعب اذا صرخت _ على كثر صراخي _ جدا تتعب نفسيتي واقعد طول اليوم وانا متضايقة ... اليوم احس اني ريلاكس ومبسوطة لأني متعاهدة نفسي مافي صراخ .... الله يتمم هاليوم على خير ... وكل الايام يارب




جا ي بالي امثل خاص اذا كنت متضايقة بس ترددت ... بس عقب تجربتك اكيد لو تمثيل .. وان شاء الله مع الايام نتعود ...




الذهب ينزل ويرتفع .... لكن والله انت وكلامك اغلى من الذهب والماس وكل غالي .... فعلا كلامك درر وجدا هادف ....... الله يسعدك




باذن الله باشتريه باقرب فرصة .... واكيد بيعجبني دامه منك يالغلا

...................... ابشرك اليوم صار فيه تغيير ..................

يوم قعدت اغديهم كالعادة الله يصلحهم ما يا كلون الا بطلعت الروح ... وبالنهاية اقعد اصارخ عليهم ..... بسرعة .... تحركوا .... وتحترق اعصابي ... والنتيجة وحدة .... لكن اليوم قلت لا يا حلوة ( هذي انا اكلم نفسي بالمسايسة عشان تركد :42: ) قلت اليوم مافي صراخ ... اذا صرختي بتتعبين وتتعبين عيالك ولا تستفيدين وترا بيكرهون الاكل .... قالت نفسي طيب انت السواق وانا المركبة سوي الي تبين .... ( فاهمة مثالك مضبوط :) ) :26:

يالله ان شاء الله من احسن لأحسن ....

الله يوفقك وعن النار يبعدك ومن كل خير ينولك ويسخر لك المال والبنون والزوج الحنون ... ويرزقك جنات النعيم .....

اي والله انا لم اكلم بنتي بمدح تستانس وتسوي لي كل الي اطلبة ولا تعاند ولم اصرخ عليها تعاند وتصيح على طول ويعطيج العافية على هل النصيحة وبارك الله فيج

مشتبة تسبدي
ما تتخيلين شكثر فخورة فيك .... حلو الانسان اذا عرف أن فيه شئ سلبي يحاول يغيره ,,, أرى ان هذا قمة القوة !

بالنسبة للتأكيل ............. يا شينه و يا صعبه :icon33: نفسي عيالي ياكلون مثل عيال الناس , متعبين الله يحفظهم و اذا ما نأكلهم بنفسنا ياكلون أكل عصافير و لا يرضون يكملون و بعدين يصيرون هيااكل عظمية و أخذي من كلام الناس : شفيهم ضعفوا كذا ؟ <---- ووجيه عليها أسى كأنه عيال الوحدة في مجاعة ... و تقعدين تحترين و تقررين انهم لازم ياكلون زين و طبعا هم الله يصلحهم ما يتساعدون معاك و الله مرات ان تأكيلهم ياخذ ساعتين :icon33:

بقولك عن الاشياء اللي نفعت معي نوعا ما ...

- اعطيهم فيتامين زيت السمك على طعم البرتقال مرة مفيد + يفتح الشهية نوعا ما .

- اشتري قطاعات اشكال نجوم و قلوب و حيوانات و غيره من محلات الاواني و الكيك و خلس مثلا الخيار على شكل نجمة و الجزر اصابع و ابتكري ,,, انا استخدم الكبار في السندويشات فتكون سندويشة على شكل نجمة كبيرة ... هالحركات تحبب الطفل بالاكل .-حاولي انك تنتبيهين لموضوع الحلويات و لا تعطينهم الا بعد الاكل ...


- انا صرت اخليهم ياكلون السلطة و انا جايبتهم من الروضة في السيارة و ترى الاطفال يحبون الذرة حطيها مع السلطة .

- سوي شوربة خضار و حطي معاها مكرونة اشكال و الا مشروم مع دجاج و كريمة بيضاء , لاحظت الاطفال يحبون الشوربة , يمكنلان سهل شربها .

- اشتري صحون خاصة فيهم عليها شخصيا يحبونها و اشتري المفرش اللي تحت الصحن عليه شخصيات كرتونية ....

- أنا عيالي الله يحفظهم اذا جيت أغريهم بالاكل ... أقول لهم مثلا ... تصدق يا فلان ان الدجاج اذا اكلته يطلع لك عضلات ... شف كل وحدة و خلني أمسك ,,,, و امسكي جهة العضلات في اليد و سوي نفسك منهبلة .... و شوفي وجهه.... الطماط اذا رفض ياكله , قولي تصدق ان سوبرمان دااااااائما ياكل طماط عشان يقوي دمه و يصير قوووووي , اللبن , اذا شربته يروح على عظمك على طول و تبدأ تطول , اشربه و خلني اشوف طلت و الا لأ ؟ و اذا شربه , قولي وقف أشوف , و ابدي عاد تمثيلية : ما شاء الله يا فلان قمت تطول و عظامك اشوف ... الله الله صارت قوية من اللبن ... وهكذا .

- حطي تمر مع الغدا , يحبون الحلو في اكلهم و طبعا مفيد لانه حديد .
- سوي حلو ياكلونه بعد الغدا و لا تقولين لهم عليه , و قولي اللي بياكل غداه , بياكل بعده شئ ممممممممممم .... هم بيتحمسون و طبعا بيزعجونك بالأسئلة : ايش ؟ ايش ؟ و بيعصبون :angry2: و يعاندون .... بس انتي خليك صامدة و تضحكين ,,, قولي : لا تضيعون وقت يالله عشان تشوفونه ... سوي كب كيك و عليه اسمه و الا وجه يضحك , سوي كريم كراميل , سوي اسياخ عليها فواكه و لا تكثرين الكمية , خليهم عينات عشان يقدرون يكملون ..

- جهزي الملعقة للطفل , و خليه يحاول يتناولها بيده ... ادري انه بيتمطط و هو يمضغ , و ممكن اذا زي عيالي اللقمة تقعد سنة في الفم ... حاولي تخلين الموضوع ممتع , قولي : يالله نشوف كيف الأكل بيدخل الفم , تقطعه الاسنان و خلي اخوه يحط اذنه على خد الثاني يسمع عملية المضغ و بعدين قولي يالله الحين بيروح في الحلق , وسوي صوت كاريكاتوري ان صوت اللقمة دخلت المعدة و شوفي الضحك ...

- اذا رفض الطفل الاكل , وانتي حسيتي انه ما كل , قولي له : بعد ملعقتين و خلاص ... رفض , قولي له ملعقة . التحديد مرات يقنعه .

- ضعي الطعام بكميات صغيرة , يشتهي الأكل أكثر .

- السمك اشتريه فيليه و خليه مثل الكنتاكي ... منها كلوا شئ مفيد و منه طعم يحبونه الاطفال .

- سوي لوحة و كل ما سوو شئ زين خليه يحط النجمة بنفسه , اخر الاسبوع مكافاة ... مش لازم لعبة , ممكن مثلا , يسوي معك كيكة الجاهزة , يكسر بيض و يخلط و يكب الزيت و الله بيدوخ من الوناسة .
كأني قرقت كثير ؟ بس حاسة فيك والله ...