ريحة المطر :

مرحباا .. مشكورين اخواتي على تجاربكم اللي ان شاءالله انها بتنفعنا في المستقبل القريب باذن الله .. والشكر في المقام الاول لام حصه لانها فتحت باب المشاركه والمناقشه بموضوع مهم جدااااااااااا .. والف مشاءالله الله لايضرك على اسلوبك وثقافتك والله يزيدك من فضله .. ويرزقك بر حصيصه ام قصيصه وانا كنت ناويه اساعد نفسي بالكتب وهذي طريقة صديقتي الله يوفقها .. لكن بعد هالموضوع ماتوقع اني بحتاج كتب ولا غيره .. وبما ان مالي اي تجارب وماقدر افيدكم .. لكن لي ملاحظات على بعض اشكال التربيه عند الناس وراح اتكلم عن ثنتين من صديقاتي وهم جاراتي وطريقتهم مع اطفالهم اللي اشوفها طريقة غلط وسلبيه .. 1- عندها بنت عنيده درجه اولى ومتعلقه فيها بشكل جنوني .. لو تروح الام للحمام وانتوا بكرامه تنهار عند باب الحمام من الصياح .. هذي البنت شيطانيه ودايم امها تتفشل من تصرفاتها عند الناس لانها تحوس وتكسر وتخرب حتى انه مره معزومين عند وحده على العشاء وبيتها كانه متحف ماشاءالله من التحف وغيره البنت مع الحوسه كسرت وخربت الدنيا بلحظه .. كلمت امها على زوجها وجا اخذها قبل ماتحط راعيه العزيمه حتى الشاهي اظن .. وعلى فكره البنت كان عمرها سنه بس :) انا اشوف ان الام هي الغلطانه لانها هي اللي وصلت بنتها لهذي الدرجه .. لانها سلبيه ومتساهله معها مررره بس تجيها حاله تكفخها على تصرف مايسوى .. دايم اقولها لازم تتغيرين انتي علشان هي تتغير تقولي لا انا تعبت معها ومايهمني بالبيت تسوي اللي تبيه بس عند الناس لا .. كيف تعبتي معها وهي لسى عمرها سنه .. بعدين وين العقل عند الاطفال اللي بيستوعب انه بالبيت كل شي اوكي وبرى لا لازم مؤدبين وعلى كيف الاهل .. 2- عندها ولد الحين عمره 3 سنين الله يخليه لها .. مره هادي ولدها وحبوب مشاءالله بس بادي من فتره يسوي حركات زي الصياح اذا يبي اي شي ويتفل :mad: ويقول كلام قليل ادب ههههههههههه تقولي انا مادري من وين متعلم هالحكي واحنا بالبيت مانقوله قلت انتي اللي علمتيه لانه وهو صغير اول مابدا يتكلم (وتعرفون الطفل بهالوقت يصير كلامه يعذب ودك تاكلينه) قال كلمه مش ولا بد (كل .....) :35: صحيح نطقه لها عجيب بس تضل كلمه مو مرغوبه والمفروض بذاك الوقت كان البحث عن اسباب من وين تعلم الكلام الشين .. المهم امه كانت كل شوي تقوله قل هالكلمه لانه عاجبتها .. وحتى قلتلها لاتعودينه عليها ترى بكرا بيقولها لك انتي اول وحده ولا تقولين من وين تعلم ذي الالفاظ .. والله يوم قالتلي قلت لها عادي قالت لا مو عادي قلت انتي اللي علمتيه ليه تزعلين الحين .. ونفس الشيء بالنسبه للتفال هي اللي شجعته وماكانت حازمه معه وهي اللي الحين تعاني منه .. وبرضو الصياح والله الولد ينهار لو مايعطونه اي شي وبالاخير يسوي اللي يبيه احيانا شيء خطر عليه لانه طفل خصوصا انه متولع بالمطبخ ( بيطلع شيف:09: ) وهو ماكان كذا بس لانه مره طالعين عند ناس وصاح لان احد البزراين ضربه ومع الصياح اغشى عليه ( مدري كيف تقولونها بس يعني من شد الصياح انقطع النفس ) وامه مره خوافه .. تقولي بغيت اموت عند الناس من الخوف عليه .. ومن بعدها اول مايصيح بسرعه تعطيه اللي يبي وهذا اللي خربه .. انا ماالومها على خوفها بس هذي التصرفات ماتربي صح ولاتنتج اللي حنا نتمناه لعيالنا اذا كبروا ومو هذا اللين المطلوب .. لان هذا يفسد وينتج جيل اخلاقه متخلخله من اساسها ولما يكبر الواحد شوي مايمدينا نعدل ونبدل ( العود من اول ركزه ) صحيح ماعندي اطفال ولا ادري كيف بصير معاهم .. لكن اتمنى اني مااجحف بحقهم ومااظلمهم سواء كان بدلع زايد او بصرامه زايده .. والتربيه تعاون بين الام والاب لانها ثقيله على واحد منهم .. علشان كذا لازم اثنيناتهم يتثقفون مو واحد يتعب ويحاول يأسس صح والثاني يدلع ويخرب .. ادري كلامي واجد بس حبيت اشارك :42:

مرحباا .. مشكورين اخواتي على تجاربكم اللي ان شاءالله انها بتنفعنا في المستقبل القريب باذن الله...