هل تهتمى بماضى زوجك؟؟؟

الماضي ماضي ياختي

لاتهدمين سعادتك وحياتك بالتفكير بالماضي

عيشي يومك وغدك
ولاتفكري راح تتعبي وراح تكونين انتي الخسرانه

الله يستر علينا وعلى ماضينا....

مو لازم اعرف ماضي زوجي حتى لو كان يعرف احد قبل مسموووووح

اهم شي انه مرتاح معي ...

لا تلتفتي للوراء اختي العزيزه...

انه ما ابغي اعرف ما ضيه ولا شي اهم شي اللحين شنو اهو

بالنسبة لي ما سألته لكن هو قاللي بكل بساطة وعادي تقبلت الموضوع - لأني أنا الآن من تملكت قلبه ولا يهم الماضي - اللي فات مات

لكي تتمكني من العيش بسلام معه انس ماضيه وتعايشي مع الحاضر بأنك أنت الآن زوجته وحبيبته وشريكة عمره

في مثل أجنبي يقول The More You Dig , The More Dirt You Get

واللي ما تعرف انجليزي معنى المثل كل ما حفرت أكثر كل ما لقيت قذاره أكثر

خلي ماضيه له، وتذكري انه لو عرفتي ما بترتاحين بالعكس بتقعدين منقهره
لأنه قالج مافي حب حقيقي، ما ارتحتي.. يعني لو قالج كان في حب حقيقي؟
بترتاحين؟ قلتيها بنفسج بموت قهر لو عرفت انه في حب لامس قلبه قبلي
يعني في كل الأحوال انتي مب مرتاحه!!

لذلك انسي الماضي وفكري فيه على أنه كان شخص ثاني مش زوجج اللي معاج
اللحين.. حياته السابقة كانت قبل وجودج ... عليج بحياته في وجودج كيف.

وهذا الشيطان قاعد يطلعلج موضوع عشان تصير مشاكل منه بينج وبين زوجج
ليش تخلين الشيطان يقعد يضحك؟ وانتي وزوجج في مشاكل لموضوع ماله داعي!