انا افضل العقاب اذا اخطا الطفل وذلك اذا ابتدى يفهم يعني من سنتين ونص فما فوق
بس صدقوني التوجيه مهم للطفل من عمر 7 شهور لما تشوفيه يقرب على شي خطر عليه حاولي تفهميه انو هذا خطر عليك يعني قولي له اح عيب سبحان الله يفهم عليك
الشي الثاني وهذا مهم من وجهة نظري وجربتها على ولدي ونجحت ميه بالميه
اذا مثلا كان مع ولدك شي ما ودك انو ياخذه مثلا شوكه خطره عليه او مثلا حاس عليك شي معين وانت بعدتيه عنه وعاندك ورجع مره ثانيه ارجعي بعديه واذا رجع برضه بعديه لحد ما يمل
هذا الكلام للطفل في عمر السبعه شهور فما فوق لحد تقريبا السنه ونص
بعد السنه ونص احيانا طفلك يصر على شي معين وانتي ما ودك انه يتعود عليه
الحين ولدي عمره سنتين ونص يصيح لما نجي ننزل الدرج شيلوني وهو يبي يفرض رايه بايش
انه يصيح يصيح في هالحاله لا ترضخين له ابدا خليه يصيح لما يطيح اللي براسه راح يضطر انه ينزل او يطلع لوحده وفعلا نفعت مع ولدي ومعد يقول شيلوني
قال لك مثلا انا بغرف لنفسي وانتي ما تبينه يغرف ويحوس عليك وجلس يصيح الا بغرف انا
في هالحاله لا تطيعينه وخليه يصيح لحد ما يرضخ
صدقوني في مثل هالمواقف اذا طبقتي اللي قلت لك عليه ما راح يكون ولدك في طبعه العناد لانه عرف انه حتى لو بكى ما راح تنفذين رغبته
لانه ولد اخوي حاله انا تعلمت منها كان فيه طبع العناد بشكل فضيع مثلا ماراح تدخلون لين افتح لكم الباب ولا ترى بصيح فاذا شافوه يصيح نفذوا كلامه وصار هو اللي يتحكم فيهم
الحين صارت اخلاقه زفت لابعد الحدود ومعد قدروا يتحكمو فيه نهائي كل كلامه راح ينفذ غصب عليهم لانه للاسف شخصيتهم ضعيفه عليه
الشي الثاني موقف صار لولدي
شاف ولد اخوي يتفل وهذي عاده جدا قبيحه واكرهها من كل قلبي طبعا ولدي يطبق اللي يشوفه قدامه
واخذ هالعاده عصبت عليه مره نهرته كذا مره ولا فيه فايده اخر شي اخذت بطرف اصبعي فلفل وحطيته بفمه وعقبها ما سواها مره ثانيه تاااااااااااااااااااب
هذي مواقف مرت عليه اتمنى انكم تستفيدوا منها
انا افضل العقاب اذا اخطا الطفل وذلك اذا ابتدى يفهم يعني من سنتين ونص فما فوق
بس صدقوني...
مشكورة على المشاركة........:26: