انا اعطي عيالي بسكويت فارليز من يكملون الشهرين
بس مو وايد ربع بسكوته

احطها مع الحليب واعطيهم بالملعقة

جزاكم ربي خيرا على كل ما ذكرتوا

أختكم جديدة على المنتدى ودخلت خصيصا للبحث عن حل لمولودي الصغير جدا
عمره أسبوع ونزل ووزنه 2200 ( كيلوين و200 ) بعكس أخوه السابق

ومشكلته طول الوقت تبغي يرضع ويبكي وايد وأنا أبكي معاه
ما أبغي أعطيه حليب صناعي ومب عارفة إذا حليبي مكفنه
أحس ما يقدر يمص بزيادة من صغر حجمه

ياترى أعطيه الوصفات اللي ذكرتوها مثل ( ماي النعناع _ والينسون _ وماي التمر _ وحليب نرسي ) بس أخاف يضره

والله محتااااااااااااارة وما يخليني أنام :(

أفيدوني

أختكم _ أم حمد

اخواتي غروب وام حمد

في سن اطفالكم ممكن تعطوهم (ماء التمر- ماء النعناع- مغلي اليانسون- مغلي الحلبه)
وترى مغلي الحلبه يخلي جسم الطفل حلو
ومغلي الينسون وماء النعناع ينظف البطن ويريح الاعصاب
وماء التمر يغذي الطفل
وهذه ماتضر الطفل ودائماً ام زوجي تنصحني استعملها وفعلاً اشفلها فائده

الله يحفظهم ويهديهم:24:

السلام عليكم ورحمة الله وبركاته

بارك الله فيك أختي الفاضلة ريناد الصغيرة وحفظك من كل سوء

إن شاء الله تعالى باجرب له الوصفات اللي ذكرتيهم وربي يهديه

تحياتي لكِ ولهذا المنتدى الطيب

بعطيك أختى تجربتي مع كدزي ....

من يكمل الشهر ونص تقريبا أبدي أحط له مع الرضعه الرز المبشور عندك ماركة ( ريري ) المصري هذا يتفخ البيبي وعندك بعد ميلوبا وايد زين مثلا أحط مع ال120 ماء نص ملعقه وشوي شوي إلى ان أوصلهم ملعقه كامله ولمن يصير شهرين ونص أحط له بسكوت فيرلز طبعا ربع بس وشوي شوي إلى أن يحين موعد البسكوته الكامله وياكلها بالملعقه
( ما أحب الياهل المعصقل ):42:
ولا تكثرين له من التمر لأنه بيمشي بطنه وحطيله سكر نبات مع الحبه الحلوه والنعناع وترى فيه فيتامينات أطفال مفيده للصغار مره عطانياهم الدكتور خالد بوحيمد