تعويد الطفل بالنوم المستقل في سريره منذ الولادة ...حتى لو يقوموا باليل ويصيحوا أستحمل وأقوم أسكتهم و أرجعهم مرة ثانية سريرهم ...طبعا خذ مني وقت وجهد و تعب..بس مع الإصرار نجحت الحمد لله مع الكبير وخلاص تعود ينام بسريره وأحاول الحين أعود الصغير
- أصر أنه يعدل خطأه( مثلا لو رمى شي في الأرض أصر أنه ياخذه ويرميه فالزبالة حتى لو يصارخ وما يرضى بس أصر معاه بالتحايل و التفهيم والتحبيب لين يستسلم)....
- الحين جالسة أحاول أعوده ياكل وحده و يستغني عن الحفاظ يعني يطلب يروح الحمام عند الرغبة (عمره سنتين إلا شهر ) والحمد لله في تقدم ملحوظ....
- اللي أتمنى أقدر أنجح فيه معاه في تعويده أنه ما يلعب بأغراض البيت مثل التلفزيون أو الطباخة لما يدخل المطبخ ( وأدري أنه بيكون صعب بس بنحاول).

..............هذا بو أتذكره الحين وفبالي....إذا اتذكرت شي برجعلكم..........بس لو شفت تفاعل و مشاركات و تبادل إستفادة.........يعني ما تقرون وتشردون ...نبي نستفيد من تجاربكم..وحياكم

طبقت هذي الاشياء قبل سنتين يوم كان ولدي صغير
الان لي سنه ولله الحمد اتبع
لوحة المكأفات
اقسمها لك واحد
الوجبات الغذائيه الصلاة وقرأة القران السلوك المنزلي السلوك الخارجي الوجبات المدرسيه والمجموع الاسبوعي
ولله الحمد مرتاحه وكل اسبوع الي يجمع نقاط كثيرة له طلعه او هديه على مزاجه

وعودتهم بعد فن الادخار
اذا عطيتهم فولس من نفسهم بدون مااضغط عليهم
يشلون منهم ويحطون بالحصاله اما حصالة المستقبل او حصالة الفقراء

اقولك كيف
ازرع بأنفسهم حب الاحلام والطموح للوصول لشي
هم يحبون البسه والحيوانات والطيور
دايم اقولهم انا اقدر اشتريها لكم
بس انا مااحبها الي يحبها يساعد نفسه
وشلون يحسن التصرف وراح يكأفاء ويشيل من مصروفه مبلغ لنفسه
والجزء الثاني له والجزء الباقي للفقير
واذا درو ان بنطلع لسوق اذكرهم بفلوس الفقراء
حلو يصير في تكافاء بحب الخير والحرص على الاخرين
بس قلو ماشـــــــــــــاء الله ولاتتوقعون اني حصلت على الي ابي بلحظة والله بعد سنه من التعب احمد ربي واشكره على الي وصلت له

أختي (فرحتي عبد الناصر)...ماشاء الله عليكي الله يحفظهم عياللك....وإن شاء الله من يكبرون عيالي بحاول أعودهم على لوحة النقاط التشجيعية..........


الجديد اللي عندي أحاول أطبق عليه عقاب الركن المنبوذ...يعني لما يخطأ أخليه بزاوية لمدة 5 دقايق ونطنشه كلنا عشان يحس بالعقاب....مرات يبول -وإنتوا بكرامة- بملابسه لأنه بعده تحت التدريب..أحاول أطبق عليه بهذي...تعتقدون بتنفع؟؟؟!!!

ماشالله عليكم.... الله يجزاكم خير يارب..
جدددددددددددددددا استفدت من الموضوع هذا..

ذكرتيني في هذا البرنامج شاهدته صدفه عند أهلي وأعجبني لأني قنوات الMBCعموما ماسحتها من تلفزيون بيتي تعرفون مو كل البرامج تكون مفيده وأولادي ماأحبهم يطلعون على مثل هذه القنوات لأنه ضررها أكثر من نفعها .
حاولت أطبق بعض الطرق بعضها فشل مثل أعاقبهم في زاويه أو مكان منبوذ لمدة 5دقائق بنتي عمر 5سنوات دائما تعاندني وتبحث عن المشاكل مع أخوانها أطبقها معها تقعد تبكي :icon33: لمدة5دقائق بعدها ترجع للعناد ولا ينفع معها أضع لها وجه حزين :( تبكي وترفض تبغاني أبدله لها بوجه مسرور:) أولادي بعمر 8و7 سنوات نفع معهم أما هي أتوقع صغيره على هذا الأسلوب ولدي الصغير عمره سنتين ينفع أدربه على الحمام من الأن أم أصبر عليه شوي لأني دربت أخوانه على الحمام بدري وتعبت معاهم باالمره:09: .
يليت الأخوات يفيدونا عن موعد البرنامج بالضبط ويليت يكون ليلا علشان أبحث عن القناة وأولادي نايمين وأشوفه على راحتي.
وأخيرا جزاك الله خيرا ياأخت أم حمود وأنوس على هذا الموضوع .

رفعت الموضوع لأني لمست بعض الفائدة من تجاربكن ......

موعد سوبر ناني الجديد هو السبت الساعة 10 مساء للمعلوميه....