هذي وصفة للحمل سبق لي تجربتها :
أنا لي حوالي 6 سنوات متزوجة ولا حملت
استعملت هذه الوصفة 3 دورات
ولكن ما حملت ...لكن الحمدلله >> ماطلعت من المولد بدون حمّص >> على قولة حبايبنا المصريين
لأني استفدت من هذي الوصفة فوائد حلوة .
هذي الطريقة بالتفصيل:
7 فناجيل عسل طبيعي
7 فناجيل حلبة
1 فنجال حبة سوداء
المقصود بالفنجال الي نشرب به القهوة بالسعودية >>>> إن شاء الله عرفتوه
تحمص الحلبة بعد تنظيفها من الشوائب على النار >> في مقلاة
حتى تشقر
ثم تطحن ناعما وتخلط مع العسل
ثم تخلط معهم الحبة السوداء بعد طحنها مباشرة
وتستعمل من أول أيام الدورة على الريق لمدة 7 أيام
والي عطتني الوصفة قالت لازم تاكلينها كلها في الدورة الوحدة >>> هذي لها 17 سنة متزوجة ولا حملت الله يرزقها وكل محرومة
لكن أنا ماتحملتها وكنت آخذ منها ملعقة وأحطها في كاس ثم أضيف ماء ساخن جدا- نصف كوب - عليها عشان تذوب وأشربها بسرعة >>> صراحة طعمها ما استستغته وخاصة أول المرات >> كنت أحيانا اضيف حليب بودرة وأحيانا أضيف سكر عشان يخفف المرارة >> مدري ليش مر ؟؟ مع إنه عسل!!
وعلى فكرة هي قالت إنها تنفع للزوج بعد وممكن ياكلها
فأنا اقترحت على زوجي إنه يشاركني عشان مايتضايق من الريحة
ومع ذلك ماكان لها ريحة أبدا >> يمكن لأنه كان الجو بارد ولا فيه عرق
وزوجي استعملها معي بالبداية وبعدين تركها لكن أنا واصلت ونفعتني بتنظيم الدورة
وحسيتها تنظف ولله الحمد
وأيضا لاحظت تحسن شكل صدري ..
ولكن ماحملت والله يرزقني وكل محرومة
بريداوية @brydaoy_1
محررة
يلزم عليك تسجيل الدخول أولًا لكتابة تعليق.
ph_elham
•
جزاك الله خير
جزاك الله خير ونفع بك ياغاليه ..
ويارب تبشرينا بحملك قريب قادر ربي ..
الله يرزقنا ولايخيب لنا رجا ..
ويارب تبشرينا بحملك قريب قادر ربي ..
الله يرزقنا ولايخيب لنا رجا ..
الصفحة الأخيرة