هل جمال الزوج شي سلبي ساعدوني بمشكلتي

السلام عليكم ورحمه الله وبركاته
ماطرحت الموضوع الا انه متعبني واجد
انا ماحب اتشكى من قريب لي اوبعيد بس والله تعبت من هالبنت مادري وش تبي من حيااتي مادري اواجهها ولا اسكت واجاملها وربي تعبت خلاص


في يووم زواجي جت ونكدت علي حياتي كلها قامت تصيح تخيلو وانا عروسه لابسه فستاني وبيوم فرحتي قامت تبكي وتضمني تقول مو متخيله تتزوجين ضميتها وصحت معاها وخربت كل كشختي وتناظر لي وتتنهد خواتي يقولون لي بعدين ماشفتي كيف تناظر لك على نياتي انا ماحسبهاا مثل مااعرفت المهم سافرنا انا وزوجي ولما رجعنا اهلي سوا لي ولزوجي حفله كبيره جمعت كل العايله وجت هالبنت هااذي تطلع بنت عمتي
بنت عمتي عمرها 27 مافيها جمال ابداا وجسمها شوي كبير مو رشيقه والله والله اني ماقلت شي مو فيها وربي شاهد علي
المهم في هالعشاء سوت لي اكثر من موقف لما دخلت صاله الحريم بسلم الا هي في وجهي سلمت علي بقوه وصقعتني مع عيني قام الرمش دخل في عيني ودموع وخرب ميكب اب وخواتي مسكوني ويزينون الي خرب وهي تقول من الشوق بس والله واضح انها قاصده بعدين جلسنا بس تناظر لي ودق تلفوني الا زوجي قالي تعالي شوي ابيك رحت له ويوم رجعت محد فاضي لحد كلن لاهي اللي يقهوي واللي يسولف بس هي تراقبني اول مادخلت قسم الحريم الا هي بوجهي تضحك وتقول هاه من الحين تروحين له ماتصبرين عيب توك عروس انا ضحكت ومشيت قلت مابي اتكلم في حفل ووناسه اخرب فرحتي
رااح هاليوم ونسيت كل شي صارت جمعه ثانيه بمخيم اهلي ورحت لهم ولقيتها جايه هي وعمتي اول مانزلت نزل زوجي بيروح لمخيم الرجال بين مخيم الحريم والرجال عازل بسيط يعني نشوفهم بس هم مايشوفننا انا نزلت وعلى طول لمخيم الحريم وهو للرجال تقول اختي لي انها كانت واقفه ورى العازل وتخز زوجي خز ويوم دخلت قالت والله عليه سكبه تقصد زوجي يعني شخصيه خواتي ماقالن شي محترمين عمتي وشوفو للحين رغم كل اللي سوته بي وانا اعاملها باحترام واتجاهل كل اللي تسويه احترام لعمتي ومع كل هاذ اسلم عليها واسولف معها بس واضح من ملامحها ان فيها شي هالبنت
ومره كنا نسولف بالواتس وتقولي اباخذ رجلك جابتها من مزح وانا قلت خوذيه وحطيت فيس مو مهتم وتجي تقول زعلتي قلت لا وسكرت ويوم شفت جوالي الا انواع الرسائل منها انتي وانتي المهم سويت لها حظر وارتحت
وقبل كم يوم حلمت حلم وفسرته انها هي نفسها فيني
تصدقون عاد اني انا وزوجي علاقتنا مو زينه بس نتهاوش
والله والله اني كل اللي قلته صار وهي بنفسها سوته لي بدون حياء
وش اسوي معها اذ رحت لاهلي القاها وشلون اتصرف معه وربي تعبتني كرهتني حيااتي كلهاا
ساعدوني خواتي مالي غيركم شورو علي وش السوات
:( الله يوفق كل اللي ترد علي ويجزاها الله خير يارب