هل جميع الجامعات مثل جامعه ام القرى <<جامعه كل مالها تدهووور للأسف

ناقله لكم مووضووع حصصصصصصصصري

وحابه اخذ كل وجهة نظر وحده فيكممممم















{معاناة الطالبات مع جامعة أم القرى الموقرة }










لمتى راح نستحمل المعاناة ونسكت لازم نكتب ونتكلم



لازم نوصل صوتنا سواء كان ايجابي أو سلبي






الجامعات كلها تتقدم وجامعة أم القرى ترجع لورى










ما تنزل الجداول على الخطة المقررة وسكتنا .




كل يوم يكتبونا مخالفه ( كمك قصير وبلوزتك مخالفه و تنورتك واقفة ) وسكتنا .







أتسممنا من كفتريات الجامعة لعدم وجود الرقابة الأزمة وسكتنا .





الفوضى الحاصلة أمام كفتريا (ب) والازدحام إلا يسبب صعوبة في السير و يأخرنا عن محاضراتنا و ينحسبلنا غياب وسكتنا .





فتحوا ترم صيفي للطلاب وللطالبات لا وسكتنا .





حبينا نضيع صيفنا في شي مفيد بعد ما منعونا من االترم الصيفي وسجلنا في دورات عند التسجيل قابلونا بابتسامه وكل يوم ( الأجهزة عطلانه ) اضطرينا نسحب مبالغنا المدفوعة مرمطونا وودعونا بكشره وسكتنا .








هذا كله استحملناه وسكتنا عليه وقلنا يلا كلوا يهون في سبيل العلم






لاكن نجي هذه السنة و نفاجأ انه ما في جداول لنص طالبات الجامعة .. هذا شي ما ينسكت عليه






البنات اللي نزلهم جدول ما عندهم غير ماده أو مادتين أو ثلاثة مواد .. هذا شي ما ينسكت عليه




بعض البنات نزلت لهم مواد اكتر من خطتهم وغيرهم ولا مادة .. هذا شي ما ينسكت عليه




مواعيد تعديل الجداول من النت عند الإضافة تواجهنا عبارة (الشعب مغلقه) عند تغيير الشعب تواجهنا عبارة (الشعب مغلقه ) عند الحذف (حدد المقرر الذي ترغب في حذفه) .. هذا شي ما ينسكت عليه





في بداية الأسبوع الأول لتعديل الجداول قفلوا الأبواب في وجيهنا وفي نهاية الأسبوع واجهونا بعبارة (الأجهزة عطلانه) .. هذا شي ما ينسكت عليه





تمديد مواعيد تعديل الجداول أسبوع آخر وعند حضور الطالبة بأوراقها للاضافه بعد (المرمطه )يقولوا لها بكل بساطه (الشعب مغلقه) .. هذا شي ما ينسكت عليه





اغلب جداول الطالبات تعاني من غلط في (أرقام القاعات أو الشعب ) أو عدم وجود (رقم قاعه) .. هذا شي ما ينسكت عليه





عدم التزام أكثر الأساتذة والدكاترة بحضور المحاضرات أدى إلى حصول فوضى وازدحام مبالغ في ممرات الجامعة فأصبحت الجامعة ( قاعات خاليه وممرات شديدة الازدحام ) .. هذا شي ما ينسكت عليه




عدم السماح لنا بالجلوس أو الوقوف في أي مكان في الجامعة غير الكفتريا (و المشكلة الكفتريات قليله وصغيره وزحمه) .. هذا شي ما ينسكت عليه





عند جلوس الطالبة على الكراسي الموجودة في ممرات الجامعة تفاجأ بسؤال ( ليكي حاجه هنا ) تجيب الطالبة : لا بس بعد ساعة عندي محاضره ترد عليها المشرفة (ممنوع الجلوس هنا أتوجهي على القاعة أو على البوابة ) يعني الكراسي موجودة ليه ؟!! .. هذا شي ما ينسكت عليه





الطالبة عندها محاضره سابعة و ثامنة (يعني تخرج عصر تنبلع ) أما طالبه عندها تاسعة وعاشره (يعني تخرج مغرب ) و المشكلة اللي مسوين هذا النظام ما يسمحوا لبناتهم يجلسوا للمغرب .. هذا شي ما ينسكت عليه





نأخذ محاضره طويلة عريضة ونكتب مخالفه إذا ( لبسنا لون مخالف ) بينما البنات المتشبهين بالرجال بقصة شعرهم ولبسهم والعياذ بالله يسمح لهم بدخول الجامعة بدون محاضره ولا مخالفه .. هذا شي ما ينسكت عليه





جامعه كبيره لا يوجد داخلها ( خريطة أو لوحات إرشاديه ) لتوضح وتسهل على الطالبات المستجدات الوصول لمحاضراتهم دون تأخير .. هذا شي ما ينسكت عليه





تجي الدكتورة المحاضرة ( وتحط رجل فوق رجل ) وتقول للطالبات ( انتو ما تعرفوا أسلوب التدريس في الجامعة أنا ما راح أشرح انتي حضري الدرس في البيت وتعالي المحاضرة ناقشيني هذا هو الأسلوب الأكاديمي المتبع في الجامعة ) .. هذا شي ما ينسكت عليه .





في كل مكان تجلس الطالبة فيه يقولولها ( ممنوع الجلوس ) .. هذا شي ماينسكت عليه







وغيره وغيره لو جلست اتكلم من دحين لبعد سنه ماراح أوفي عيوب جامعة ام القرى...







يعني باختصار احنا نعاني من عدم وجود نظام في جامعة أم القرى






اي أحد يمشي في ممرات الجامعه يسمع أماني الطالبات :





يا ليت.. تنزل الجداول على الخطة المقررة لكل قسم عشان مانطول في التخرج .



يا ليت .. يسمحوا لنا نغير جداولنا من النت بدون ما نرجع للقسم .



يا ليت .. يوضعوا خريطة أو لوحات إرشادية في ممرات الجامعة لتسهل على الطالبات المستجدات السير داخل الجامعة .



يا ليت .. يكبروا الكفتريات أو يزودو عددها و يحطو الرقابة الأزمة عليها .



يا ليت .. الدكاترة يحرصوا على حضور المحاضرات في مواعيدها دون تأخير.



يا ليت .. يلغو محاضرات (التاسعة والعاشرة) أو يغيروا مواعيدها .



يا ليت .. الجامعة تهتم بنظافة دورات المياه من عبث صغار العقول .


يا ليت و يا ليت و يا ليت و يا ليت


و معروف ( ليت) تستخدم دائما للشئ المستحيل الحدوث




وأملي الوحيد أن تصل رسالتي لكل من يهمه أمر جامعة القرى ..؟




هذا اذا كان في أحد يهمه أمر جامعة أم القرى ...













بقلــم




●●●MesO●●●