هل حظي سيء ؟ اجبرو خاطري الله يسعدكم 💔💔😭

انا متضاييقه ولا شي يتم معي تخيلوا اسوي اشياء بسيطه علشان انسى واكون سعيده واحط في بالي ان بكره احلى وبكره اجمل واعطينفسي طاقه ايجابيه وانا اصلا محطمه من الداخل
لا امر زواج يتم معي لا فرحه تكتمل واكثر شي يحزني واحس سكين داخله في صدري اللي يعايروني طيب في اشياء انا مالي يد فيها مثل لحظ والزواج جارتنا تقط كلام ان مو نفس بناتها بناتها تزوجوا وماشاءالله احسن الزواجات وبنت هذي المره هي صديقتي بس مو القريبه بس علاقتنا في بعض كانت حلوه في السابق بس بعد ما تزوجت تغيرت على حيل ولا صارت تجيني نهائيا اذا جو اهلها غير كذا حسيت منكم موقف انه هي خايفه لا احسدهم دريت من ناس انه صارت عندهم حفله ولا اعزموني واذا صار عندهم خطوبه نفس الشي ما يعزمونيواذا تخرج ما يعزموني ولا ندري اصلا الا بعد ما يقولون لنا الناس ليه ما جيتوا!!!
وصلني كلام انه هي تتكلم فيني عن حياتنا ووضعنا كيف واحنا ما تزوجنا واحنا ابونا بعيد عنا واخوي متزوج وساكن في منطقه بعيده ومن زمان ما يكلمنا ونخاف نعزمهم لانه احنا اغنياء ومتزوجات وهم لا نخاف لا يحسدونا وقالت لهم اشياء فعلا تثبت انه هي قايلتها لانه محديعرف فيها الا جيرانا فقط ويدرون من امي لانه تسوالف مع امهم
فجااءه يعايرونا انه ما تزوجنا وانه ابوي ما يدري عنا وامهم تشتكي لناس انه امي مو هينه وانا بناتها قويات ويتشرطون علشان كذا محدخطبهم !! ما تدري انه محد يخطبنا مع انه احنا نظيفات ومرتبات واللي حولنا يشهدون لنا انه حبوبات ومحترمات ؟ مره شخص خطب اختي واعجبتهم مرره بس بعدها راحوا ولا ردوا لنا خبر !!
بكيت وانقهرت ليش جارتنا وبنتها يقولون كذا ترى الدنيا ما تدوم لاحد وانا ما احسدهم الا بلعكس الله يزيدهم
بس من كثر ما قالوا هالكلام صرت فعلا افكر ليش هم احسن منا ليش ابوهم معهم واذ اطلبو اي شي يلبيه لهم وليش يصرف عليهم ويسافرون من ديره لديره انا مدري ليش صرت كذا افكرر وانا ما ابي اوصل لمرحله هذي من صرت اقوم من النوم لين انام وهم في مخي انامدري هل هي غيره هل هو قهر ليش تكلمو فينا
جد بنات انا خاطري اتزوج ولا تقولون الزواج مو مهم وظيفتك اهم ادري الوظيفه مهمه بس الزواج بعدد مهم لانه ابي اصييير اام وامي تبيتصير جده تدرون ما عندنا مناسبه نعزم احد عليها ف اتفقوا الجيران علشان الجمعات نظام يوم عشاء على فلانه ويوم غداء على فلانهوهكذا
انا ما كنت الحظ بهذا الشي انه احنا عندنا امور تنقصنا والناس ملاحظينا واحنا ما ندري بلعكس كنا نجتمع نفرح ونسوالف نغير جو بس اكتشفت بعدين هم عندهم فلوس ويشترون ويطلعون ويعزمون واحنا لا هم عندهم ابو واخوان حنونين عليهم واحنا لا هم يجونهم الناسيخطبون دايما وهم يختارون الافضل وانا للامانه محد دق بابي ولو بلغلط انا توني اكتشف هذي الاشياء توني استوعب بعد ما سمعت انهالجاره وبنتها اللي كانو قراب منا يتكلمون عنا بطريقه احنا وين وانتو وين
توني اعرف عندي امنيات كثيره واهمها اصير ام اكتشفت اني كبرت وما صار اللي ابيه ليش حظي كذا ؟؟ انا ما اعرف هل بديت اغار منهم لانه امورهم ماشيه واحنا لا ابوي ما يدري عنا ولا احد خطبني ولا توظفت ولا عندي فلوس
تصير عندهم مناسبات كثير ماشاءالله واحنا لا
ما عندي عزوه وسند صرت اخاف ابكي كل مره لما ادري انه احد انخطب مو حسد بس خلاص قاموا ينخطبون اللي اصغر منني بكثيررررر وانا اخاف اكبر وما يكون عندي عيال خاطري في بيت واكون فيه انا وزوجي وعيالي وخاطري يكون لامي بيت وخاطري خواتي يتزوجوناشخاص ذو خلق ودين ويعيشونهم في عز لانه كل ذي اشياء انحرمنا منها وتوني استوعب ليش الناس تتم امورهم واحنا لا
الله يرزقهم بس بديت احس ليه انا لا وش ينقصني صرت ابكي واخاف اختي اللي اكبر مني قربت ال40 ومحد خطبها نهائياً وهي تحب الاطفال وتقولي قبل انه حز في خاطرها مره راحت توجب بنت وحده تعرفها مربيه ف الام اغمزت لبنتها انه لا تجيب ولدها واختي حز بخاطرها وللحين ما تنساه الموقف
صديقتي القريبه تزوجت من سنه الله يوفقهم في حياتهم كانت حياتها نفس حياتنا وتقدم لها واحد طيب وغني وكتب لها بيت باسمها ومدلعهاماشاءالله وتغير وضع اهلها لحال ممتاز ماشاءالله انا سعيده لهم بس قبل ما كنت افكر في وضعنا بس الحين بزياده افكر ليش الناس مشت امورهم وصار عندهم عزوه وكونو لهم علاقات وتوظفوا واحنا لا ؟ اللهم يتمم امورهم ويرزقنا بخيره
اكتشفت بعد فتره اختي فيها مس وجو مشايخ يقرون عليها وتتعب كثير وتقول كلام مش مفهوم واكتشفوا انه مس بس للاسف ما تحصن نفسها زين ، ينفع انا ادعي لها واحصنها بس كيف ؟ لانه هي ما تلتزم حتى الصلاه مو دايما تصليها لانها تتعب نصحتها وريتها مقاطعفي اليوتيوب حاولت فيها بس مافيه فايده مدري كيف اعالجها
ينفع انا اقرا القران بنيه شفاءها ؟ ؟؟؟
تعبت احس فيني هموووم الدنيا احس الكل اللي حولي يتغير وضعهم الا انا مدري هل هو حظي السيء؟ هل بعيش باقي حياتي وانا فيهالحزن امنيتي اصير ام امنيتي اسمع هذي الكلمه اخاف ما اتزوج اخاف ما اتوظف اخاف وضعي بيتم على ماهو عليه يارب ساعدني تعبت نفسيتي تعبت وامي تعاني من هذا الشعور تخاف تموت بسم الله عليها وما نتزوج وما راح يكون لنا سند ولا احد بيوقف معنا يارربساعدني ابي افرح 💔
سامحوني ابي افضفض وادري كلامي ملخبط وطوويل لاني تعبت وما اقدر اقول اللي في قلبي لاحد مالي من بعد الله الا انتم تجبرون خاطرياكتب لكم وانا ابكي 💔يارب رحمتكك