هل حلمتي...وبعدين حملتي؟؟

هلا اختي
صراحة مو انا اللي حلمت..اختي حلمت في ابوي انه يعطيني سمكتين توهم طالعين من الماي..وبعدها الله رزقني بعد سنوااات عذاب
ووحدة اعرفها كانت تقرا قرآن ووصلت لعند الجزء من الآية اللي فيه البشرى لابراهيم عليه السلام بالغلام..ووقفت قراءة ..وبعدها صارت حاااامل وجابت ولد
عقبالك اختي وكل وحدة تبغي عيال

حبيبتي
أولا .. الله يرزقك الذرية الصالحة اللي تتمنيها عاجلا غير آجل إنه على كل شئ قدير
ثانيا جواب لسؤالك .. الناس تختلف ممكن كثرة التفكير في الموضوع يخليك انتي والا اللي يفكر فيه يحلم بالموضوع فمو شرط
بس أنا في كل حمل لي صاحبه حلم وتحقق .. أول ما تزوجت حلمت أم زوجي أن عندي بنت وتمشي .. حللت بعدها طلعت حامل بس الله ما كتب لي فيه نصيب ..
بعدها بسنة حلمت أن صدري يطلع منه حليب بكميه كبيرة وبعدها بأسبوعين حللت وطلعت حامل .. وولدي الثاني حلمت فيه أم زوجي وحللت وطلعت حامل ..
ممكن تكون صدف صادفت واقع .. وممكن يكون لها دخل .. أما الشكل فأنا ما حلمت بشكل طفل بس أم زوجي وتقول سبحان الله طبق الأصل والله أعلم

ومرة ثانية الله يرزقك الذرية الصالحة اللي تقر عينك وعين أبوهم عاجلا غير آجل يا رب العالمين

:26:

هذي السالفة صارت للوالدة الله يخليها.....كانت تتمني تحمل وتجيب ولد تسمية على اسم ابوها...وحلمت عمتي ان جدي ابو امي جانا البيت ومعاة سلة مليانة سمك من نوع الميد...ولما قالوا الحلم حق امي...قالت هدية الميت زينة..انشالله خير...ونفس الشهر طلعت حامل...وجابت ولد وسمته على اسم ابوها....ادري قلت قصة حياتي

بالنسبة لي .. فيه غيري حلم ان عندي ولد.. وثانية حلمت انه عندي بنت ... ولكن أعتقد أن أحلامهم هذي لأنهم ينتظروني أحمل ...الله يرزقني بالذرية الصالحة المباركة..

ووحدة حلمت أني حامل وهذا الكلام من زمان وكنت وقتها شايلة هم حاجة !!...(الحمل في الحلم معناه الهم) والله أعلم