اخت غاده

اخت غاده @akht_ghadh

محررة برونزية

هل حنا عندنا عدم حسن تدبير أو ايش السالفه

الملتقى العام

السلام عليكم

الحين كلنا نعاني من قل بركة الراتب هل السبب عدم حسن التدبير

الحين الأجانب تلقين راتبه مايتعدى ال2000 وزوجته موظفه براتب 2000 غير آجار الشقه وأطفال ومدارس والحرمه تولد بفلوس ومع ذالك يجي الراتب الثاني وراتب الشهر اللي فات موجود وبعد
نهاية السنه يسافر لديرته

دايم أشوف الأجانب بالحدائق العامه مستحيل يرحون للالعاب اللي بفلوس

وماشاء عيالهم دائم مرتب لبسهم

تخيلو شفت مره اجنبي ببقاله

تخيلو اشترى حبة جزره وحبة خياره وبقدونس وخس حبة وحده يعني يشترون اللي يحتجونه فقط

ليش الشعب السعودي إذا جاء يشتري خضار اشترى حق شهر بعد إسبوع يخرب

هل حنا عندنا عدم حسن تدبير أو ايش السالفه
42
8K

يلزم عليك تسجيل الدخول أولًا لكتابة تعليق.

تسجيل دخول

حرف القاف
حرف القاف
ثقافة تسوق عندنا صفر ندخل المول ونضف الاخضر واليابس :)
اخت غاده
اخت غاده
لا يمكنك مشاهدة هذا التعليق لانتهاكه شروط الاستخدام.
طيب قلنا عندنا مواجيب

طيب السعودي اذا سافر للخارج سياحه. شوفي كم يصرف بعكس الأجنبي إذا سافر
عواطف تركي
عواطف تركي
صادقه يا اخت غاده ومشكلتنا نحب المظاهر قدام الناس حتى لو فوق طاقتنا

وفي ناس بكل مشوار يوقفون عند ستار بكس باسنكن روبنز دانكن دونت او افخم كوفي او محل يشترون منه للتسليه
او نشوف اكسسورارات اعجبتنا سواء للشعر او اليد او الجوال وناخذها واحنا مو محتاجين وبيتنا مليان اكسسوارات مانستخدمها غير مره مرتين

في واحد من الشباب يقول يوميا يدخل دانكن دونت يفطر بـ 10 ريال اقل شي ومصروفه مايبقى معه شي وفي يوم اخذه واحد من اقاربه كفتيريا عاديه فطوره يوميا يكلفه 3 ريال فقط وتعلم يروح لها ويوفر باقي الفلوس .

واحنا مانعرف نشتري ولا عندنا حسن تدبير شوفي الاسواق قبل رمضان خاصة يشترون كل شي قدامهم كأننا داخلين على مجاعه او حرب اعوذ بالله
وحتى في طبخنا نصه ينرمي بالزباله استغفر الله
والخضار والفاكهه اسبوع اسبوعين ونصها يعفن وينرمي استغفر الله

وكله كوم واللي يتسلفون ويركبون انفسهم دين عشان يسافرون للسياحه او يشترون شي للمظاهر ماله اهميه

لو كل شخص يفكر في طريقته واسلوبه في التصرف بالفلوس بيوفر مبلغ حلو
غيرلان
غيرلان
اعرف ناس اجانب 
عايشين على الخبز والجبن وتقول زوجها في حسابه
مليون وبيتهم شعبي مدري كذابه ولا صادقه
بخلانين على أنفسهم باشياء كثير 
والسبب عندهم يبخلون على أنفسهم عشان يجمعون لدرجه وحده قريبتهم جمعت 800000الف
ثمان ميه الف من الف ريال .....ماشاء الله

السعوديين عندهم ثقافه اصرف مافي الجيب 
يأتيك مافي الغيب 
mrs.abk
mrs.abk
فيه وايد عوامل

لمعلوماتج الاجنبي لما يجي السعودية أو الامارات جهة عمله هي اللي تتكفل بالايجار وتذاكر سنوية له ولأسرته وبتعليم عياله في مدارس خاصة وبعد بالضمان الصحي ..

بينما احنا اهل البلد علينا متطلبات أكثر من هالناحية


ثانيا رواتب الاجانب أعلى من رواتبنا لأنهم يجون بعقود مكتوبة بالدولار .. يعني لو السعودي يستلم 5000 ريال .. الاجنبي يستلم 5000 دولار واحسبيها وشوفي الفرق



ثالث شيء الاجانب ما يشترون خضار مثلنا لأسباب مختلفة موب بس بسبب ثقافة التسوق .. لا حياتي الاجانب ثلاجاتهم صغيرة ما تتحمل أغراض وايد ( يتعمدون علشان توفير الكهربا) .. وما عندهم أماكن تخزين في البيت ( يتعمدون علشان الايجارات) <<< ترا جهة العمل تعطيه مبلغ معين وهو يكمل الباقي أو ياخذ الباقي لو زاد ..

بخلاف هالشيء هم نظامهم وجبتين في اليوم .. وحدة الفطور وغالبا تكون كورن فيلكس وحليب .. والثانية غدا ولو في الشغل أتحداج 70 بالمية منهم ياكلون ساندويتش مسوينه في البيت وجايبينه معاهم أو يعزمونهم ربعهم ( بحكم اني اشتغل مع أجانب وأشوف)


مسألة لابسين أحلى مننا تراهم يشترون من بلدانهم أرخص وأحلى


وهو يعرفون ان عندهم سنوات معينة لازوم يجمعون أكبر كم ممكن من الفلوس فتلاقينهم يضغطون أنفسهم ضغط


كانت عندي زميلة من دولة عربية .. تصرفاتها مستحيلة .,. مثلا كان ما عندها غسالة في البيت ( ما تريد تجيب علشان الكهربا) تجمع ملابسها اسبوعين وتروح بيت أي زميلة ثانية ( خاصة المتزوجات وأمهات العيال) وتغسل عندها كل الثياب وتحاول تكويهم عندها بعد

لأكثر من سنتين البيت فطورها خبز وجبن.. وانسي الغدا ما تاكل لقمة إلا إذا حد عزمها .. وعادي تقعد في الدوام ل 9 بالليل ( احنا في مؤسسة تشتغل 24 ساعة) علشان ما تضطر للمكيف خاصة في الصيف


وطبعا لا تسألين كيف تداوم مشغلة كل البنات سواقات عندها حتى أنا ياما تجي في نص الدوام تشيل مفتاح سيارتي علشان وأنا طالعة أخر الوقت أدوره وتعرف إني بطلع فتجيب أغراضها وأوديها بطريقي


هذي البنت خلال سنتين أو 3 جمعت مبلغ لشراء فيلا وسيارة وفتح محل في بلدها .. واستقالت ورجعت لبلدها


وأنا والباقين ماكلين تبن خخخخخخخ