هل حياه متناقضه ؟؟ ام ما قصدها ؟؟ 🎂🥱

اول شي لازم نعرف مفهوم الحب اللي تقصدينه لان كلمة حب في هذا الزمن صارت مشوهه وبعيده كل البعد عن معنى الحب الحقيقي
مثلاً أم تحرم بنتها من حاجات كثير وتمنعها حتى تطلع تزور صديقاتها وهي اللي تقرر نيابة عنها مين تصادق ووش تلبس وكيف تسرح شعرها ومتى تنام وتصحى و .... الخ بحجة انها تحبها وفي الحقيقه هي معذبه بنتها وكاسره شخصيتها وماحيتها محي من الوجود وتلقين البنت كارهه امها وتبي الفكه منها
ومثال ثاني بعض الزوجات يكرفون صحتهم وعافيتهم ويستنزفون طاقتهم ومشاعرهم في ملاحقة و خدمة الزوج بطريقه مبالغ فيها مثل انها تغسل رجوله وتشربه الماء وتلبسه شراباته وملابسه مثل البزر وتصرف عليه فلوسها وتطلع له قرض وتقسط له اللي يبيه بحجة انها تحبه وهو ماهو شايفها شي مهم بحياته ياخذ حاجته ويمشي
واذا بقول رأيي في موضوع الحب اشوف انه مثل اي شي بالحياه اذا بالغتي او تطرفتي فيه راح يحصل خلل وتدمير له لان اي شي يفقد التوازن طبيعي يوقع
اما مسألة انك حبيتي تصادقين بنت وهي قالت مشغوله ترى مو كل الناس يكونون مستعدين يستقبلون صداقات او يستنزفون مشاعرهم في علاقات مفروضه عليهم بالقوه
وانتي على الاغلب اللي حصل معك هو صراع مع شعور الرفض لان مو كل الناس يتقبلون الرفض يجن جنون مشاعرهم ويركضون ورا الشخص بطريقه لا واعيه اذا انرفضو
ومثل ماقال دكتور احمد عماره جذور المشاكل النفسيه هو الرفض سواء رقض مستقبل او ماضي او حاضر
وعلاجها التسليم والقبول والرضى

واذا حابه تسمعين معلومه من دكتور احمد عماره شرح فيها بطريقه علميه كيف يحدث التعلق شوفي الفيديو