إختي
إستفدي من الإنترنت وخذي دورات عن طريق التعليم عن بعد مو شرط تشتغلي فيها المهم تستفيدي من وقتك وتكسبي علم نافع ومفيد

السلام عليكم

اختي بنصحك لوجه الله وعن تجربه شخصيه ..

خليني اقولك سالفتي اول..

تزوجت بعد الثانويه ..وجاني القبول في كلية البنات قسم الفيزياء داومت اسبوع وبعدها طفشت

لأن بصراحه دخلت مغصوبه ..

بعدها درست في اكثر من معهد انجليزي وكمبيوتر .. وماكنت اواصل لأن احس بطفش..

اشتركت في نادي ..اداوم يوم وعشرة لأ لأن احس بطفش..

بعدها جلست بالبيت ودوام زوجي كان مساعدني مره على الدجه والروحه والجيه ..وفوق هذا هو ماكلن يخالف على طلعتي ابد..

حياتي كلها طلعه وروحه وجيه ..وزوجي ماكان مقصر معي كنت العب بالفلوس لعب ..واذا طلعت مع صديقاتي انا اللي اباشر عليهم ..

الزبدة أن كل هالأشياء وحياتي طفش في طفش.. وفوق هذا صار لي 6 سنوات متزوجه وبدون اطفال يعني تخيلي الطفش..

الين وحده الله يجزاها خير دلتني على هالمشروع الناجح ميه بالميه..

تعرفت فيه على ناس طيبين يحبونك لله وفي الله..ماهمهم شكلك ولا وش عندك ولاانتي بنت مين ..وصار لي معهم سنتين ولله الحمد والمنه

تتدرين وشهو هالمشروع اللي فتحلي بعدها كل ابواب الرزق والسعادة اللي كنت ادور عليها والله ثم والله مالقيتها لا بمال وطلعات ولا صديقات..

وفوق هذا المشروع بينفعك دنيا وآخره..

اللي هو مركز تحفيظ القرآن ..وربي قمة الوناسة..وسعة الصدر.. وترى لاتحسبين اللي هناك كلهم عجايز ولا كلهم ملتزمات..لأ والله..

بتلقين بنات توهم متخرجات من الثانوية والجامعه .. ومهم ملتزمات حتى بعضهم لاشفتي عباتها تستغربين وجودها بذا المكان ..بس صدقيني من الوناسه اللي مالقتها في مكان ثاني تلقينها تداوم ..

وترى انا منيب اعجيز عمري 26 ومع هذا اقولك مبسوووووووووطه والحمدلله..

ادري ازعجتك بس والله مريت باللي انتي فيه وقلت انصحك لوجه الله..

والله يوفقك للي فيه الخير ..

اختك / النصوحه

حالتك حاله اغلب السعوديات
واللي زيك كثيررررررررررررر
اذا لقيت حل لا تنسين تقولين

بصراحة حراااااااااااام اجمل سنين العمر تضيع كذا
لا وظيفة ولا كيان ولا حتى تلقين ناس تشكين لهم همومك

اللــــــــــــــــــه يخارجنا

الزمي الاستغفار
ولاتنسي نصيحه الاخت اما بتدريس القران في البيت
او ان تدرسي بدور التحفيظ
ودوامهم خفيف دم وقت العصر بس او اذا تبين الصبح فيه بعض الدور
ولله الهم ووكل ماكنت فيه بيزول
باذن واحد احد

تحفيظ القران
دورات حاسب الى وانجليزي
تداول الأسهم عن طريق النت