السلام عليكم ام باسل أنا الحلم الي غير حياتي هو الحلم بيوم القيامه وكنا أنا وإخواني وأخواتي راكبين سياره وهربانين من اهوال القيامه كان النظر مرعب وكان أبوي الله يرحمه تحت شجره يأكل رطب تركناه وكأننا مطمنين عليه وبعد هذا الحلم تغيرت كثير للاحسن والحمدلله

حياك الله اختي ام باسل اسال الله العظيم انه يشفيك ويعافيك ويبعد عنك كل مكروه
انا احلامي دائم تتحقق
مره تحلمت بمرة اخي ان ساقيها ملتفه على بعض واحاول افكها عن بعض ما قدرت قالت لي خلاص بس غطيهن بالحاف ابنام وجيت غطيتها وكانن باردات مره قمت مفزوعه من نومي وسبحان الله اول ما صحيت تذكرت الايه والتفت الساق بالساق إلى ربك يومئذ المساق وعلمت امي بالحلم قالت لا تفسرينه علشان مايتحقق بس سبحان الله توفت بعدها بيوم


والحلم الي غير حياتي انا كنت متزوجه لي عشر سنوات لم انجب عيال تحلمت كاننا بيوم القيامه والناس كانو خايفين وانا كنت اقول لاخوي محمد يامحمد توب قبل لا تطلع الشمس من مغربها قال انا اذنوبي كثيره ما راح الله يسامحني قلت له تشوف الجبل هذاك كنت اشر على جبل احد قلت تشوفه لو كانت ذنوبك كبر هالجبل اذا تبت توبه صادقه الله يبدل سياتك حسنات كان يناضرني باستغراب يقول معقوله المهم بعدين كان باب الجنه قدامنا بس بيننا وبينها حمم بركانيه وكان كل مجموعه من الناس جالسين على سجاد كبير يعني الي يطلع عن السجاد يطيح بالحمم البركانيه وفيه بعضهم جالسين لحالهم على سجادة صلاه وانا كنت على سجادتي لحالي وكنت خايفه المهم وكان فيه واحد من الملائكه عند باب الجنه وينادي على واحد واحد فيه الي يمشي بسرعه ويدخل الجنه وفيه الي يخفس بالحمم البركانيه قبل لا ياصل باب الجنه وانا من الخوف سجدة واقول يارب اني اتوب اليك توبة نصوح فقبل توبتي يارب ارحمني واغفرلي ويوم رفعت من السجود الا القى نفسي عند باب الجنه سجادتي مشت فيني الى باب الجنه واشوف اني فرحت ماني مصدقه كنت ابي التفت وراي ابشوف الناس الي وراي بس واحد من الملائكه منعني اني التفت وراي مد يده لي قال حياك الله في الجنه كان لابس ثوب ابيض اكمامه طويله مثل الثياب الي يلبسونه الي بالجنادريه وكان لهم اجنحه قالو لي اول شي بنوريك نعيم الجنه وروني زي المخمل الاسود مليان كرستال معلق فوق قالو هذه الثريات بعدين قالو اي شي نفسك فيه اطلبيه قلت نفسي تعطوني ولد عطوني ولد جميل انا فرحت فيه بس اضمه كل شوي بعدين دخلوني قسم ملابس اختاري الي انتي تبين قلت انا يوم كنت بالدنيا عجبني ثوب بسوق حجاب بس ماشريته لانه عاري قالي دوريه هنا راح تلقينه جيت ونزلت ولدي على الارض قلت ياالله حبيبي رح طير مع عمك انا ابتخير ملابس بس رفض كان ماسك فيني كان السماء مليانه اطفال يطرون لهم اجنحه تلمع وشفت اخو زوجي الصغير عمره 4 سنوات يطير معهم قلت لولدي شف عمك رح طير معه العب معه بس كان متمسك فيني صحيت من نومي وانا بقمت السعاده وسبحان الله بنفس الشهر حملت وجبت ولد بعد عقم دام عشر سنوات

وفيه حلم كتبته لك قبل شهر بالقسم الخاص اتمنى منك يام باسل انك تفسريه وجزاك الله الف خير على الموضوع الرائع

أنا رأيت رؤيا في أحمدي نجاد قبل ثمان سنوات تقريباً أنا متأكدة أن الرؤيا لها تفسير .. لكني لم أستطيع تفسيره بنفسي

ولم أفسرها أبداً لأني خايفة من تفسيرها والأيام هذي داخلي احساس يلح علي أفسرها ولا أريد أفسرها إلا عند ثقة

هل تفسرينها لي ؟؟ ع فكرة ماعرف للقسم الخاص مرة كتبت فيه رؤيا وطلعت قدام العالم

هلا اختي
في حلم دايم احلمه يمكن 20 مره تكرر واول مره بدات احلمه قبل اتزوج يعني من 13 سنه
الحلم هو اني بسياره والسياره مسرعه بشارع فيه اضاءه صفرا يعني شارع حديث وانه مافي احد يسوق واني خفت وحاولت اوقفها للسياره وماهي راضيه تووقف ابداااااا واصحى

عذرا على الحلم
اما الحلم ثاني قبل اسبوع شفته

حلمت بحلم غريب كانها القيامه وبدا الاذان لكن لم يكن يدعو للصلاه بل للاسف كلام سئ (((لااله الا......))))لا استطيع قول ماسمعت بالحلم ووقتها بالحلم فزعت من الاذان وتعوذت من الشيطان ورايت نفسي اني ارتفع من مكاني وبصعوبه تمسكت بمن كان جمبي
والذي رفعني هو الشيطان لانه زعل من تعوذي ولكن زاد اصراري على تحديه ....وفي الحلم كنت احدث نفسي بانها اكييييد فتنة المسيح الدجال

رفع