آمنة مطمئنة :

أمك متضايقة من نفسها ومن حياتها ومن كل شي يخصها وتحط حرتها فيك يمكن لأنك تشبهينها في بعض الأشياء فبدال ما تعالج نفسها وتصلح حياتها تحط حرتها فيك وتنفس عن غضبها من الدنيا و عن ظروفها وعن عدم محبتها لنفسها فيك. التمسي لها العذر لأنها ما تدري أنها قاعده تخرب حياتها أكثر. هالنوعيه من الناس محتاجه حد يحتويها ويتفهمها أكثر بدال ما يتمشكل معاها طول الوقت ،ويضيع العمر في هالمشاكل . افهمي نفسيتها وظروفها وحتويها قد ما تقدرين واحتسبيه إحسان لها كوالدة ،وحاولي تكونين النسخه الأفضل منها . الله يوفقك.

أمك متضايقة من نفسها ومن حياتها ومن كل شي يخصها وتحط حرتها فيك يمكن لأنك تشبهينها في بعض...

oxygen! :

لا حول ولا قوة الا بالله مشكلتك كبيرة يا اختي. مفترض يوم كانت تتلفظ عليك تصيرين تكلمينها بنبرة واضحة : "لاتقولين لي قبيحة! لا تقولين لي دبه! لاتقوليه لي عانس؟ انا ماعاد اقبل اسمع هالالفاظ السلبية الي تخلينا اثنيناتنا كائنات بائسة"! بعدها افتحي السنابات و وريها نماذج لامهات سعيدات مع بناتهم واوحي لها ان ممكن تصيرون كذا وان هذا الصح. لو هي مريضة نفسيا وما نفع معها شي ... فعلى الاقل كفي الضرر عنك وعنها يا اختي عن طريق منع الالفاظ السلبية تماما. ولو استمرت امك والله يا اختي مافي الا انك تتعاملي معها على انه مرفوع عنها القلم ولا تاخذينها وتجنبي الاحتكاك فيها. الله يصلح حالكم ويشفيك يا رب و يبارك لكم بحياتكم ويصلحكم ويصلحنا.

لا حول ولا قوة الا بالله مشكلتك كبيرة يا اختي. مفترض يوم كانت تتلفظ عليك تصيرين تكلمينها بنبرة...