هلا فيكم
وسهركم مبارك
أنا من رأيي انهاتتوكل على الله وتقرا على نفسها والله يسهل لها ويشفيها ويشفيني وكل المسلمات

أنا يااخواتي انخطبت من سنتين لواحد من أقاربنا ولما استخرت ونمت حلمت ان احد يرمي في طريقي قطع من جسم القطه وفيه دم مره يدها مره جلدها مره جسمها وانا ماادري مين بس ولما قمت ماقلت لاحد واصلا الموضوع مأتم لاسباب تافهه جداااااااااا
وبعد سنه صرت اشتكي من أعراض غريبه ونفور من الجامعه والناس وأحلم بأشياء دورت في النت واكتشفت ان فيني عين ومس وسحر وحسبي الله عالظالمين والحمدالله على كل حال
ولي سنه الحمدالله لتعالج بالرقيه الشرعيه واحتجمت اكثر من مره ومسجله في منتدى الشيخ عبدالله الخليفه وفاتحه ملف فيه والحمدالله تشافيت احسن من اول وانخطبت في هالسنه مرتين بس الله ماراد انها تتم ولا زعلت الحمدالله كل تأخيره خيره

اسفه جداً أني طولت بس حبيت افضفض واشجع بنت عمك عالعلاج والتفاؤل والله يسهل أمورها وأمورنا ويجعلنا من عرايس هالعام.

شكرًا لكم

والله مو عارفين شو فينا ؟؟؟

احس نفسي تاااااااايهه

حبيبتي خليها توافق ولا توقف نصيبها بشرط تستمر بالرقيه الشرعيه ،،، ووللعلم أنا اخوي مسقي سحر وعادي عايش وعنده اعيال ،، واقولج لو اجتمعو الإنس والجن علي ان ينفعوك بشي لن ينفعوك الا بشي كتبه الله لك، وان اجتمعو علي ان يضروك بشئ لن يضروك الا بشئ قد كتبه الله لك رفعت الأقلام وجفت الصحف/ خليها توافق ولاتعطي مجال للشياطين ،،،، وانا شخصيا اعرف وحده مسحوره وتزوجت والحمدالله وقدرت رب العالمين اكبر من العين والمس والسحر ،،، موفقه غاليتي،،،

عاطفيهـ ... رفع الله قدرك ويسر أمورك وحقق أمنياتك ,,,

ألم بلا أمد .. والله ماأعرفك ولاأشوفك بس والله والله أتمنى تجين يوم وتبشرينا بتسيل أمور زواجك ومارح أنساك من دعواتي لأني تأثرت من معاناتك والفرج قريب لاتيأسين وخليك بالقرب من الله مهما تعسرت أمورك وماضاقت إلا لتفرج...

جوجو هآرت ... ونعـــــم بالله وتوكلنا عليه الله يرزقك ماتتمنين ياأختي ويسعدك يارب...

بوليانا الصغيره .. الله يعوضك خير وربي قادر ع كل شي وأرجعي للرقيه لأن لو تركتيهاالعارض يرجع أقوى بس ربنا أقوى من كل شي إذا أعتصمنا بهِ سبحانه

تعبت أقوم وأطيح .. آمميين مشكوره ع الدعوات الطيبه والله يرفع معنوياتك أكثر وأكثر ويبشرك بشفائك في هالشهر الفضيل ويحقق أمنياتك مايضيع عند ربنا شي وأنا أختك
,انا أشهد إني ف هالمنتدى عرفت معنى الأخوه والمحبه في الله والتعاون بالرغم إن مانعرف بعض بس ربي خلقنا شعوب وقبائل لنتعارف ونتعاون ع مساعدة بعض

زورق النور.. الله يبعد عنك الندم ويعوضك خير وربي يرزقك بالفرص الحلوه كثر المطر لاينقص من خزائنه سبحانه شئ مشكوره ع النصيحه,,

رؤية الرياض .. آلمتني قصتك بس في النهايه فرحت لتفاؤلك وتحسن حالتك وعلاجك الحمدلله والله يتمم شفائك ويرزقك بالزوج الصالح عاجلآ غير آجل في هالشهر يارب ومشكوره ع النصيحه


شيك ايدي.. الله ينور بصيرتك ويريك دائك ودوائك ويدلك ع الخير والطريق الصح كلنا تايهين وماندري شو فينا
بس توكلنا ع الله وبنبدأ ف العلاج وقبلها التوبه والقرب من الله والله يشفيك ويسهل أمورك

شيهانة الكويت.. كلامك عين العقل وفعلاً قدرة ربنا أقوى من كل شي الله يسعد قلبك بالزوج الصالح والذريه البّاره بك والله يحفظ أمك ويطول بعمرها وينصر أخوك على من تسبب له بالسحر ويأذن بشفاءه عاجلاً غير آجل

لن أنســـــــــــــــى كل من رد على موضوعي من دعائي في أوقات الإجابه
ونسأل الله حسن القبول