هل زواج الابن دون معرفة والديه تستاهل ذي المشاكل والبهدلة؟؟؟؟

ولد عمي كان يبي يتزوج اول ما جا من الابتعاث بس اهله ماطلوا في الموضوع او رفضوا مدري ايش سالفتهم بعدين بفترة توظف وقال يبي يتزوج واهله ماطلوا او رفضوا وبعد ثلاث سنين من الوظيفة تزوج بدون ما يعلم اهله بالموضوع حتى امه وابوه ما علمهم تزوج في منطقة شغله وصار له فترة من تزوج بعدين ناس دقوا على ابوه وقالوا له ليه ما عزمتنا على عرس ولدك والاب نكر ان ولده تزوج اصلا بعدين عطوه رقم ابو البنت ودق عليه وقال الخبر صحيح عاد عمي وامرته ما صدقوا يلقون موضوع فيه مشاكل عمي قال حق اهله وزوجة عمي قالت حق اهلها وكبروا الموضوع بشكل غير طبيعي تخيلوا يوم نروح بيت جدي لقينا عمامي كلهم مجتمعين وصوتهم صراخ من اول ما نزلنا من السيارة واحنا نسمع صراخهم اصلا كنا احنا زايرين جدي لانه توه مسوي عملية في رجله وعمامي ما خلوا ابوهم يرتاح من مشاكلهم وعمي الي هو ابو الولد دق على ولده وبهدله قدامنا كلنا ليش كذا تفاهم معاه باللين او على الاقل ما تبهدله قدام عيال عمه بعدين رحنا البيت وانا قلت يا ليتني ما رحت بيت جدي من نزلنا من السيارة لين ما ركبناها لرجعة البيت والصراخ ما سكت ولا قدروا مرض جدي
والحين يبون يروحون للولد ويا ليت امه وابوه بس العائلة كلها بتروح عمامي وعماتي وخوال الولد وخالاته اكيد يبون يكملون بهدلة الولد وهو يحن على ابوه كل يوم يبي يتزوج ولا زوجه ويوم تزوج سوا مناحة في بيت جدي