المشكله مو بالرجال تكفين
الرجال وش حليلهم الله يرزقنا بس مايشوفون للعمر
المشكله ان جوك خواته مايخافن الله كل شوي يذكرونه بعمرك ويسوون مقارنات ومن هالامور
تصدقين اني انرفضت كن خوات الرجال كثيييير لاني اصغر من الرجال ب 3 او 4 سنوات يقولون لا كبيره نبي وحده اصغر من اخونا ب 5 سنوات واكثر
الحمد لله والشكر
لي الله يعوضني
ايه نسيت اضيف تجارب لناس اخذو اصغر منهم
عمتي زوجها اصغر منها بكم شهر وماشاااااااااالله تبارك الله اللهم زد وبارك عز ودلال ودلع ماكانت تحلم فيه اصلا هي جلفه وماتعرف للنعومه طريق هههه اللهم اغفر لي بس حبيت اوضح ومن يوم تزوجت وهي وش حليلها هاديه وناعمه ماشالله الله يزيدها من فضله
وزوجه عمي اكبر من عمي بكم سنه وعندهم 5 اطفال ماشالله ومبسوطين

سبحان الله أكره اللي تتدخل في حياة أخوها وزوجته

وإن كــــان تدخلت في حياة أخوي وزوجته يارب تسامحني :(

ولد عمتي اخذ وحدة اكبر منه ب4 سنوات وماشاااااااااااااااااء الله مبسوطين الله يديم عليهم

سبحان الله فيه رجال ونعم فيهم وفي رجال الله يخلف عليهم

شكلك موظفة
خخخخخخخخخخ
لا امزح

والله شوفي
عمر الحرمة قصير
عكس الرجل

...يعني مثلا
سن الاربعين للحرمة ( بداية سن اليأس)
اما الاربعين للرجال ( قمة الشباب وسن الرشد والعز)
.....
مو حلو اخذ واحد نا اكبر منه في السن


....... لكن ........

مو عذر اني ارفضه عشان سنه اذا كان صالح وتقي واخلاقه عاليه