هل زوجي خائن ام انني اتوهم

السلام عليكم
كيفكم يابنات عالمي مرررة وحشتوني من 3 اشهر تقريبا ما دخلت
المهم
والله ما ادري ايش اقول
انا تزوجت من شهرين و20 يوم وحاليا حامل وانا وزوجي نحب بعضنا ونحترم بعض والحمدلله مو مقصر معايا في شي سواء كان نفسيا او عاطفيا او جسديا بس لمن يعصب يا ساتر يقلب لشيطان الرجيم بس بعد ما يهدأ يراضيني
المهم احيانا احس ان يخونني
حقولكم اللي صار وانتو احكمو اذا كان يخون اولا لان نفسيتي تعبت مررة ونسيت قول ان زوجي من النوع اللي مستحييييل يعترف بغلطه وينكر حتى لو الشي صار قدام عيوني
يوم الجمعة اللي قبل اللي راحت راح الحرم وصلى الجمعة وانا كنت كل جمعة اروح معاه بس هذيك مارحت معاه المهم واتأخر في الحرم شوي وبعدها راح جاب الغداء وجاء ولمن جاء لقيت ازرار توبه مفتوحة وما شكيت ولا شي زي كدا وهذي اول مرة يجي وازرار توبه مفتوحة
وبعدها اتغدينا وجلسنا شوي عالتلفزيون وبعدين قاللي ابغى اروح مشوار قلتله فين وقاللي شغل في الفندق وقلتله ابغى اروح معاك مو راضي ابدا مع العلم اذا في مشواريخص شغله عادي ياخذني معاه
المهم واتصل عليه احد ما اعرف مين وقاله طيب جاي وبعد ما سكر قلتله مين هذا وقاللي هذا واحد في الفندق ومدري ايش قلتله لا هذا اخوك صح وقاللي ايشعرفك وقلتله اعرف شكلك لمن تهرج مع اخوانك وقال ايوة اخويا
طيب اذا كان اخوه ليش ما قال من البداية
وقال نبغى نروح نعسل ومدري ايش وقلتله طيب
ولبس واتعطر وراح
وبعدهاانا اخذت جوالي وسألت سلفتي زوجك فين رايح وقالتلي زوجي في البيت مو رايح لمحل زوجها اخو زوجي وقلتلها اذا خرج زوجك اعطيني خبر وقالت طيب
وبعدين دقيت على زوجي وقلتله فينك وقالي بالفندق وقلتله اخذت اخوك \؟ قاللي لا لسة ما اخذته وبعدها قالي خلاص دحين حجي وغاب عن البيت نص ساعة بالضبط وبعده جاء وهو يغازلني ويقوللي كلام حلو ومدري ايش وبعدها قلتله خذ القران واقرأ سورة الكهف وقاللي طيب اتوضأ ولمن جاء يبغى يدخل الحمام قاللي اتروش عالسريع عشان حر ومدري ايش هنا انا شكيت وايقنت انه سوا شي وقلتله ليش تتروش قبل ساعتين اتروشت قاللي حر ومدري ايش مع العلم اول مرة يسويها رحنا انا وهو كذا مرة للجمعة وغيرها وحر وقرف وعمره ما فكر ان يتروش مرة تانية ايش معنى دحين

وعرف اني شاكة فيه وبعدين قال خلاص بطلت ما ابغى اتروش وراح اتوضا اي كلام ومسك القران ترى انا بالعنية قلتله امسك القران عشان اشوف اذا يقدر يمسكه ولا لا وبعده فكرت وقلت اللي يخون سهل عليه ان يمسك القران وهو على جنابة
وبعدها طول الوقت يدلعني ومشاني وساب شغله مع العلم مليون مرة قلتله خذ اجازة عشان نتمشى وكدا ومو راضي وهذاك اليوم بنفسه قاللي خلينا نتمشى محروح الشغل
وعاملني كأني ملكة في هذاك اليوم
وكأن واحد سوا حاجة ويحس بتأنيب الضمير
ايوة ونسيت اقولكم بعد ما رجع من المشوار دخل الحمام واخذ جواله معاه للحمام وسألت سلفتي اذا زوجها خرج قالت لا ما خرج
وسألت زوجي وقال بطلت كنت ابغى اعسل معاهم وبطلت قلت ارجعلك احسن
ولمن جاءء الليل اخدت جواله بالدس وفتشت عشن اشوف مين اللي دق عليه الظهر
وطلع ممسوح الرقم اللي دق عليه وفي اليوم التاني سألته ليش حذفت الرقم اللي اتصل امس سواء كان اخوك او غيره
وجلس يستهبل ويقول مادري ومدري ايش
بالله يا بنات ايش رأيكم باللي صار حطو نفسكم في مكاني ماراح تشكو
ونفس هرجة ان رجع من برة وازرر توبه مفتوحة اتكررت مرة تانيةفي الثلاثاء اللي راح وبرضو غاب عن البيت نص ساعة ولمن جاء برضو يدلعني ويغازلني بس سويت مشكلة وقلتله ليش ازرار توبك مفتوحة وقال عادي دوبي فكيتها ومدري ايش وجبتله المصحف وقلتله احلف انك ما سويت شي يغضب الله دحين لمن خرجت وحلف
ايش اسوي
فهموني هو خانني ولا انا اتوهم
اسفة اني طولت عليكم
استنى ارائكم