السلام عليكم .. بدخل في مشكلتي مباشره واتمنى تساعدوني او تريحوني بكلامكم
شخصية زوجي جنوبي شرقي فيه مميزات وفيه سلبيات
عندي منه بنت
كان متعلق فيني وبعد ماولدت تعلق في بنتي مره
صارت بينا مشكله بسيطه هو اللي غلط لكن خلاني انا الغلطانه ومااحد يكلم الثاني
من بكره رحت لاهلي على اساس زياره ولاعاد كلمني
ارسلت له كم مره مايرد علي .. عرفت انه ماراح يرد
لان هذي مو اول مره يسويها
قعدت اسبوع عند اهلي وهو لاحس ولاخبر
كلمه اخوي الكبير بيشوف وش اللي صاير
رد عليه اول مره قال ماصار شي وبجي لك نتفاهم
من بعدها اخوي يتصل ويرسل وزوجي ماعاد رد عليه
بس ارسل له رساله اني ماطلبت احد يحل مشكلتي
(( اتوقع انه مايبي احد يقويني عليه لاني مسالمه تقريبا ))
لكن اخوي استمر بين فتره والثانيه يتصل وزوجي مطنش
لما كلمنا امه نقول لها وش فيه
ماكان عندها خبر بالسالفه وقالت له . قال لها ابيها تعتذر مني
لانها غلطت علي !!
تخيلو الحين صار لي عند اهلي 4 شهور وهو لاكلم ولا حتى سأل عن بنته حبيبة قلبه واهله ماتدخلوا ابدااا !!!!!!!!!!
واخوي رافض اني اعتذر له
يقول بيصير دايم كذا يزعل ويتركك عند اهلي لما تعتذرين
مو طريقة هذي
يايجي يتفاهم معنا والا الله يعوض عليك
اللي كذا مايصلح
يعني وش رايكم معلقني انا وبنتي وعايش لحاله في البيت عشان شي سخيف وتافه
يبيني اقول له اسفه هل هذا رجل طبيعي ؟؟
نسيت اقولكم انه كان يعاني من عين قويه وصار يعالج بالرقيه
وتحسن كثير عن اول وزاد قربه من الله مره مره
صار مايترك القران وصلاة الليل ..
انا استخرت كم مره واحس اني عفت حياتي معه
وخايفه اتطلق واندم مدري وش اسوي تعبت من التفكير
وغير العيوب اللي فيه عنده ضعف او عين زي مايقول
من تزوجنا وهذا حاله نادر مايجيني وكل واحد نايم في غرفه
يعني وجودي زي الخدامه في البيت مااحس اني متزوجة
هذي مشكلتي بااختصار شديد كتبتها ع السريع
وش رايكم ؟؟
..ديمو.. @dymo_6
عضوة نشيطة
يلزم عليك تسجيل الدخول أولًا لكتابة تعليق.
حلا روحنا
•
والله مدري أسلوبه غريب .. الله يقدملك اللي فيه الخير
حبيبتي زعله مو على هالمشكله
شكل الموضوع تراكماااااات
انا رأيي من رأي اخوك
من باعني بعته ولو كان غالي
شكل الموضوع تراكماااااات
انا رأيي من رأي اخوك
من باعني بعته ولو كان غالي
ايلاف ي
•
الله يفرج همك ويحقق اللي فبالك..
بس نصيحة لا تعتذري منه ..ليش ان شاء الله ..على اي اساس انتي اللي تعتذرين..
فوق ما هو اللي غلط بحقك...انا رأيي نفس رأيي اخوكي.
بس نصيحة لا تعتذري منه ..ليش ان شاء الله ..على اي اساس انتي اللي تعتذرين..
فوق ما هو اللي غلط بحقك...انا رأيي نفس رأيي اخوكي.
الله يعينك حبيبتي ووييسر امرك ويهدي زوجك
ويرجعه لك ان شاء البنات الباقين يفيدونك
لان ماعندي خلفيه لهذي المواقف دمتي حبيبتي..
ويرجعه لك ان شاء البنات الباقين يفيدونك
لان ماعندي خلفيه لهذي المواقف دمتي حبيبتي..
الصفحة الأخيرة