الكبتاجون هي حبوب ياكلها الواحد تخليه يسهر باليوم واليومين والثلاث ايام ماينام
واذا نام فترة طويلة

سالت زوجي وقال لي انه شاف ناس عندهم نفس مشكلة زوجك وتفاصيل كثيرة
انه اذا كان توه ماكلها يكون رايق وبعد فترة من اكلها يحب يشتغل ويكون متحمس وحركة زايدة ونشيط
واذا قرب ينتهي مفعولها من جسمه تحسين انه كسول وفيه خمول واحيانن طفشان ومتملل ومزاجه متغير مرة مبسوط ومرة مشغول ومرة فرحااااااااااااان ومبسوط ومتحمس بدون سبب
واحيانن رومنسسي واحيانن عصبي هذا كلام زوجي لمن سالته

وقال زوجي اقسم بالله ان هاذي اعراض الحبوب ولو تحبين تتاكدين خلي احد من اخوانك او ابوك يجي عنده فجاه وياخذه يسوي له تحليل بالمستشفى لو واثق من نفسه وفعلا تاب بيروح ولو انه باقي على ماضيه
بيتهرب وبيزعل وبيقول ماتثقون فيني وتشكون فيني وبيعصب وبيسوي مشكلة وهذا ماعليه حسوفه لانه ماشي في طريق الخراب واذا ماشي في طريق الخراب ومستمر اعتبري بيتك تدمر من قبل يبدأ

ياختي والله زوجي قال لي قصص وحكايات عن مدمنين الحبوب تجيب الرعب والقشعريرة ماابي اخوفك يكفي ان اللي ياكلها الغيرة عنده على عاره تقل
انصحك انصحك لوجه الله لاتحملين منه لانه هذا ماله علاج لامستشفيات ولاشيوخ يقرون عليه لو ماتاب هو من نفسه والله ماله علاج
الله يصلحه ويهديه لك

هذا كلام زوجي مع العلم ان المعلومات اللي قالها لي مو من فراغ لانه درس هالشي

نسيت اضيف شي كمان اذا كان ماكلها مايأكل ولو اكل تلاقينه مجامله ياكل قليل جدا ..؟

هل الاعراض والكلام اللي كتبته لك هو صحيح صاير مع زوجك ..؟

لا بالعكس اكله طبيعي ويحب الاكل بس سالفة النوم هي الصح يسهر يومين وينام يومين بس هل الكبتاجون مخدرات ؟

نوع من انواع المخدرات وكثرة استخدامها تخليه معاد له مزاج يعمل اي شي الا لمن يستخدمها

ياربي وش الحل هو طيب معي ومو مقصر معي بشي لا من ناحية حب ولا ماده وكمان الشقه ملك بس سالفة النوم الزايد هي الي اقلقتني ولا تصرفاته تصرفات شخص طبيعي مادري وش اسووووي