هل زيارتكم تتغير لو امكم سكنت في بيت اخوكم

لو إسكنت عندك أكيد عيالها وبناتها بيجون يزورونها كل شوي ماهم تاركينها والله يعينك إذا وضعك مثل ماتقولين أشوف إنك ماراح تتحملين إعتذري لزوجك بطريقه غير مباشره وو ضحي له موقفك من غير مايحس الله يفرج همك يارب

طيب ممكن اعرف الظروف اللي خلت ام زوجك تجي تسكن عندكم ؟؟؟وبيتك كيف دور او فيلا او شقه ؟؟؟؟

الضروووف
عشان بيتي وسيع فييلا وهي تحبنا بالصراحه وتتونس معانا
بس انا يادوب ازورها هي وحالي حال نفسي وماعندي الا ولد يعني بيتي هادي وعاجبها الهدوء
طيب وانا وش ذنبي استقبل اهلها وجماعتها وانا طبعي مااحب الاجتماعات ومااحب كثرة الناس

طيب يعني الحمدلله اموركم طيبه ...
بما انه فييلا وسيعه ....الضيوف عاده في المجلس ما احد يدخل البيت
واولادها مهم جايين داخل البيت وفيه حرمه اللي هي انتي....
انتي اذا جوك كثير وحسيتي انك تعبتي قومي وروحي غرفتك ولا طلعو جيبي الشغالات ينظفون ويرتبون

واذا مررررررررره الموضوع ما مشى معك سوي ملحق بره للضيوف وخليهم يجلسون فيه لا جو الضيوف ...
لكن خالتك عليها بالعافيه تتمشى بالبيت وتسرح وتمرح على كيفها ...والحمدلله انها طيبه معك هذي نعمه ..

واتوقع الناس ما حجتي داااايم زي يوم كانت لحالها .


اعرف واحد بيته ماشالله مره كبير
سوا ملحق كبير بره يتسع ل 50 شخص عشان ابوه لا جوه رجال...وماشالله مبسوطين وماعليهم قاصر...

الله ييسر لك امورك يارب...

افصلي لها مكان يكون بعيد عنك يعني دور ارضي مثلا ولا شقه صغيرونه وريحي راسك وصل استخارة واللي الله كاتبه بيصير