الله يعين الوحده تتوكل على الله وتروح عشان ابو العيال والعيال ينبسطون وتحط في بالها انها رايحه تستانس يعني تطنش كل شى يضايقها.وراح تنبسط ولاتدقق بكل شى.

والله يا اختي الموضوع ترا مب هين يعتمد على اهل الزوج
في ناس عندهم ذوق و حتى لو مسافرين معاك يعطونك خصوصيتهم و في ناس ما ادري ما فاهمين الزواج ما اادري شلون

انا سافرت مع اهل زوجي و انا عروس لي سبع شهور

بغت روحي تطلع اذا رحنا الظهر نريح كسرو الباب و اذا تاخرنا شوي بالنوم الصبح انتو كساله و الادهى و الامر ام زوج كانت تقول انتو ليش تبون شقه لحالكم خلنا كلنا مع بعض

بس انا ما رضيت

فيختي يعتمد عليهم يا ينكدون السفر يا ونسونك

والله راح اروح عشان خاطر عيالي وابوهم

واحترم نفسي واحترمهم وما راح يكون الا الزين ان شاء الله

وقبل السفر اقوله بطريق لبقه واسلوب حلو
اهلك على العين والراس وحلو نسافر حنا وياهم عشان ينبسطون
لكن ممكن نسافر بعدها سفر انا وياك لزوم الرومنسيه والروقان

والله يسهل امورجميع المسلمين يارب

والله على حسب الي انتي رايحه معهم حنا سافرت مرت اخوووي معنا وكانت مسافره قبل ثلاث مرات مع زوجها وفي سفرتها معي انا وامي امبسطت كثيررررررر تقولي هذي السفره صدق

بس الي اكلها حنا انا وامي لانها الله يهديها مره ملقووفه وصارت مواقف كثيرررره نكدت فيها علي ولا خلتنا نعرف ناخذ خصوصيتنا يعني مو شرط يا قلبي الحمموله ينكدون عليك انا وامي عطيناها كل الخصوصيه كانت ساكنه باوتيل مع اخووي وانا وامي واخوي الصغير بمكان ثاني
والحين هي بتمووت تبي تسافر معنا مره ثانيه بس امي تقول مستحييل خلاس كلن يروح لحاله

على حسب الحموله فيه الطيب والردي....من تجربتي كرهت السفر وطاريه بسببهم مريت بتجارب معهم كثيره لا وحده ولا ثنتين .....ومحرومه من السفر لوحدي لدرجة يدعون علينا بالحادث لو مايروحون معنا ......زمن العجايب....حسبنا الله ونعم الوكيل ..الله ينصرني وكل مظلوم .....
علشان كذا هي تقدر تحدد تروح ولا ترفض اذا كانو طيبين وعشرين وراعين وناسه والا العكس.....يقولك اخلاق الناس تبان في السفر ..والمثل يقول الرفيق قبل الطريق.