متعوده اصلي الليل بالحوش وادعي لين الفجر
تميت فتره طويله على هالمنوال
وحلمت اني في مكان كأنه فوق السما لانه تحتي غيم وفوقي غيم
ومكان شاسع واشوف على يساري باب مفتوح ويجي منه صوت اغاني وطبل لكن الصوت خاافت
دخلت وشفت صديقتي ( اودها وادعي لها بظهر الغيب في صلاتي) استقبلتني ومسكتني من ايدي ومشينا بهالبيت الي عباره عن ممر طويل يكفي لشخصين على يساري وانا امشي بيبان وعلى يميني بيبان وصوت الطبل والغنا يادوب ينسمع يطلع من الغرف المسكره وفتحت لي الباب الثالث على اليمين
وأشرت لي بالدخول قبلها واشوف غرفه كبيره مره وشاب على يمين الغرفه خلفه سرير الي فوقه قماش نفس اسرة قبل من جمب واحد زي الستاره لونه ابيض
وهالشاب لابس زي الملوك عمامه من الزري والحرير الملون على راسه وفيها حجر كريم فوق الجبهه على العمامه
وزي القميص من الزري والحرير على مستوى الجسم مرتب لين الركبه وتحته سروال حرير مدري نفس المهراجا لكن ملامحه عربيه لونه حنطاوي متوسط الطول عمره منتصف او اخر الثلاثين مبتسم وواقف امام السرير كأنه ينتظرني
قالت لي صديقتي هذا زوجك ودخلت معي وعطتني ظهرها طالعه وانا اقولها انا متزوجه كيف
نظرت لي نظره وهزت راسها لتحت انه خلاص انتهينا هذا زوجك ( الكلام كان بدون صوت بالتخاطر)
واشوف جزء من الغرفه كنبه ملبسه بالحرير والزري
وانتهى الحلم
ماهتميت به كثير
اجتمعنا انا وصديقتي ببيت وحده عازمتنا وحنا نسولف مدري تذكرت الحلم واعده على صديقتي اني شفتها بالحلم بصوت واطي
قالت لي صادتني رجفه من حلمك ، العالم الله انك شفتي الرسول عليه افضل الصلاة والسلام
روح حرة*
•
لا ولامرة شفت رؤيا كذا بس انا من جد اتمنى واسال الله العظيم رب العرش العظيم اني اشوف الرسول عليه الصلاة والسلام في المنام يارب ارزقني رؤيته يارب من كثر حبي له يارب اشوفه في المنام ولو مرةلا ولامرة شفت رؤيا كذا بس انا من جد اتمنى واسال الله العظيم رب العرش العظيم اني اشوف الرسول عليه...
يارب الله يرزقك ويرزقني يارب رؤيا النبي عليه الصلاه والسلام
روح حرة*
•
مره واحده قبل ١٨ سنه وللان مانسيتها أسأل الله أن يجعلني أرى النبي محمد صل الله عليه وسلم كل ليله في المنام انا ومن تتمنى ياربمره واحده قبل ١٨ سنه وللان مانسيتها أسأل الله أن يجعلني أرى النبي محمد صل الله عليه وسلم كل ليله...
اللهم صل وسلم على سيدنا محمد
روح حرة*
•
رأيت الرسول صلى الله عليه وسلم وأتحفظ عليها. ورأيت قبل أتزوج الخلفاء الراشدين أبو بكر وعمر وعلي رضي الله عنهم عدا عثمان رضي الله عنه وبعد الزواج رزقت بثلاثة أبناء واحد منهم اسمه على اسم واحد من أبناء عثمان رضي الله عنهم جميع العجيب أن المكان اللي شفتهم فيه طلعت ساحة المسجد اللي جنب بيتي بعد الزواجرأيت الرسول صلى الله عليه وسلم وأتحفظ عليها. ورأيت قبل أتزوج الخلفاء الراشدين أبو بكر وعمر وعلي...
عجييب سبحان الله
الصفحة الأخيرة
مكان فاضي مافيه أي بناء أو ناس و لا أي شيء والوقت كان ليل.
وظلام دامس من كل جهه، ودائرة من الضوء مسلط من الأعلى.
داخل هذه الدائره المضيئة أنا جالسه على الأرض وأمامي رجل على فراش أبيض (مرتبة نوم ومغطاه بلحاف أبيض)
الرجل غالبا كان نائم أو يمكن ميت بس على الأغلب انه نائم
كل صفاته الشكليه تنطبق على الرسول صلى الله عليه وسلم
لكن ملابسه عباره ليس طويل من الكتان وفي وسطه حبل عند البطن، كأنه لبس السيد المسيح عليه السلام مثل ما نشوفه في الرسومات.
فما أدري هل هو النبي أو المسيح. الأكيد أنه هو واحد من الأثنين.
المهم أخذت هذا الرجل وحضنته ثم رجعته للفراش ،وكان فيه ريحه طيبه، ما أدري هي ريحة عطره أو ريحة جسمه ، وصحيت من النوم والريحة مازالت في يدي وظلت الريحه ٥ دقايق ثم أختفت تدريجيا.