في إجازة الحج اللي فاتت كنت في الرياض عند اهلي وكان واحد من اخواني عازم اصحابه

عندنا وكانوا يدخنون الله يهديهم المهم نادى اخوي بنتي الصغيره وقال لها خوذي طفاية السجائر

وارمي اللي فيها ثمن جيبيها لنا المسيكينه ما عمرها شافت السجائر قامت تصيح وتركض في

البيت مامه الحقي مخدرات مخدرات اخوي طاح وجه هو واصحابه وحنا فطسنا عليها من الضحك

مسيكينه تحسب الدخان مخدرات حتى انها تقول لأبوها يوم جانا بابه شفت خالي فلان يشرب مخدرات

مهب صاحيه ذا البنت ....

ام زوجي الله يحفظها تحب تتصل الصبح وايام الاجازات الواحد مايصدق يلقى فرصه ينام وهي تتصل الساعه 8 صباحا يوميا تطمئن علينا وعلى ولدها المهم انا ذاك اليوم مانمت كويس في الليل قلت انام لمايروح زوجي للعمل وفعلا من يوم راح كبرت المخده وحطيت راسي وقبلها فصلت سلك التلفون المهم يوم قمت نسيت اشبك السلك وجاء زوجي من العمل حمقان ومعصب يقول انا من الصبح اتصل ومحد يرد وقعد يهاوش ليش افصل التلفون واضطريت اعلم بالصدق قلتله ان امك الله يحفظها تتصل بدري وانا تعبانه وابي انام المهم تفهم الموضوع وبعد كم يوم رحنا لاهل زوجي وخلال الزياره وانا قاعده اصلي وكانت ام زوجي جالسه بنفس الغرفه دق التلفون الا هو واحد مزعج ساكت مايتكلم ردت عليه جدة العيال وينط ولدي ويقول لجدته ليش ماتفصلين السلك قالتله لا ماأحب افصل التلفون قالها امي تفصل التلفون علشان ماتزعجينها الصبح وهي تبي تنام قالتله صحيح قالها اي والله وبعد ابوي قعد يهاوش المهم كل هذا وانا اصلي والله اتمنيت الارض تنشق وتبلعني مالي وجه اقابلها وفي النهايه عدت على خير
ودمتم سالمين

الأخت ذكرى ...:o
الاخت الهدبا ..:42:

شكراً لكليكما...



ودمتم..:41:

الموقف هذا حصل لي مع ابناء اخي التوئم ..

كانت امي عازمتن ام الجيران .. وكنت ادور على بلوزه تناسب مع تنورتي .. مالقيت الا بلوزة مرة اخوي ..

فا لبستها ورحت اسلم على الحرمه .. وكان الولدين قاعدين بجنب امي ..

وفجأه وانا اسلم .. نطوا علي .. وجر في البلوزه .. حقت ماما .. ليش تاخذين بلوزة ماما ..

والحرمه ماتدري وش سالفتهم ... ماكان قدامي .. الا اني اقلب وجهي .. واطلع من الغرفه .. قبل ما يحصل شيء

اعظم من كذا .. وطلعت وانا اجر اذيال الفشيله .. من الموقف المحرج ..