هل ستستمر عقوبتي للابد؟؟

مرحبااااااااااااااااااا لاحلى اخوات ..

بنات بقولكم قصتي بس اتمنى تساعدوني فيها ..

بس قبل لي طلب واااحد بس ؟؟

مابي تعليقات بايخه وللمعلوميه انا من جد ندمت 1000 مرة بدل المره ..

بنااات سالفتي ملخبطه اتمنى تركزززون فيها شوي ..

الحين احنا من العايلات يلي ماتزوج البنت الا من جماعتها بس مما ادى انو يصير لخبطه وحوسه

مثال اختي متزوجه فلان وبنت خالتي ماخذه اخو فلان وخالي اتزوج اخت فلان ( ركزوووو ع القرابه )

المهم..

انا تخرجت من الثانوي قبل 4 سنوات وليتني ماتخرجت ..

قبل الاختبارات كنت دايما اروح لبنت خالتي يلي هي زوجها اخو زوج اختي .. وهي عندها 3 اولاد اكبر مني انا ..

تذاكر لي ..

المهم ماكذب عليكم ان قلتلكم انو واحد من عيالها كان يعجبني .. طبعا انتو عارفين مااشوفه ولاااعرف طباعه بس مثلا يفتح لي الباب او يرجعني البيت مع اخته ..

واتخرجت ونجحت وخلاااااص ..

وتمر الايام وبطريقه ما الولد يلي كان يعجبني اتجرا وكلمني ع المسن طبعا انا عندي ايميله بس للمراسله الفوريه

المهم كيف ؟؟ ليش ؟؟ والله مدري ليش صرت غبيه اتحولت من المسن الى مكااالمات بالجوال..

لااااااااااااااااااااااااااا تلوموني والله ندمت من جد مااقولكم كنت صغيره بس كنت هبله ومغفله ..

واستمرينا قرابه سنه ونص .. مكالمات .. ونتواعد مثلا بيت جدتي ويسوي نفسه دخل بالغلط عشان يشوفني ..

بس كااان من جد خااايف علي وعليه من الموضوع هذا..عشان كذا واالله يابنات ويلي يحرمني شبابي اني انا كنت اقوله يالله نروح بيت جدتي واشوفك .. كان يقولي اصبري لانخسر بعض عشان شوفة ثوااااااااااااني

ليتني فهمت معناااه .. ليتني ..

المهم .. صاارت في العايله مشااااكل كبيييرة كبييره كببيييييره اختي تطلقت من عمه وخالي زعل ع زوجته ورجعها عند اهله بس زععل وابوه طلق امه طلقه ( هذي فايدة الاقارب ) كل واحد ياخذ بحق الثاني..

اكذب عليكم لو اقولكم بقيت علاقتنا مثل ماكانت لا بس خفتتتت كثيييييييييييير

وبعدين خالي رجع زوجته وامه رجعت واختي لا جلست عندنا ..

ورجع كل شي زي مااكااااااااااان

ويوم من الايام امي علرفت اني اكلم واحد.. بس ماعرفت منو الواحد هذا ..

وهنا حدث ولا حرج انسحب الجوال وطلعتني من الجامعه ترم وحبسه ,,,,ووووو الخ

بس هي ماعرفت انه هو .. بس شاااكه انو من العيله ..

وهو عرف بالمشكله وانا وعدته يلي بينا يافلان يبقى بيننا مهما كان وقالي كلمة رجال ..

وبعد مده من الحبسه ان شفت جوال احد ادق عليه القى جواااله مفصول..

وتدوور الايام ويزورنا ولد اختي يلي يصير ولد عمه في بيتنا

عاد صعبه اساله عن حااله قمت اخذت جواله .. طلعت فوق .. الاسماء دقيت عليه ..

طبعا الجوال مخزن عندة بولد اختي يلي هو ولد عمه اكيييد راح يرد..

رد..

وانا اتكلمت ..وكل الشيااطين ف وجهي

والله اذكر اني قلتله اذا انت ماكنت تبيني من اول ليش كلمتني واذا انت مو متشرف فيني انا اشرفك مثل مابناتنا شرفو اهلك

هو ساكت

قلتله انت عرفت اني طلعت من الجامعه بسسببك .. خسرت ثقة امي فيني بسببك وووو... الخ

هو ساكت

انا مقهورة اقوله وش فيني عيب ؟؟ لو بس خطبتني كان خففت علي ؟؟

اخيرا تكلم ليتني مت قبل مايتكلم

قالي لا يافلانه مو كذا بس ..

انا وش يلي بس؟؟

قال انا اهلي عرفو بالسااالفه

اهلك؟؟ اهلك هم اهلي ليش ؟؟ وين وعدك ؟؟ وين خوفك ؟؟ يعني انت الرجال فضحتنا وانا البنت سكتت؟؟ وين كلمتك يلي بينا يبقى بيننا مهما كاان؟؟ ولا انت تبغى تتغدا فيني قبل ماتعشابك؟؟

قالي مو انا يلي قلت

طيب ميييييييييييييييييين

قالي : خالتي ( يقصد امي ) راحت عند خالتي يلي هي ام امه وقالتلي انها مسكتني اكلم واحد وشاكه انو من العيله بعدين اصغر بنات خالتي تصير عمته راحت وكلمتو وسالتو قاله بكل بسااااااااااااااااااااااااااااااااااطه ايه انا كنت اكلمه



انا الغبيه صدقت ف البداايه بعدين قعدت اكلم نفسي.. يعني معقوله امي بتفضحني عند الناس..

قلتلو اوكي بس احب اقولك اغلا ماعند الرجال كلمته وخلك وانت مو قد كلااااااااااامك..

وانتهينا ..

وبعدها انا بنفسي رحت قلت لامي انو انا كنت اكلم فلااان ( علي وع اعدائي )..

امي سكتت وقالت انتهينا تراه سااافر بعثه ..

سافر ؟؟ سافر ؟؟

والله يابنات ماصرت اقدر اقابل احد من اقربائي والله ماشوفهم الا ف المناسبات وعيونهم كلها كلمااااات واستفهااامات ؟؟

ادري اني غلطت وادري اني الموضوع عند الحريم انتشر بشكل مخيف يلي خلاني مالي وجه اقابل احد فيهم

امس الخميس زواج وحده منهم .. جلست مع بنات اعرفهم بعييد والله خالتي وبناتها ماسلمت عليهم الا بالبوفيه مابي انحرج من نظراتتهم

هم عادي يرحبون ويسولفون ويضحكون .. بس انا مووو قادرة . وبالذات ع رمي الكلمات ..

واليوم الجمعه كانت الزواره ف بيتنا

ليتني مت والله ليتني مت

والله يابنات في ناس يقربون لنا بس من بعيييد شافوني يسالوني عنه وانا اقول مدري عنه او بنت اختي ترد تقول انا بنت عمه اسالوني انا وش دخل خالتي..

بعني كللل عايلتنا عرفت .. والله يعلم وش يلي ينقاال عني من وراي..

امي وخواتي اكيد عارفين ويقولون لي عادي كل شجره هزتها ريح

بس انا غير التانيب النفسي وغير جرحه وسااافر بكل برووود اعاني من نظرة الناس لي

واقولللللللللللللهم والله غلطت .. مع انسان مايستتااااااااااااااااااااااهل بس وربي ندمت ..

بنات وش رايكم اجلس مع امه واقوله السااالفه كامله ؟؟ اسالوني ليش؟

عشان اكيد هو كذب عني باشياء ان انا سويتها وابغى اوضح لها

وكمان بناات وش رايكم ارجع زي ماكنت كل اسبوع اجتمع مع خالاتي ولا بس في الاعياد؟؟

تكفووون بناات ادوعولي الله يخففها علي ..

وادعو ع كل انسان او انسانه يتكلم بالشر علي ف ظهري