هل سفر الحامل في الشهر التاسع بالطيارة يضرها

أختي سواء ضار او مو ضار , مع ان على حسب ما قريت اذا كانت حالتك مستقرة و ما في توقعات الى ولادة مبكرة مافيها خوف
لكن شركات الطيران ما يخلوكِ تسافري في الشهر التاسع أصلاً
لو كان عندك خبر عن شركات طيران تسمح في الشهر التاسع ياريت تفيديني لأن ودي اسافر في الشهر التاسع .

ماعندي خبر ياقلبي
بس اذا مافيه خطر هم ايش دراهم انا في اي شهر ماتوقع يدققو

انا سائلت دكتوره وقالتلي لا لا تسافري لانو في ضغط على الجنين

اولا :اهم شي تروحين للدكتورة وتقرر اذا فيه ضرر او لا .
ثانيا : خليها تكتب لك تقرير ان وضعك يسمح بالسفر بالطيارة اذا الوضع اوكي ،علشان ممكن يطلبون منك التقرير اذا جيتي تركبين الطيارة واحيانا يخلون زوجك او ولي امرك يوقع على مسئوليتوه اذا حدث اي مكروه لا سمح الله .

حبيبتي هم لما يشوفوكِ حامل حيسووا لك قصة , لااااازم ورقة من الدكتورة تثبت انك ما دخلتي التاسع
و حتى لو كنتِ في السابع او الثامن لااااازم تقرير من الدكتورة يقول ان حالتك الصحية تسمح انك تركبي طائرة

أنا قريت عن الموضوع كثييير و لقيت ان اغلب شركات الطيران تمنع ركوب المرأه الحامل للطائرة من بين 32 اسبوع الى الشهر التاسع ممنوع بدون تقرير من لدكتورة .

قريت قصص بعض البنات يقولوا بهدلوهم و هم في بلد غريب خلوهم يطلعوا على شان يجيبوا ورقة من الدكتورة !
و قصة صديقتي كانت في الشهر السابع بس بطنها صغير فما انتبهوا لها بس كانت معاها وحده على نفس الطائرة بالسابع ما رضوا يركبوها الطائرة مع العلم هي مشت عند البوردنغ عادي لما ركبت الطائرة المظيفة شافتها و نزلتها , تصوري !!!!

اذا كنتِ ضامنه انهم ما راح ينتبهوا لك و انتِ راكبة الطائرة و ما ينتبهوا الى كبر حجم بطنك , افحصي عند الدكتورة و اذا طمنتك توكلي على الله , بس من غير ما تاخذي راي الدكتورة ما انصحك تسافري لأن التغيرات الجوية و الضغط ممكن تسبب ولادة مبكرة .

وربي يوفقك