السلام عليكم ورحمه الله وبركاته
بالبدايه احمد الله عز وجل اني مظلومة ولست ظالمه ،،
قصة طلاقي الحزيينة ،، والظالمه لا يتصورها عقل انسان ،،
سأختصرها لأنني ذكرتها بأكثر من منتدى كباحثه عن حل ولكن مؤخرا طلقني !!!
بدايه ،، انا اردنيه ولكن مواليد السعودية
جا اخوي الكبير واخبرني فيه عريس ،، وفرحت كثير مثل اي بنت ،، كان عمري 18 سنه !
والي فهمته مؤخرا بعد ما انفصلنا اني ماكنت عاجبة زوجي ولا عجبت اهله شكليا ،، وانا ما ارتحت له لأنه وصلني انه مو حق زواج وحق بنات وحق خراب ,
بس اخوي الكبير ( الثاني ) والي كانت عمه زوجي كافلته اصر اني اتزوجه رغم رفضي ،، واهل زوجي وخصوصا اخته الي انا ماعجبتها رفضتني بس ابوهم اصر عشان لا يتفشل قدام اخواني .
وبعد سنتين خطوبه مليانه بالمماطله تمت الملكه ، وصارت بيننا مكالمات وكان يحسسني اني ملكه قلبه وانه ارتاح لي واني حرمه حياته وانه حيسعدني وماحيفرط فيني بيوم من الايام ورسمنا لمستقبلنا شغلات كثيره
ولكن الاخ ماطل بالزواج لمده 3 سنوات ونص بعد الملكه ، لأن اخوي الكبير يبغاه يحط لي سكن ، وهو يقول مايقدر لأنه مو ع راس عمل ولا يدور عمل طول الوقت عاطل ومع اصحابه
اخوي الي يبغاه يحط لي بيت انسجن ، وبقي بره اخويه الي عمه زوجي كافلته ، هذاك طفش من كثر مماطله زوجي الي كانت واضحه مماطلاته مايبغا زواج بس يكذب ع نفسه ، وانا كنت غبيه واصدق كل اعذاره ،، لكنه مع اصرار اخويه عليه فرش لي غرفه في بيت اهله ، وتم الزواج ، وكان ساكن زوجي في شقه عماته الاثنين وابوه الشايب ، عماته شايبات وحده ماتزوجت عمرها بالسبعين والثانيه تطلقت بعد اسبوعين زواج وعمرها باواخر الخمسين وبنتها 32 سنه !!!
المهم بأول فتره عاملوني عماته معامله الخادمه وتحملت ،كل تصرفاتهم معايا توضح انهم مقهورين من زوجي الي حطني بوجههم وراح يكمل لعب ولا يشتغل ولا يحط ريال بالبيت وانا اضافه جديده ع ميزانيتهم ، وزوجي كان يخرج ويسهر مع اصحابه عادي ،، اصلا ثاني يووم من ليله الزفاف ونحن بالفندق جو 3 من اصحابه وجلس معاهم ،، والله هالشي خلاني اشتائم ،، اصحابه جايبهم بالفندق وبثاني يوم زواج ؟؟؟
قضيت اول 4 اشهر زواج مناحلات ومناشبات مع عمته المطلقة ، ع اتفه التفاصيل بامور البيت ، وانا اوقات اتحمل واوقات اروح غرفتي ابكي ، والسيد زوجي بره مع اصحابه ، وعاطل لا عمل ولا قعده معاي ،
كانت مشاكل كثيره تصير بس المشكله الي احدثت الشرخ وخربت العلاقه فيهم انه بيوم جا زوجي من بره ويبغا اسوي له فلفل وماكنت مكثره الثوم ف عصب ،، وصرخ عليا ليش ماكثرتي الثوم ،، وكان قبلها عمته مانعتني اكثر الثوم له لأنه مو هو الي اشتراه وخساير عليهم ،، وكان زوجي سائلني كذا مره اني ليش مو مكثره الثوم وما ارد بس لما دخل والشر بعيونه قلت له عمتك قالت لي لا تكثري ،،
قام وراح اتهاوش مع عمته صراخ وبهدله انه ليش دايما بتمشي كلامها عليا وهو الي متزوجني مو هيا ومن هالكلام ،
كان هذا يوم العيد وبعدها كل العائله الكريمه كرهتني وقلبت عليا بسبب تافه ، وزوجي الي عفس الامور بتهوره وصراخه عليها كان دايم مشغول مع اصحابه بره البيت وانا بالوجه ، وياويلي ياسواد ليلي لو اشتكيت له ، كنت مثل الكلبه او الشبشب ( مثل ماقالت عمته عني ) يعاملوني اخس معامله ، بهذيك الفتره حملت ، وطول فتره الحمل وانا محد فيهم يسأل عني ولا عن صحتي وكان حملي متعب جدا ولحد السابع وانا بالسرير ،
وايام ولادتي ولدت عند اهلي ، كان ابوه طاردني انا وهو بسبب ولده الصغير ( اخو زوجي ) والسبب كان مودم النت الي ولده يبغاه وانا ما ابغا اعطيه اياه والشايب بالاجبار اخذه مني ف زعل زوجي واتهاوش مع ابوه وطلعت انا السبب !!
ولدت وجبت ولد من اجمل ومن اذكى ما شفت من الاطفال الله يحميه يارب ،، كل من شافه حبه لهاللحظه هذه !
رحت اقضي نفاسي عند اهلي ، مثل ما اصر زوجي ، وبهذيك الفتره فججججججججججججأه قاطعني زوجي الي كنت احتاجه بكل ماللكلمه من معنى ، هذيك الفتره كنت بأضعف حالاتي ، طالعه من ولاده ، وبيدي ولد صغير ، وببيت اهلي الي حالهم جدا جدا ع قدهم ، طنشني وقرر يتركني والسبب اهله قولوني كلام يشهد ربي ماطلع مني نهائيا وهو حضرته صدقهم
قعدت 3 شهور اترجا فيه يرجعني له وهو مطنش وهذيك الفتره علاجات الولد وتطهيره انا الي تكفلت فيهم وانا تعبانه ماديا ونفسيا وجسميا حتى اوراق الولد ماطلعها ولهاللحظه وعمر الولد ثلاث سنوات ماطلعها
المهم بعد 3 شهور جري ورا زوجي رجعني رجعني قرر يرجعي ،، ولكن كان بااااارد ومايكلمني ابدا ولا يقربني ولا كنه يعرفني ، وانا اتحمل واقول بكره تتعدل الاحوال ، ومو شايفه اي تحسن ، اول كان اهله والحين هو واهله ، كنت اتنكد وابكي لحالي ، واتصبر ولكن بعد سنه كامله وقبل رمضان بيومين رحت لأهلي زياره عاديه ولكن بعد 12 يوم ارسل لي ع الواتس اب ( خلاص يابنت الناس مانقدر نكمل مع بعض اكثر من كذا انا تعبت من النكد الي عايش فيه )
اتضايقت من رميته لي وبدون سبب ، خلاص صار بيننا ولد الموضوع ماعاد لعب ، ولكنه رماني ورمى ولده وبدون سؤال ، وحمدت الله ، ورغم ان نفسيتي تبعثرت وانهدمت لكن حاولت ابين قوية
قضيت سنتين كامله معلقة ،، اعافر اعافر عشان اجيب رزقي انا وولدي، وتوسيطاتي لأهل زوجي يكلموه يشوف حل ماكانت تجيب نتايج بالعكس لأنهم يوصلو كلامي بصيغه غلط ومبهره، لأنه ماحط ع ولده ولا قرش ، ولا سوى اوراقه للحين ، ( الاب سعودي ) واهلي مو متدخلين ولا حتى اخوي الي اصر اتزوج بعد مانقل كفالته يقول عني ( مالي دخل فيها ) ، ولدي بعمر السنه اكتشفت انه معاه لين عظام ، ولازمه علاجات ،، وماعنده اوراق ولا ابوه يرد عشان يسوي الاوراق ، كنت اخذه المستشفيات الخاصه واعالجه بكل الحيله الي اتعب لين اجمعها من شغلي ( طبخ بيتي ) والباقي يله يله القى فلوس اشتري لقمه او هدمه لي ولولدي ،، ابوي الله يرحمه كانت اقامته منتهيه وانا مضافه معاه ما اضافني زوجي ، ولا معي شهاده ، وايام العيد ذا قررت اشتكي ولكن ابوي الله يرحمه مرض وتوفى والحين ابوي له اسبوعين ونص متوفي وزاد حمل احزاني ، فكانت الامور تتصعب ، وانا احمد الله ، واتفاءل بوجه ابني حبيبي، الوحيد الي يخليني ابتسم .
عاد الجديد بموضوعي بشوال هذا الي فات ، وديت ولدي لأهل ابوه ثاني يوم العيد واخوات زوجي مسكووه تفاهم متى ترجعها او تطلقها ، ولازم تشوف حل، والين متى مخليها معلقه فكان جوابه بعد سنتين صبر قال لهم حرفيا ( هي طالق طالق طالق وتحل لرجال غيري )
مازعلت عليه والله العظيم ، انا زعلت على عمري الي ضاع ، بالضبط راحت من حياتي عليه 10 سنوات ما استفدت فيها ولا شيء ، غير طفل بريء ماتسوت له اوراق وعنده لين العظام ولو انه الحين بدأت ساقينه تتعدل بس لسه للحين اراجع فيه واشمسه ما انتهى الكورس
وماصبري الا بالله والحمدلله وان الله وانا اليه راجعون
ابوي مات وزوجي طلقني بنفس الشهر ، وهو شوال الماضي ، قسم كبير مني انهدم ، واحس بفراغ كبير وشاسع بحياتي ،
انا صحيح تطلقت بس لسه ما اخذت الصك ، وانتظر اخذه منه بعد الحج واخت زوجي قالت لي حرفيا ( اذا جاكي نصيب ثاني تزوجي وخلي الولد معاك ماحناخذه ، بس ماننحرم من شوفته ) ، وانا في راسي هالموضوع ،
وخايفه اشتكي عشان موضوع اوراق ولدي تنقلب عداوه بيني وبين اهل زوجي ويحطو براس زوجي افكار جديده تدمرني من جهة حضانه الولد ، لأني ودي بزواج ثاني يمكن ربي يعوضني عن الاول الي بحياته ماعرف قيمتي وطول عمره يحسسني اني عبء عليه الين ما راح .
لأني انسانه احب اكون ببيتي تحت ظل رجال يحميني من الناس ، ولو اني مو كذا ماتمسكت بكل قوتي بواحد مثل زوجي همه اصحابه ووناسته ونفسه ،
طول حياتي وانا احلم ببيت وزوج واطفال واكون ببيتي معززة مكرمه وم احتاج احد !! ولكن قدر الله وماشاء فعل !
حتى كنت اقول لأخته ، مستعده اوافق ع زواجه من الي يحبها ويخليني ع ذمته بس ماينخرب بيتي ولا يتشتت ولدي ويعتاز الناس ، قامت ضحكت بقوة واحزروا اش قالت ؟؟؟ قالت ( اخويه مايبغا زواج ، اخويه بياكل الفطير ويطير ، مايبغا مسؤوليات ) وانا كنت الفطير ،، اكلني وطار !
اش رايكم ؟؟؟
انا احس لو تزوجت مره ثانيه ممكن يبتسم لي المستقبل مره ثانيه ، خصوصا انه كذا شخص تقدم لي للزواج من باب مد اليد والمساعده والقيام فيني وفي ولدي ، خصوصا اني مامعاي ااكله او اشربه الا بشق الانفس
ولكن الخوف ان تم النصيب وجاني انسان ثاني من ( شيئين ) ، الاول انه اهل زوجي وزوجي يرجعو بكلامهم ويرفعو دعوى يطالبو بحضانه الطفل وياخذوه مني ، او ان الزوج الجديد مايتحمل ولدي وتصير مشاكل بيني وبينه بسبب الولد وانحرم من ولدي او اتطلق مره ثانية وانا مو براسي الزواج الثاني الا عشان القى من يساعدني بولدي بمصاريفه واكله وشربه ودراسته ،،
شورو علي يا اهل الخبره ايش اسوي ، صعب اقضي باقي حياتي وحيده انا وولدي ، وانا طول عمري احلم اكون ام لخمس او ست اطفال يسندوني بحياتي بعد الله ، هذا حلم وصار عندي هاجس كل ماشفت وحده حامل او معها اكثر من طفل اززززززعل ع نفسي ،، هل ممكن يبتسم لي المستقبل مره ثانيه بعد ما تقريبا اغلب الاشياء الحلوة بحياتي انتهت ؟؟؟؟
الدندوشة @aldndosh
عضوة نشيطة
يلزم عليك تسجيل الدخول أولًا لكتابة تعليق.
umoussama
•
المستقبل بيد الله و والطلاق ليس نهاية الدنيا ،انا حزنت على حالتك و لكن رغم ذلك يا أختي ،قوي إيمانك و عقيدتك و التزمي الدعاء ،وإن شاء الله يرزقك الله زوجا صالحا يخرجك من الحزن الذي أنت فيه ،أختي ًأشغلي نفسك بطاعة الله ،التحقي بدورة حفظ القرآن الكريم و خذي ابنك معك ،واذا كنت تشتغلين ،خليه عند أمك ،وحاولي ان تحنني قلب ابوه عليه ان يعدل اوراقه كي لا تجدي مشاكل عندما تريدين ادخاله المدرسة ،انت لا تتكلمي على أي شيء ،حتى يضبط اوراق ولدك ،هذه الأهم ،و بعدها فكري في الاشياء الاخرى ،والله يسهل عليك
عزيزتي بكتني قصتك
بس اولا لو طالبوا بالحضانة خليكي قوية عند الشيخ قولليله مايشتغل
وقولي للحين ماعمله أوراق
وماصرف عليه ريال واحد قولي كل الي بخاطرك
وثانيا ثقي ثقة تامة ان الي بيتزوجك بيكون عارف وضعك ووضع الطفل وإنتي قولي كل شروطك واشرحيله كل شي
وقبل كل شي خلي ثقتك بربك كبيرة بانه بيعوضك
تصدقي خالتي انفصلت من زوجها وماصرف على بنته ريال واحد وبنته الحين عمرها عشرين ومتزوجة والحمد الله ربي عوضها يمكن بس اخر كم سنة صرف على بنته وصار يسئل عنها
خالتي الحين انخطبت والله من غير مبالغة ان خطيبها يعامل بنتها كأنه بنته ويعطيها وهو عنده ولد وبنت وخالتي عاملتهم نفس الشي لدرجة الولد يناديها ماما
ولاتخافي مابيطالبوا بالولد لسبب بسيط لأنهم مايبغوا بيشيلوا مسؤولية مصروفه
تفائلي وخلي إيمانك بربنا كبير انه بيعوضك ان شاء الله
وحسبي الله ونعم الوكيل على كل ظالم
بس اولا لو طالبوا بالحضانة خليكي قوية عند الشيخ قولليله مايشتغل
وقولي للحين ماعمله أوراق
وماصرف عليه ريال واحد قولي كل الي بخاطرك
وثانيا ثقي ثقة تامة ان الي بيتزوجك بيكون عارف وضعك ووضع الطفل وإنتي قولي كل شروطك واشرحيله كل شي
وقبل كل شي خلي ثقتك بربك كبيرة بانه بيعوضك
تصدقي خالتي انفصلت من زوجها وماصرف على بنته ريال واحد وبنته الحين عمرها عشرين ومتزوجة والحمد الله ربي عوضها يمكن بس اخر كم سنة صرف على بنته وصار يسئل عنها
خالتي الحين انخطبت والله من غير مبالغة ان خطيبها يعامل بنتها كأنه بنته ويعطيها وهو عنده ولد وبنت وخالتي عاملتهم نفس الشي لدرجة الولد يناديها ماما
ولاتخافي مابيطالبوا بالولد لسبب بسيط لأنهم مايبغوا بيشيلوا مسؤولية مصروفه
تفائلي وخلي إيمانك بربنا كبير انه بيعوضك ان شاء الله
وحسبي الله ونعم الوكيل على كل ظالم
الله يعوض صبرك خير
ويبلغك في ولدك
لا تنسي دعاء (اللهم آجرني في مصيبتي واخلف لي خيراً منها)
ويبلغك في ولدك
لا تنسي دعاء (اللهم آجرني في مصيبتي واخلف لي خيراً منها)
الله يعوضك يا رب
ويرزقك ما تتمني
انتي المهم الحين حاولي تحلي مشكله أوراق ولدك
و اصبري يا اختي فالمسلم أمره كله خير
قال من لا ينطق عن الهوى صلى الله عليه وسلم :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .
ويرزقك ما تتمني
انتي المهم الحين حاولي تحلي مشكله أوراق ولدك
و اصبري يا اختي فالمسلم أمره كله خير
قال من لا ينطق عن الهوى صلى الله عليه وسلم :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .
الصفحة الأخيرة