صباح الخير بنوتات
أنا شريت قبل فتره كنب صوفا مودرن من هوم سنتر إللي بسنتربوينت إللي بغرناطه المهم لونه جزري والخامه جلد هو تبينه صوفا يجي صوفا تبينه سرير يطلع سرير قبل الخصم كان سعر الصوفا لحالها 2000 ريال وبعد الخصم طلعت ب 1000 ريال المهم أخذت كنبتين وحطيتهم بصالتي على شكل لـ وطقمت لهم خداديات اربع خداديات ب 200 ريال وسجاد وستاره يعني ظبطت وطقمت كل شئ
وفجأه من أول شهر
انكسر واحد منهم وتبين لي ان الخشب سيئ جدا خفيف من برا قوه ونعومه وحداثه ومن جوا يعلم الله انقهرت بشكل المهم رحنا لهم وقالوا بنجيكم نصلحه وكملنا اربعه شهور ولا جوا نصابين المهم
امس اتصل فيني زوجي يقول الكنبه الثانيه انكسرت انقهرتتتت حرام اربعه شهور بس وب 2000 ريال وكل صوفايه تأخذلها 3 اشخاص وينكسر بهذي السرعه بنات ساعدوني قلت لزوجي بغيره قال مستحيل
طيب وش الحل ؟؟؟؟؟؟ تكفون منقهره منه ؟؟؟؟؟
قلت لزوجي بشتري كنب ثاني من بن دايل مودرن وبألف ريال ومن حسابي الخاص ورفض قال أنا ماهمني الفلوس حرام نشتري ونرمي وحنا بشقه حتى هذا وين بتحطينه يادوب الشقه تكفي تجيبي كنب ثاني وين نوديه قلت له نبيعه قال ماراح تطلعي بفلوسه بيروح خساره جديد وجلد ونظيف
قلت طيب والحل قال نصلحه قلت الاول من انكسر ماصلحته ولا دورت ولا سألت احد يصلحه الحين بتصلح اثنين والله زهقت منه
على كثر اعجابي به يوم أول ماشفته انهبلت عليه والحين نفسي ارميه وماعاد اشوفه مقهوره
من تعرف محل يصلحه او تعرف هل هوم سنتر عندهم صيانه وهل هم مسؤلين عنه تكفون دلوني ؟؟؟؟؟؟؟؟؟؟ :44::44::44::44::44::44:
مرة عدوله @mr_aadolh
عضوة نشيطة
يلزم عليك تسجيل الدخول أولًا لكتابة تعليق.
غند1
•
ما أعتقد إنهم بيصلحونه .. لكن شوفوا محلات الموبيليا والنجارة .. شغلهم متين وقوي لكن ينقصهم جمال التصميم .
أتمنى أكون أفدتك.
أتمنى أكون أفدتك.
امووول11
•
سبحان الله وبحمده
شوفوآ مين آتصل على آمووول ويقول آلحقيني آنآ صلعت( حصري Exclusive )
http://forum.hawaaworld.com/showthread.php?t=2860034
.
شوفوآ مين آتصل على آمووول ويقول آلحقيني آنآ صلعت( حصري Exclusive )
http://forum.hawaaworld.com/showthread.php?t=2860034
.
الصفحة الأخيرة
طيب شوفوا إّّذا يتصلح بسعر معقول ولا رجعوه على هوم سنتر وشوفوا وش يردون عليكم