اخوي مطلق كان متزوج وحده اصغر منه بسنوات يوم تزوجها وهو عمره
27 وهي 19 المهم البنت من نوع البنات اللي تفكيرهم طفووولي وبري
تحززن والله طييبه وحبوبه بس ماتاقلموا مع بعض اخوي يحب المره الي شخصيتها قويه على قولته يبي وحده لسانها طويل تناقره <غاوي نكد

تطلقوا بعد سنه من زواجهم وماعندهم عيال ماتزوج بعدها قعد 6سنوات
وجو عندنا ضيوف وحنا طلعنا الحوش كان الجو حلو وهو كان طالع وشاف
بنتهم الكبيييره ونشب فينا الا نخطبها له

ورحنا وخطبناها لكن امها قالت لا هاذي ماهي حقت زواج خذوا الصغيره
(( الصغيره عمرها 16 والكبيره عمرها 29 ))..
سالناها ليش قالت خلاص كبرت ومريضه فيها السكر ورفله ماتصلح
للزواج :09:

قالت امي الولد يبيها كبيره وناضجه مايبي بزر والمرض مو عيب
والرفاله بتروح بعد الزواج ماعليك كل بناتنا كذا :icon28:

قالت وهي معصبه :mad: ماعندنا الا الصغيره للزواج تبونها ولا بكيفكم
<< حشا سيارات :angry:

المهم قلنا لاخوي قال عادي السكر هو ماهوب سرطان
لكن امها راااافضه الموضوع رحنا لهم اكثر من مره عشان نقنعها و لزمنا عليهاا وقالت يصير خير قالتلها امي
نبي الكبيره وهو بيجي يشوفها قالت طيب مالكم الا اللي يرضيكم << لاحظوا انها بينت لنا انها خلاص موافقه

بعد اسبوع راحلهم اخوي عشان يشوفها .. ويوم رجع قال مو هي اللي شفتها البنت شكلها صغييييره مره ماابيها :mad:

والبنت فعلاااا شكلها صغيره مره حتى صدر مامعها مدري كيف تبي تزوجها وهي مبييينه طفللله هي حلوه وقمممر بسسس صغيرره

اتصلنا عليها وقالت لها امي ليش تطلعين له الصغيره مو انتي عشمتينا
انك موافقه وش اللي ردك قالت انا ماوعدتكم قلت افكر وفكرت ان ولدك ولد حلال وماتصلحله الا الصغيره

اخوي قال خلاص دام الموضوع كذا خلاص ماابيها انا قلتلكم من اول ابي وحده قريبه من عمري

ابوي عصب عليه لان ابو البنت صديقه روح بالروح وخاف يزعل وصااارت مشاكل اخر شي استسلم وملك عليها لان وصلت بابوي ان يطرده من البيت :( المهم الحمد لله هذا نصيبه ربي كاتبه له ولها

(تراهم متزوجين لهم ثلاث سنوات الحين ومعهم ولد ومرتاحين الحمدلله)

بس اللي قهرني ان البنت الكبيره بعد ملكه اختها انخطبت
وامها رفضت مع ان الولد اللي خطبهااا الف وحده تتمناااه

رحت سالت البنت قلت يمكن هي ماتبغى تتزوج .. قالت لاو الله ودي
اتزوج بس امي واقفه بطريقي ومن وانا عمري 17 وانا انخطب وتردهم

مع العلم يابنات ان امهاااا طيبه معهاااا مره وتحبها ومدلعتها مرره
انا مستغربه من تصرفها ليش ترد نصيبها وخواتها الصغار تزوجهم
مدري هو تعلق زايد ببنتها ولا شي ثاني
شاغلتني السالفه بصراحه لان الام مازالت تررفض خطاب بنتها

الله يرزقها الزوج الصالح ويحنن قلب امهاااااا شاغلتني هالبنت :icon33: