الخلا صه - ان البنت اول كانت في فترة فراغ مجرد ماتكون مخطوبه تنشغل اشوي وبعد الزواج مشغوله بحياتها الجديدة والتزماتها بالبيت والزوج يابنات لاتفكرون ان صديقاتكم نسوكم الكثير يقولون من تزوجت وهي شايفه نفسه
كان ماعرست الا هي في هالدنيا
:17: :17: :17:
الا اذا كان الزوج متسلط

هلا حبيبتي : ورد الامارات
صحيح أن المرأة تتغير بعد زواجها لكن من ناحية أنها صارت أكثر مشاغل عن يومعا بنت لأنه تعرفين صار كل شيء فوق راسها والله يعين ويوفق الجميع ..............
فلازم حبيبتي أنك تعذرين صديقتك أنا عن نفسي أعترف أني صرت جداً مقصرة في حق صديقاتي وماتدرين بعد وش كثر زعلهم علي لكن الله أعلم بالحال ودمتي ..........
وتقبلي تحياتي ،،،،،،،،،،،،،،،، :26: :26: :27: :24:

هلا حبوبتي ..

انا اعتقد ان الاثنين ياثروا ببعض .. الزوجه تاثر بزوجها وتحاول شوي شوي تغير بصفات هي ما تحبها فيه ومع الوقت هي تحس انه فعلا تغير ..

وزبالنسبه للزوجه نفس الشيء .. الزوج يغير بزوجته في اشياء معينه مو شرط كل شيء ..

انا مثلا .. زوجي غير في اشياء اهلي كانوا يشتكون منها كثيرررررر .. يعني انا كنت عناديه مررررررره ولمن ازعل ما اكلم اي احد وافضل طول اليوم زعلانه سواء كنت غلطانه او لا لاني كنت انحرج اني اعتذر لمن اغلط او اواجه غلطتي .. طبعا هالشيء غلط في غلط ..

لكن الحين اتغيرت زوجي علمني لمن اكون غلطانه علي اني اواجه غلطتي واعتذر واتحمل اللي يجيني لاني غلطانه ..

وغير كذا العناد هذا سبته .. صرت اتفاهم واتكلم واناقش مع العلم اني كنت ببدايه زواجي وقبله ساكته وازعل واقهر بنفسي وامرض وحاله ..

عالعموم التغيير اؤيده لو كان للافضل ..

فعشان كذا لا تزعلي من صحبتك ابدا لانها صارت عليها مسؤليات اكبر ودخل بحياتها زوج يعلمها اكثر واكثر .. يعني بالمختصر المفيد البنت كبرت ودخلت دنيا ثانيه اكبر من اللي كانت فيها ..

لا تنسي مثلنا اللي يقول : من عاشر القوم 40 يوما صار منهم .. فمابالك باللي عايشه معاه كم سنه .. وطول العمر ان شاء الله

مشي الموضوع عادي .. لانك بتمرين بهالشيء

اختي ايسكريم اشكرج حبيبتي على مرورج الكريم وانا اقدر ان الوحده يوم تتزوج يكون عندها مسؤليات وبيت وزوج وعيال ولكن طبايعها تتغير وشخصيتها هني المشكلة ....

اختي ام فايز واختي بنت نجد اشكركم على مروركم ومشاركتكم وانا فعلا مقدرة ظروف ربيعتي بس تمنيت ايامها العزوبية ترجع مرة ثانية!

اختي خيالية مرحبابج ونورتي المنتدى ويسرني مرورج الكريم ومشاركتج معانا وفعلا اختي كلامج صحيح انا اقصد اللي ذكرتيه ولكن ما في اليد حيلة ما نقدر نغير ما في نفوس البشر!

اختي يمه ضميني اشكرج على مرورج وفعلا يوم الوحده تتزوج تتغير لان يكون عندها مسؤليات ولكن المصيبه بعضهن تتغير شخصياتهن وربما للأسوأ

اختي اشراق اشكرج على مرورج وانا اؤيد كلامج ان كلما كانت شخصيه البنت مستقلة ولها قدرة على الحوار ربما لا تتغير شخصيتها ولكن بيكون عندها مسؤليات اكثر من اي وقت مضى

اختي ام وجودي اشكرج على مشاركتج وفعلا اختي في ناس يتغيرون لما يتزوجون وناس ما يتغيرون وان شاء الله اللي يتغيرون يكون تغيرهم مؤقت مب دايم

اختي البندرين اشكرج على مشاركتج ، صحيح ان المرأة تتغير عقب زواجها لاحساسها الكبير بالمسؤلية بس هناك فرق بين هذا الشيء وبين تغير شخصيتها

اختي حبيبتي فراولة اشكرج على مرورج الكريم وحبيت اوضح اختي ان المشكله مب في زياده مسؤليات الفتاه المتزوجه ولكن بعضهم تتغير شخصيتهم بالكامل

اختي ليال اشكرج على مشاركتج وفعلا انا اقدر هالتغير الكبير اللي يحصل للمتزوجات عقب زواجهم بس اختي تغير من تغير يفرق فنشوف ناس تتغير شخصيتهم بالكامل ولا كأن من اللي عرفناهم سابقا وهني المشكلة