والله خوفتوني في شخص مطلق مرتين وينتظر ردي ووضعه المادي ممتاز ومن عايله دينه

اعرف واحد ماعمره جاب طاري طليقته عند زوجته
كل رجال يختلف عن الثاني

بكل ثقه اقولها نعم يقارن ويقارن ويقارن ويقارن
موبس المطلق , حتى الأرمل
يعني اللي بتاخذ واحد من هالاثنين بطله بطله بطله بطله

بقولكم :
اخو صاحبتي كان متزوج 8 سنوات وماجاب اولاد منها وكان يحبها بجنون وسالفة العيال ما اثرت فيه ابداً يعني ماكان سبب طلاقها ....
السبب في طلاقها ان خانته ,, ورغم كذا كان حليم معها مارضى يطلقها بسهوله قال أتأكد من الكلام اللي جاني واجيب اثباتا ت وبراهين عشان لا اظلمها ..
جابوله تسجيل وصور ..
وطلقها بسكات بدون حتى اي كلمه تأذيها ..
والحين تزوج وجاب 3 بنات وما يجب سيرتها قدام زوجته أبدا لكن في المُقابل اذا انفرد بأخواته يجيب سيرتها وهذي اخته قالت لي تقول شفناه يتنهد عليها يقول صدق خانتني وصدق ماجابت لي عيال ,,, لكن بتظل الوحيده اللي ماراح احصل مثلها
قالوا له شلون جلس يفضفض لهم ..
يقول اذكر لما امرض تسهر معاي ,, اذكر اهتمامها بنفسها ,, اذكر كلماتها كيف تختارهم .. اذكر النظافه الشخصيه والبيتيه اللي كانت تعيشني اياهم ..
اذكر كيف كنا نختار تفصيل ثيابي كيف سفراتنا ..
قالوا له وزوجتك هذي مو مقصره قال اشوف عيوب الثانيه هي ميزة في الأولى زوجتي هذي لا يمكن توصل للأولى رغم انها اجمل لكننننن دايما اذكرها ..

يقارن في بداية الزواج لكن مع الوقت ان شاء الله يكون نسى. عن تجربة

الله يسعد صاحبة الموضوع لكن موضوعك ذكرني بالماضي اللي أحاول اتناساة زوجي مطلق وكان يقارن بداية الزواج وكنت أزعل بعدها ماعد جاب سيرة. اللحين أخاف يقارن بصمت. الله يستر