لا يــــابنات الاعمـــــار بيــــد الله وهذا شي في علم الغيــــب مانقدر نحكم فيه

وهالتجارب الي قلتوها مجرد اشياء مرت عليــكم بحيــاتكم مو معناتها شي اكيــــد وواجب يصيـــر

وبعدين يمكن هالشي يعتبر من التطيـر

و اذا فكرتو مثل كذا وخفتو قولو

اللهم لاطير الا طيرك ولا خيــــر الا خيـــرك ولا اله غيرك

شفتو قد ايش سهل هذا دعاء الطيره


وبالنسبه لاحسساس الموت مو شرط ولا اكييد في كثير بنات في قسم الحياه الاجتماعيه

عندهم رهااب الخوف من الموت

وهذولي دايم يحسسون بالموت دايم وهذا مجرد احسساس وخوف ماله دخل بالواقع

بنات استعيذو من ابليس دايم اذا فكرتوا كـــذا وقولو الدعاء

وبالنسبه للقصص الي ذكرتوها ترى المرض مو هيــن ودايم المريض يحس انه بيفارق

يعني حتى احنا لو نعدد قصص الناس المريضه والي شفاها الله راح نلاقيهم حسسوا انهم بيموتون

بس الحمدلله ماماتوا يعني نفسيه المريض تكون تعبانه و تلعب دوور في احساسيه

والله يحفظنا بحفظــــــــه ويحفظ احبابنا واحبابكم

ويرحم موتانا وموتى المسلمين

فعلا الاعمار بيدالله
لكن والله كل الكلام اللي قلتيه صحيح

قلت اللي بقلبي

الله اعلم

ولد خالي صغير عمره 12 كانت امه في النفاس وبيطلع مع خواله طلعه بر تقول امه من قام الصبح وهو مستعجل على روحه البر وخايف ان اخوه الكبير يروح ويخليه وتقول تسبح وتنضف من نفسه من دون مااحد يقول له ولبس بدله قديمه تقول امه غيره هذي قديمه وموزينه قال لا احب هالبدله بالبسها وماني مغيرها تقول امه مرره اتعبنا معه عشان هالروحه وسبحان الله راح وصدمته سياره عالخط السريع وتوفى على طول ......يعني ممكن يكون حاس انه بيموت ...

وبعدين على سالفه ان مايروح الا الطيب احس انها كلمه تقال اذا دؤو ان فلان مات يعني الله اعلم...


بس فيه مره قريت كتاب عن الموت والله نسيت اسمه حلو مره يوصف الموتى واحوالهم وانهم من اول مايموتون يدرون انهم الحين ميتين ويحسون بكل شي يصير حواليهم اثناء التغسيل وشيل الميت للقبر والدفن

ويحسون بعد عن اللي يزورهم ويدعي لهم ويجتمعون مع بعض ويذكرون الدنيا ويسالون عن فلان ويعرفون اللي جاهم ميت وهل هو من اهل النار او الجنه ...

كان الكتاب حلو مررره بس ماقريته كله لان جاني شي قبض على قلبي وخفت والله نسيت اسمه عجزت اذكره بس هو مثل الملزمه كبير شوي ...


وحنا جتنا قبل خمس سنوات تقريبا كثره الاموات في عائلتنا سبحان الله والله حالتنا كانت الله يعلم بها اول شي توفى اخوي مريض بالسرطان بعدها بشهرين توفت عمتي تعبانه وبعدها ب4 شهور توفى ولد عمتي نفسها اللي توفت مريض بعد بالسرطان هذا انقطع قلب امي عليه تقول يوم جا يعزيني في ولدي قال لا يضيق صدرك ياخاله عديني ولدك واي شي تبينه انا حاضر ولايردك الا لسانك تقول ليته ماقال هالكلام راح هو بعد ...وبعد فتره كم شهر توفت بنته اللي هو ولد عمتي مسكينه كانت في 3 ابتدائي توفت محترقه الله يرحمهم وبعدها بسنه ونص توفى جدي....

اللهم ارحمهم جميعا واوسع عليهم في قبورهم وانرها لهم واجعلها روضه من رياض الجنه وارحمنا اذا صرنا الى ماصارو اليه يارحمن...