موضووووووووع يقطع القلب ويتذكر المواجع اللي مانسيها امكن نقرأ ققص غيرنا ويخفف ربي شويه من الحزن والالم اللي جوتنا بفقداحبابنا
اللهم ارحم موتانا وموتى المسلمين
اخويه الله يرحمه كان مره طيب مافي انسان زيه بالحنان والطيبه وحبه وحرصه على كل واحد اخر مره شفته كان في زواج اختي وكان في شهر شوال احسه كان يتأملناواحد واحد وكان مايتكلم كثير ولا جلس حتى معانا
حسيت انه متغير بس قلت امكن عشان شغله الجديد لانه كان يشتغل في جده وبعد زواج اختي انتقل الشغل في الرياض وهوه متزوج وعنده بنتين صغار الله يرحمه ويجعل بناته صالحات يدعون له
وجلس شهرين في الرياض وفي ذوالحجه ماجاء يعيدعنداهلي بس كلمنا بالتلفون
وماانسى كلماته ليه في التلفون وانا اقوله وحشتني كثيرررر ونفسي اشوفك قال الله يجمعنا على خير وكانت اخر مكالمه وبعدها ب16 يوم مات الله يرحمه ويغفر له ويجعل قبره روضه من رياض الجنه
تقول حرمته كلمها وجلس يوصيها على البنات واخويه اللي اصغرمنه يقول كلمني اكثر من عشر مرات وجلس يقوله على كل اغراضه في حاطها والمفاتيح والاوراق الخاصه بأبويه واخر مكالمه قبل مايموت بربع ساعه ويقولون الناس اللي كانوا يشتغلون معاه انه ماكان ينام الاساعتين عشان يخلص شغله باسرع وقت ويقول ابويه انه خلص كل المعاملات والاوراق الخاصه بشغله واخر حاجه سوها ارسل لابويه فاكس بتمام المشروع اللي في الرياض وبعدها مات على مكتبه وابويه بيتقطع قلبه كل ماشاف الفاكس آآآآآآآه ماينسي ابو جازي الله يرحمه ويجعل قبره روضه من رياض الجنه الله يرحمنا اذاصرنا اللي ماصاراليه ويجبر قلب امي وابويه ويصبرهم

انا اقول والعلم عند الله ان الطيب يموت بدري والشين يعيش دهرا واعتقد والله اعلم انه بالفعل الانسان المؤمن يحس بدنو اجله والله اعلم

يارب ترحم امواتنا واموات المسلمييييييييييييييييييييييييييييين

خالي قبل يموت راح زار اخواته كلهم ومن ضمنهم امي جعلها بجنات النعيم وبعدها بيوم توفى مع انه ماكان يشكي من شي
وامي جعلها بالجنه كانت عارفه <<لانها وصتنا باشياء وعلمتني اماكن الاشياء الثمينه واول ماطصلعو من البيت صار لهم الحادث
حسبي الله ونعم الوكيل...وفعلا مايروح الا الطيب والله

يارب ارحم امي واغفرلها واسكنها فسيح جناتك