السلام عليكم
أمى الله يرحمها كانت تتصل على زوجى أيام العقد بدون علمى وتقول له جهز نفسك بسرعة حاسة أنى بموت قريب وفعلا بعد 60 يوم من تاريخ زواجى ماتت أمى .
أبوى الله يرحمه شفت من سنوات رؤيا تفسيرها أنه راح يموت وانا بسفر وكنت كل ما اسافر أتصل وأسأل عليه وقبل ما يموت بالليل قلت لزوجى اشحن لى ابغى اكلم والدى قالى الصبح جاء الصبح أتصل ما يرد قلت يمكن نسى الجوال بالبيت كنت بتصل عليه وهم يغسلوه ويكفنوه وسبحان الله قبل ما يموت بأيام قليلة تعبت وكأنى مهدودة واشدها يوم موته وانا مدرى بموته وسبحان الله راح التعب بعدما مات وكنت أدعى له ديما ربنا يخليه لنا إلا قبل موته بأيام كنت طوال الوقت أدعوا له بحسن الخاتمة مات صايم وكان مسلفنى لأحج .
أختكم هبهوبة

اللهم احسن خاتمتنا
( أينما تكونو يدرككم الموت ولو كنتم في بروج مشيده).

صحيح مايروح الا الطيب ابوي الله يغفرله ويرحمه كان من اطيب الناس وخيره مغطي اللي يعرفهم كله مايدري ان احد محتاج مايساعده

لكن الله يقصر عمر من تسبب بوفاته ويبليه في عافيته حرني وقهرني على الغالي بس صار لي شي تعجبت منه وحده معارفنا شفتها في المنام قبل

يومين من وفاتها كانها زايرتنا في بيت اهلي وكنت نافس وقتها وجات جلست على فراشي وتبتسم بعدها بيومين

جاني خبر وفاتها وقبل ماتتوفى بنتها ممقضيه لها ااغراض وعطت امها اغراضها وطلعت شقتها الا وامها تدق عليها توصيها على اخوانها يوم

نزلت لها لقتها متوفيه بنتها تقول كانت ناويه تزورنا الله يرحمها وابوي واموات المسلمين

حديث عن ابن مسعود

لاتقوم الساعه الا على شرار الناس من لايعرف معروفا ولا ينكر منكرا


والله اعلم

ام زوجي الله يرحمها قبل تموت بأيام كانت تقول اسمع صوت آذان بأذني وصلاة واقامة وحنا نشوفها تصلي كل شوي ونقولها يا خاله ما بعد اذن تقول اسمعه بأذني يأذن وتتيمم وتصلي الله يرحمها
وفي يوم وفاتها رحت معها المستشفى وخلعت ملابسها عشان الاشعه سبحان الله اشم من جسمها ريحة مسك قويه وحلووووه ونقول لها لازم تتنومين تقول انا بروح بيتي هالكلام الظهر وراحت بيتها وتوفت قبل المغرب الله يرحمها وكانت امنيتها تموت في بيتها سبحان الله وقبل تموت بساعه كلمناها بالتلفون قلنا كيفك الحين قالت انا تعباااانه تعبانه حسيت بلهجتها كنها حاسه سبحان الله

الله يرحمها وموتى المسلمين ويرحمنا الى صرنا الى ماصاروا اليه