صراحة الوحده لازم تخاف على صحتها عن طريق المحافظة على وزنها يعني مب عشان خاطر حباب عيون المعرس وسواد عيونه تخاف على رشاقتها لا الوحده لازم تكون خايفة على رشاقتها وصحتها وما تنزل في الاكل مثل ............. ولا ما في داعي
يعني بصراحة يا شين الوحده يوم تكون متينه ومب رايمة تمشي وتتحرك شرى البنات حركتها بتكون بطيئة وفي النهاية هي الخسرانه صحتها وكلنا عارفين شو بلاوي السمنة واخطارها

انا عني انرفز يوم اشوف الوحدة مب رايمة تمشي لا وهاريه عمرها اكل في الروحة وفي الردة يعني هاي وحده مستهتره بمعمرها وصحتها

و الله يا اختي الغالية بحور الصمت مو هاريه عمري في الاكل و لاشي انا الظاهر من الريحه امتن بس ياخواتي كلامكن عن النصيب صحيح لان المدرسات اللي معاي في المدرسة قولي عشرة نحن مو متزوجات و كلهن ماشاء الله رشيقات بسسسس النصيب و كل وحده اجمل من الثانية وارشق ماجاهن النصيب لدرجة ان وحده فيهن وصلت الاربعين
و كل الصفات الزينه فيها بسسسس شنقول غير النصيب و الله يرزق كل وحده الزوج اللي يريحها دين وخلق

شوفي يااختي من فترة قريبة كان شرط الكثير من الشباب الفتاة المليانة لانها اجمل بنظرهم من البينت انحيفة (الناشفة علة قولهم)
وعمره ماكان النحف او التخن سبب في عدم الزواج فكنت نحيفة وتاخرنصيبي لما جا لانه كله بامر الله ومكتوب

لكن المشكلة انه احنا بعصر انتشرت في القنوات الفضائية ووالملابس في الاسواق راح مكان المليانات وصار الطلب كله على البنت الطويلة النحيفة الرشيقة الي عيونها مثل المغنية الفلانية وجسمها ورشاقتها مثل فلانة وخفة دمها مثل الممثلة ..والي زودها كمان انه اذا نزلتي للسوق بتتحيري في الملابس كلها ملابس ضيقة للاجسام الرشيقة

واحيانا يكون التخن سبب في تاخر الزواج مثل صديقتي كانت مليانة واختها ضعيفة ولطلب على لصغيرة طبعا
لما شافت نفسها كذه عملت ريجيم نحفت فيه 20 كيلو وصار الطلب عليها كثير وتزوجت على طول
منشان كدة انتي توكلي على الله وخدي بالاسباب واعملي نظام مش منشان الزواج بعينه لكن صحة لك ولجسمك وحماية من الامراض وخاصة السكري والام الظهر الله يبعدها عنا وعنكم

وش دخل الوزن بالقسمة والنصيب ؟؟؟؟؟

يااختي زواجك هذا مكتوب لك قبل لا تولدين وانتي في بطن امك !!!!!!!!!!!!


وش علاقته بالجسم؟؟؟؟؟؟؟؟؟؟؟

الاخت كانا

مرة ثانه اقول انا الوحده صحتها لازم تنحط جدام عيونها قبل كل شي يعني لنفسها وجمالها هي قبل اي حد ثاني مب عشان خاطر الناس

حب الشخص لنفسه ومعرفته ان ها الجسم نعمة من نعم الله سبحانه وتعالى تخلينا لازم نحافظ عليه وما نهمله