اختي العزيزه روعه ....... اسئلي خواتك وش نوع الريحه الي يشمونها فيك وفي اولادك
زينه وهذا الذي اتوقعه ...
اما أذا كانت غير كذا فياليت تسألينهم وش نوع الريحه هل هي ريحة مطبخ مثلا
عشان تقدرين تحلينها .............................................
اذا كانت الريحه من المطبخ ممكن انك بعد ماتخلصين من تنظيف المطبخ تضعين ملعقة قرفه+ملعقة سكر +2ملعقة ماء على النار.كذلك ممكن وضع فأزه بها اوراق نعناع اوحبق.
وفي ممرات الشقه ممكن تضعين فازه مملؤه بالورود المجففه وتعطرينها بين وقت واخر بالزيوت العطريه حسب ذوقك الي من زهور الريف او نكتار او بودي شب او ممكن العطر البخاخ الخاص بالورود المجففه لكن الزيوت تكون اكثر ثبات (يسلام على الريحه كل ما مرتي بالمدخل).وعلى المغاسل ممكن وضع فأزه صغيره ووضع قواقع داخلها واضافة الماء والزيت العطري له وكل مانقصة كمية الماء تضيفين عليه
زياده. ...... اتمنى اني اكون افدتك ولو بشيء بسيط..

ام سلطان .... الله على افكارك

والله انها روعــــــة وطبيعية وحلوة

اول شي اختي اهتمي بتهوية البيت خصوصا في فترة الصباح فرائحة الهواء النقي حلوه وتنقي جو البيت فالبيت اذا ماتهوا تكون له ريحه
وفيه عطر على كهرب في محلات العطور اخذي واحد وحطيه عند المدخل الرئيسي لضيوف
وبعدين جيبي بخور اللي ريحته قويه وحطيه في مزهرية الورد وحطيها على المغاسل حتى ضيوفك لو يغسلو يشموها
اما الحمام لازم يكون له مروحة شفط ودايما تحطي له ديتول
اما المطبخ لازم تكون له مروحة شفط عشان طلع الريحه برا حطي كل علب البخور في رف مرتبه بشكل حلو عند باب المطبخ ولازم تكون العلبه فاتحه انا مسويه هذي الفكره اول مدخل المطبخ اشم ريحة البخور
وايضا الموكيت لازم يكون من فتره الى فتره ينغسل او انك تشمسيه وايضا تعطري الموكيت بس لازم لما تعطريه تكوني متأكده من نظافته

بس اختي اعيد لك نقطين اتمنى تنفذيهم وتقوليلي شيلي الموكيت وغسليه والبيت لازم يهوى كل يوم فتره طويله
اتمنى اني افدتك

سمر >>> اهوي البيت كل يوم وهذي شغلة رئيسية عندي

والموكيت ما اقدر اشيله لانه ملصوق لكني اغسله وهو مكانه

وانشفه

ومن كم يوم مخلصة تنظيم شامل مع بنات المنتدى

والبخور لم اخليه مفتوح ما تروح ريحته .... يعن ما تتبخر ويصير بلا ريحة؟؟

شوفي عزيزتي ...

فعلاً لكل بيت ريحه ... والريحه هذي تعتمد على النظافه...

وحتى الريحه الحلوه تختلف من بيت لبيت لأنها على حسب تنظيف صاحبة البيت نفسهاا..

فإذا كانت ريحت بيتك حلوه فلاتزعلي...

وإسألي خواتك الريحه حلوه ولاشينه..

ودمتِ بأحسن حال..