اختي الصريحة

ما في مكان اقرب شوي من ماليزيا ؟ :)

ياهلا فيك جود

والفجر بارك الله في زوجك وجعله قرة عين لك

وتسلمي على هالمشاركة اللي تفتح النفس

اختي الكريمه

كما قالوا لك البنات الامر يرجع للشخصيه لكن هناك نقاط تذكريها ..

الملتزم اذا احب زوجته

احبها باخلاص ..

يعاشرها كما امره الله .. لايستغل حبها له للوصول الى امور اخرى ..

يبتعد عن المحرمات واقصد به في المعاشره الزوجيه وارى كثير من النساء تشتكي من هذا الامر بالتحديد ..

لايقارنها بالممثلات او المغنيات .. هل ترين؟؟؟ حب لذاتها وتقدير لما تقوم به ..

لاينظر لغيرها سواء في الاسواق او غيره ..

الحب يكون حب حقيقي .. حتى وان قلت الالفاظ الحنونه .. لكنه يكون مخلص لها

هل تريدين زوج مخلص ساكت ؟؟

او زوج رومانسي كلامه حلو ... ولكن .... لك ولغيرك ؟؟


ياختي الكريمه الحياه ملئ بالفتن .. والزوج الملتزم اصبح مثل العمله النادره ..

البيوت اصبحت كلها مفاسد .. انترنت .. فضائيات .. واشياء يندى لها الجبين .. والزوج الملتزم التزام فعلي ويخاف الله .. سيكون ان شاء الله بمنأى عنها وباذن الله سيحفظ عائلته منها ..


وان لم يحبها ..؟؟

فانه سيعاملها بما يرضي الله .. ولن يسمعها الا ماترضى ...

وفي النهايه الملتزم حتى وان اخطأ فانه مايلبث ان يستغفر الله ويتوب ..

لكن من كانت الذنوب ديدنه .. فلن ينتبه لاخطائه ..



عموما نصيحه لوجه الله ..

ياخوات لاتجعلوا الرومانسيه اهم شيء في الرجل .. صحيح انها مهمه .. لكنها ليست اهم شيء ...

الا بلعكس احس الملتزم كله رومانسيه ورقه لانه ومن اسمه ملتزم ماله الا زوجته وعياله
فتشوفينه يحاول يطبق كل الي يسويه نبينا محمد صلى الله عليه وسلم من دلع في الكلام والحركات حتى اللعب معها ماينساه ..الالتزام يخليه رحوم عطوف
وحتى لو هو مو رومانسي خلقه او مايحبها يحاول يراعي الله فيها ويعطيها ولو قليل
وهذا من واقعنا ........
مره في السوق شفت ملتحي ماسك يد زوجته كانه مفتخر بها ( شكله شديد بس قلبه رقيق )
هنيئا لها

ليييييييييييييييييييه والملتزم ماهو من بني ادم يحس ويشعر وله مشاعر اعجبني ردك جدا ياجود

والله يهدي صديقتك يابلسم للي فيه خير لها

السلام عليكم ورحمة الله وبركاته

انا رأيي العكس تماما
الملتزم هو اللي يكون رومانسي
حنا طبع الرجال عندنا غالبا الجلافة الا ماندر
لكن الملتزمين سبحان الله تحسين الدين مهذب نفوسهم في تعاملهم مع الزوجة
يكونون عارفين سنة الرسول صلى الله عليه وسلم واسلوبه يحاولون الاقتداء به على الأقل
بالاضافة ان الدين سبحانه يليّن القلوب ويرققها بشكل عام
سمعت عن زوجات كانوا يشتكون من أزواجهم قبل يلتزمون ولمّا التزموا ماشاء الله تبارك الله زانوا لزوجاتهم وعيالهم
الرومانسية اذا كانت كلااااااااام بس بدون صدق واخلاص مالها معنى وش الفايدة اذا كان الزوج رومانسي لكن ما عنده وازع ديني ممكن بأي وقت يخون بأي وقت يلعب من ورا زوجته
وفيه شيء مهم لازم ننتبه له
الالتزام مايكون بالشكل فقط لكن بالسلوك والجوهر وهذا الأهم
يمكن يكون فيه اشخاص ملتحين لكن بعيدين جدا عن أخلاق الدين