الله يهديه غصب عنه ..الله يهديه غصب عنه

الله يهدي زوجك ويصلح مابينكما

اكول شي وما تخافين ولا تزعلين؟ اذا كانت الامور بينكم عاديه وكل اللي كالو البنات مو صحيح اذن اكو شي يمنعه من النوم معك لان حتى الخرابيط وبنات الهوى ما يمنع الرجل ان ينام بغرفته
لكن في شي يمنعه وهو اما سحر ينفره منك ويكرها النومه معك او جنيه متزوجته وتبعده عنك صدكي اسألي وشوفي

هلا اختي وحبيبتي في الله ...
لن اضيف اكثر مما أضاف اخواتي فلقد أضافو ما فيه الكفايه ولا نقيد المسأله ونجعلها في شخصك فقط فكثير من النساء نسمعهن يشكين ازواجهن ونحمد الله على كل حال .....وما سافيدك به انشاء الله هو كما ذكرنه اخواتي تعلقي اكثر بالله وارمي سهام الليل فهي باذن الله تصيب ....
وساقول لك كلمه لفوزيه الدريع قالتها بنفسها لحاله مثل حالتك لعلها ترمم ما هزت كلمتها الاولي..... ان اي زوجه تشعر بخيانه من زوجها ولا تريد الانفصال وترغب بالعيش معه فلا تجعل نفسها عرضه للآلام النفسيه وتحطيم الذات بل عليها ان تتكيف مع الموضوع وتكون لها جوها الخاص الذي تجد نفسها فيه .....<<<هذا راي فوزيه وأنا أضنه ناجح مئه بالمئه اذا اعيتك الحيله في إصلاحه ...
أما قضية النوم فلا تنسي اختي انه وسيله عقاب فرضها القران بعد العضه والضرب ولا اضنك الا طاهرة عفيفه تقيه لاتستحقين هذا ولاينطبق عليك في شي وهو آثم ..... و ما اقوله لك <<<<اندعسي في حضنه غصبن عليه لعل الله ينزل بينكم الموده وخالص دعائي لك ان يجعلك حبة فؤاده ....
وسلامي اخيه ....

اختي

حلي المشكلة الاساسية واللي هي ضعف الايمان

ادعي له بالهداية وحاولي تصلحين حاله ..

وقولي لاخوانج ان ينصحونه ويحاولون يعرفونه على صحبة صالحة .. وانتي اهديه اشرطة دينية..

عن الخيانة والمعاكسات ومن هـ الشغلات..

وانتي اصلحي حالج وبسالج :


كيف صلاتج ..؟ بوقتها..؟؟

كيف وضوئج..؟؟

كيفج ويا قراءة القران ..؟؟

كيفج ويا قيام الليل..؟؟

كيف صلتج بالله..؟؟

اذا فيه تقصير حاولي تزيدين من العبادات ..وابتعدي عن الاغاني اذا كنتي تسمعين..

وخلي بيتج ايماني .. طول اليوم خلي الراديو ع اذعة القرآن الكريم..

اذا في البيت (دش)..فريه ولا عاد اترجعينه .. لانه سبب المصايب والفتن..:angry2:

اشتركي في قناة المجد وتابعي انتي وزوجج البرامج المفيدة والنافعة..:arb:

ودائما ادعيله من كل قلبج بالهداية والصلاح ..

وصدقيني اذا انتي التزمتي بالطاعات والعبادات والدعاء باخلاص..

باذن الله الله بيهدي زوجج..وبيحسن من حاله..

ودااااااااااااائما خليج بشوشة ولا تكشرين عن انيابج ابدا حتى اذا زعلج وقالج كلام مايسوى ..

احتسبي الاجر دااااااااائما من الله ..لا تنتظرين ردة فعله وشكره..

خليج انسانة شرحه والكلمة الطيبة والحلوة لاااااااااا تفارقج ابد الآبدين <<هاي من عندي..خخ

وخليج دلوووووووووووووعة موووووووووت .. وكوني احسن من البنات الضايعات ..

اتغزلي في زوجج .. وما شاء الله المواضيع واااايد في المنتدى اللي بتفيدج ..

وخليج واثقة من جمالج وجسمج .. ولا اتبينين لزوجج انج انقص من الضايعات ..

وايلسي مع زوجج يلسة مصارحة..واساليه عن الاشياء اللي مو عاجبته فيج ..

وخلي في بالج اسوء رد راح يقولج اياه ..مثلا : (كلج على بعضج مو عاجبتني ..) انا قلت مثلا ..

عشان ما اتكون ردة فعلج سلبية .....وذكريه بقول الله تعالى : (وعسى ان تكرهوا شيئا وهو خير لكم )..

وقوليله ان شاء الله من باجر بتغير ولا اتخلين الابتسامة اتفارقج ..<<<<<هذا كله اذا كنتي مقصرة في شي ..

او قالج اشياء مب عاجيته فيج..


طرشيله دوم مسجات رومنسية ..مب شرط منقوله ..

يعني انتي اكتبي من عندج...( زوجي الغالي ....،حبيبي....اشتقت لك...، يا اجمل واحلى واطهر حب....،)<<حسسيه انه انسان طاهر ومترفع عن الشغلات الوصخة..
وانه ارقى من اللي يسوون هـ الحركات ..وانه معدنه نظيف وطيب..وبيحس ان اللي يسويه نزوات شيطانية وبيرجع يحاسب نفسه ..


قوليله قصص عن اللي يعاكسون وشو كانت نهايتهم وانهم عايشين في وهم <<<بس بطريقة غير مباشرة وما اتحسسينه انه هو المقصود..

ذكريه بالجنة ووصف الحور العين وانه لو اجتمعت جميع نساء الدنيا الجميلات ما يسوون ظفر حورية في الجنة واللي باذن الله وبرحمته راح اتكونين انتي في الجنة ان شاء الله ..

ذكريه ان الدنيا فانية واللذات زايلة والنعيم واللذة الحقيقية في الجنة .. وخلي النصيحة نابعة من قلبج
ولوجه الله عشان تدخل قلبه على طول ويكون لها اثر باذن الله..


ومن باجر سوي اللي اقولج عليه ..:

1- رتبي نفسج وسشوري شعرج واتعدلي والبسي احلى لبس عندج ورقدي ولدج

2-ناديه للغرفة وقوليله بكل دلع وانوثة ..(ابيك اشوي..)

3- يوم يدخل الغرفة سكري الغرفة بالمفتاح وخبيه عندج واتكونين مجهزة ملابس النوم مالته..

4- قوليله بكل دلع ما في طلعه من الغرفة من اليوم وساير يا انا عندك او انت عندي..
وليله سعيدة:42: :icon28:

او.. :

- بعد ما يرقد في الميلس بخمس دقايق .. واتكونين متعدلة ومتعطره ييبي المخدة والفراش وارقدي
بيمبه.. طبعا بيحس فيج .. وذا سالج (شو يابج ..؟).. قوليله ..( الشوووووووووووووق..)
وليله سعيدة.. :icon28:


واذا كل هذا ما فاد فاصبري واحتسبي الاجر من الله .. ولا تياسي ابدا من نصيحته بالكلمة الطيبة
ومن الدعاء له ..

وعليج بالاستغفار والالحااااااااااااااااااااح في الدعاء..


وحبيت اقولج ان الوضع خطير والبنات مب مزودينها بالعكس حبيبتي ..

يقولج المثل ( اللي بعيد عن العين بعيد عن القلب )
والمثل اللي قلتيه (مال المخدة والمودة ...<<مب حافظته)
وانتي بسكوتج راح اتخلينه ياخذ حريته بالمكالمات .. والله يستر اذا ما تطورت ..!!

اتمنى اني افدتج .. والله ان صدري ضااااااااااااااااااااااااااااااااااااااااق عليج ..
وكاتبة الرد من خاااااااااااطري ..
والسموحة احس الكلام ملخبط وفي اشياء مالها داعي..

وانا في انتظار التطورات..
مع السلاااااااااااااااااااامة ...